བོད་ལྗོངས་ཀྱི་རྩོམ་པ་པོ་ཁོང་གཉིས་པོར་རྟ་མཆོག་བྱ་དགའ་ཐོབ་འདུག

ཚེས16ཉིན་གྱི་དགོང་མོ“2024ལོའི་ཀྲུང་གོའི་རྩོམ་རིག་མཛད་སྒོ·རྟ་མཆོག་བྱ་དགའི་མཚན་མོ”ཞེས་པའི་ཐོག་མི་རིགས་ཁག་གི་རྩོམ་པ་པོ་དང་ལོ་ཙཱ་བ་30ལྷག་ལྷན་ཏུ་འཛོམས་ནས་མི་རིགས་རྩོམ་རིག་གི་དོན་ཆེན་ལ་ཐུན་མོང་ཐོག་རྟེན་འབྲེལ་ཞུས་ཡོད།    བོད་ལྗོངས་ཀྱི་རྩོམ་པ་པོ་ཉི་མ་ཕན་ཐོགས་ཀྱི《མཐོ་སྒང》ཞེས་པར་སྐབས་བཅུ་གསུམ་པའི་རྟ་མཆོག་བྱ་དགའི་བརྩམས་སྒྲུང་རིང་གྲས་ཀྱི་བྱ་དགའ་ཐོབ་པ་དང་།    བོད་ལྗོངས་ཀྱི་རྩོམ་པ་པོ་འཇིགས་མེད་ཕུན་རྒྱལ་གྱི་《བདེ་སྐྱིད་ཀྱི་འགྱུར་ཁུག--བོད་ཀྱི་དབུལ་སྒྲོལ་མཉམ་སྒྲོག་རོལ་དབྱངས》ཞེས་པར་སྐབས་བཅུ་གསུམ་པའི་རྟ་མཆོག་བྱ་དགའི་སྙན་ཞུའི་རྩོམ་རིག་བྱ་དགའ་ཐོབ་པ་རེད།    

 ཤེས་རྟོགས་བྱུང་བར་གཞིགས་ན།    “རྟ་མཆོག་བྱ་དགའ”ནི་ཀྲུང་གོ་རྩོམ་པ་པོ་མཐུན་ཚོགས་དང་རྒྱལ་ཁབ་མི་རིགས་ལས་དོན་ཨུ་ལྷན་གྱིས་ཐུན་མོང་ཐོག་གཙོ་གཉེར་བྱས་པའི་རྒྱལ་ཁབ་རིམ་པའི་རྩོམ་རིག་བྱ་དགའ་ཡིན་པ་དང་། 1981ལོར་བཙུགས་པ་ནས་ད་བར་གྲུབ་འབྲས་གཡུར་དུ་ཟ་བ་ཐོབ་པའི་ཐོག་ནས་ཀྲུང་གོའི་རྩོམ་རིག་གི་དཔེ་རིས་གྲ་རྒྱས་ཕུན་སུམ་ཚོགས་སུ་བཏང་ཡོད།    

ཉི་མ་ཕན་ཐོགས།  བོད་རིགས།    ཀྲུང་གོའི་རྩོམ་པ་པོའི་མཐུན་ཚོགས་ཀྱི་ཚོགས་མི་དང་བོད་ལྗོངས་རྩོམ་པ་པོའི་མཐུན་ཚོགས་ཀྱི་ཀྲུའུ་ཞི་གཞོན་པ།     བརྩམས་ཆོས་དག་《བརྩམས་ཆོས》དང་《མི་རིགས་རྩོམ་རིག》《བརྩམས་སྒྲུང་རིང་གྲས་ཕྱོགས་བསྒྲིགས》《འབྲི་ཆུའི་རིག་རྩལ·བརྩམས་སྒྲུང་ཡག་ཤོས》སོགས་དུས་དེབ་ཐོག་སྤེལ་མྱོང་།    བརྩམས་སྒྲུང་རིང་གྲས་《འབྲུ་སྨུག་པོ》དང་《མཐོ་སྒང》ཞེས་པ་དཔེ་སྐྲུན་བྱས་ཡོད།     སྐབས་བཅུ་གསུམ་པའི་རྒྱལ་ཡོངས་གྲངས་ཉུང་མི་རིགས་རྩོམ་རིག་གསར་རྩོམ་གྱི་རྟ་མཆོག་བྱ་དགའ་དང《མི་རིགས་རྩོམ་རིག》གི་ལོ་འཁོར་བྱ་དགའ་སོགས་ཐོབ་མྱོང་ཡོད་པ་རེད།    

འཇིགས་མེད་ཕུན་རྒྱལ།  བོད་རིགས།    བོད་ལྗོངས་རྩོམ་པ་པོའི་མཐུན་ཚོགས་ཀྱི་ཀྲུའུ་ཞི།     བརྩམས་སྒྲུང་འབྲིང་ཐུང་གྲས་ཕྱོགས་བསྒྲིགས《པེ་ཅིང་གི་བོད་མི》དང་།    ལྷུག་རྩོམ་ཕྱོགས་བསྒྲིགས《སྣང་ས་འོད་འབུམ་འཚོལ་བ》    དངོས་བྲིས་རྩོམ་རིག་རིང་གྲས《ས་མཐོའི་མུ་ཏིག་གཞིས་ཀ་རྩེ》    སྙན་རྩོམ་རིང་གྲས《ན་མུའུ་ནཱ་ཉིའི་གཏམ་རྒྱུད》    གློག་བརྙན་རྩོམ་རིག་འཁྲབ་གཞུང《ཁ་བ་བུ་ཡུག་ཁྲོད་ཀྱི་ལང་ཚོ》《བོད་ཀྱི་ལོ་ཟླ》སོགས་དཔེ་སྐྲུན་བྱས་ཡོད།