མཚོ་ནུབ་ཁུལ་གྱི་དཔེ་སྟོན་སློབ་གྲྭའི་གནམ་གཤིས་ས་ཚིགས་ཐོག་མ་བསྐྲུན།

ཟླ11པའི་ཚེས19ཉིན། མཚོ་ནུབ་སོག་རིགས་བོད་རིགས་རང་སྐྱོང་ཁུལ་གྱི་དཔེ་སྟོན་སློབ་གྲྭའི་གནམ་གཤིས་ས་ཚིགས་ཐོག་མ་དེ་གཏེར་ལེན་ཁ་གྲོང་ཁྱེར་རྨ་ཆུའི་ལམ་སློབ་ཆུང་དུ་ཞིབ་བཤེར་རྩིས་ལེན་བྱས་ཏེ་སྒོ་བྱང་བཀལ། དེ་ནི་ཞིང་ཆེན་ཡོངས་ཀྱི་གཞི་ཁྱོན་ཅུང་ཆེ་བ་དང་ནང་དོན་ཅུང་ཕུན་སུམ་ཚོགས་པའི་སློབ་གྲྭའི་གནམ་གཤིས་ཚན་རིག་ཁྱབ་གདལ་དཔེ་སྟོན་ས་ཚིགས་ཀྱི་གྲས་ཤིག་རེད།

མཚམས་སྦྱོར་བྱས་པ་ལྟར་ན། སློབ་གྲྭའི་གནམ་གཤིས་ས་ཚིགས་དེར་སྔོན་ཐོན་དང་ཆེད་ལས་ཀྱི་གནམ་གཤིས་ལྟ་ཞིབ་ཚད་ལེན་སྒྲིག་ཆས་སྒྲིག་སྦྱོར་བྱས་ཡོད་པ་དང་། དེ་དག་གིས་དུས་དང་རྣམ་པ་ཀུན་ཏུ་དྲོད་ཚད་དང་།    བརླན་ཚད།    རླུང་གནོན།    ཆར་ཚད།    རླུང་ཚད།    རླུང་ཕྱོགས།    ཆར་ཆུ་འབབ་ཚད་སོགས་གནམ་གཤིས་ཀྱི་གཞི་གྲངས་སྣ་ཚོགས་བསྡུ་ཐུབ།   གཞི་གྲངས་དེ་དག་ནི་དགེ་སློབ་ཚོས་གནམ་གཤིས་འགྱུར་ལྡོག་ལ་ལྟ་ཞིབ་བྱེད་པའི་རྒྱུ་ཆ་དང་པོར་གྱུར་པ་མ་ཟད།    སློབ་གྲྭས་གནམ་གཤིས་ཚན་རིག་ཁྱབ་གདལ་སློབ་ཚན་སྤེལ་བའི་གསོན་ཉམས་དོད་པའི་དཔྱད་གཞི་ཞིག་ཏུ་གྱུར་ནས། སློབ་གྲྭའི་རྒྱུན་ལྡན་གྱི་སློབ་ཁྲིད་དང་སློབ་ཕྱིའི་རྒྱ་སྐྱེད་བྱ་འགུལ་ཁྲོད་མཉམ་འདྲེས་ཐུབ་རྒྱུ་རེད།     གནམ་གཤིས་ས་ཚིགས་ཀྱིས་སྣ་མང་ཕུན་སུམ་ཚོགས་པའི་འགྲེམས་སྟོན་གྱི་ནང་དོན་དང་། གསོན་ཉམས་དང་སྤྲོ་སྣང་ལྡན་པའི་ཚན་རིག་ཁྱབ་གདལ་བྱ་འགུལ་སྤེལ་ནས། གཞོན་ནུ་ལོ་ཆུང་ལ་གནམ་གཤིས་ཚན་རིག་ལ་འབྲེལ་འདྲིས་དང་གནམ་གཤིས་ཚན་རིག་གི་ཡིད་དབང་འཕྲོག་ཤུགས་མྱོང་རོལ་བྱེད་པའི་སྟེགས་བུ་ཞིག་འདོན་སྤྲོད་བྱ་རྒྱུ་རེད།

གཏེར་ལེན་ཁ་གྲོང་ཁྱེར་རྨ་ཆུ་ལམ་སློབ་ཆུང་གི་སློབ་གཙོ་ཝང་ཆིག་རུའེ་ཡིས་བཤད་རྒྱུར། སྒོ་བྱང་འགལ་བའི་ཡུལ་དངོས་སུ། མཚོ་ནུབ་ཁུལ་གནམ་གཤིས་ཅུའུ་ཡི་མཐོ་རིམ་བཟོ་སྐྲུན་པའི“ང་དང་གནམ་གཤིས”བརྗོད་དོན་གཙོ་བོར་དམིགས་ཏེ། བྱིས་པ་རྣམས་ལ་ཡུལ་དངོས་སུ་གནམ་གཤིས་བསྟུད་མར་ཇེ་དྲོད་དུ་སོང་ཚེ། སའི་གོ་ལ་མཐའ་ཡས་རྒྱ་མཚོ་ལྟ་བུར་འགྱུར་སྲིད”ཅེས་པ་དང་།    “འཚོ་སྡོད་ལ་འཚམ་པའི་སྐར་མའི་གོ་ལ་འཚོལ་བ་དང་སའི་གོ་ལའི་ཁྱིམ་གཞིས་སྲུང་སྐྱོབ”སོགས་གསོན་ཉམས་དོད་ལ་ཞིབ་ཕྲའི་གནམ་གཤིས་ཤེས་བྱ་འགྲེལ་བཤད་བྱས།     “ང་ཚོས་གནམ་གཤིས་ཚན་རིག་ཁྱབ་གདལ་གྱི་འཆད་ཁྲིད་དང་གནམ་གཤིས་གནོད་འཚེའི་འཕྲལ་སྒྲུབ་སྦྱོང་བརྡར་སོགས་ཀྱི་བྱ་འགུལ་སྤེལ་ནས། གནམ་གཤིས་ས་ཚིགས་དེ་ཕྱོགས་བསྡུས་རང་བཞིན་གྱི་ཚན་རིག་ཁྱབ་གདལ་སློབ་སྦྱོང་གི་སྟེགས་བུ་ཞིག་ཏུ་བཏོད་དེ། བྱིས་པ་ཚོར་སྔར་ལས་ཕུན་སུམ་ཚོགས་པའི་སློབ་སྦྱོང་གི་ཐོན་ཁུངས་འདོན་སྤྲོད་བྱ་རྩིས་ཡོད”ཟེར།