སྤྱི་ཚེས16ཉིན་ལྷ་ས་གྲོང་ཁྱེར་ཁྲེང་ཀོན་ཆུས་ནོར་སྟོད་སྡེ་ཁུལ་གྱིས་མི་རིང་བའི་གོང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཀན་སུའུ་ཞིང་ཆེན་ལན་ཀྲོའུ་གྲོང་ཁྱེར་ཙོ་ལིན་ཤི་སྡེ་ཁུལ་དུ་རྟོག་ཞིབ་གནང་སྐབས་ཡུལ་མིའི་དོན་དངོས་ཀྱི་དགོས་མཁོ་དང་ལྷག་པར་དུ་རྒན་རྒོན་དང་བྱིས་པའི་གཙོ་གནད་ལས་དོན་ལ་དམ་པོར་དམིགས་ནས་སྡེ་ཁུལ་གྱི་ཞབས་ཞུའི་ཆུ་ཚད་རྒྱུན་ཆད་མེད་པར་མཐོ་རུ་གཏོང་དགོས་ཞེས་པའི་མཛུབ་སྟོན་གལ་ཆེན་ལ་བརྡ་ལན་ཧུར་ཐག་ཞུ་ཆེད་རང་སྡེ་ཁུལ་གྱི་རྒན་རྒོན་དང་བྱིས་པའི་ཞབས་ཞུའི་གཙོ་གནད་ལ་དམིགས་ཏེ་ལོ་བརྒྱ་བག་གྲོའི་གཅེས་སེམས་ཁེ་ལས་དང་མཉམ་དུ་དྲོ་སྐྱིད་ལྡན་པའི་རྒན་རོགས་གཞོན་སྐྱོར་གྱི་དགུན་ལྷམ་ཞལ་འདེབས་ཀྱི་བྱེད་སྒོ་ཞིག་སྤེལ་བ་རེད།
བྱེད་སྒོའི་ཐོག་རང་སྡེ་ཁུལ་གྱི་རྒན་རྒོན་དང་བྱིས་པར་ལྷམ་ཆ་ཉིས་བརྒྱ་ལ་ཉེ་བ་སྤྲད་པ་མ་ཟད། ད་དུང་སྤྱི་ཚོགས་ཀྱི་དོ་ཁུར་དང་དྲོ་སྐྱིད་ཀྱང་བརྒྱུད་སྤྲོད་བྱས་ཡོད་པ་རེད།
བྱེད་སྒོ་སྤེལ་ཡུལ་དུ་ཁེ་ལས་ཀྱི་འབྲེལ་ཡོད་ལས་དོན་མི་སྣ་དང་སྡེ་ཁུལ་གྱི་འགན་འཁུར་བས་རྒན་རྒོན་དང་བྱིས་པ་ཚོར་དཀར་གཙང་གི་མཇལ་དར་དང་བདེ་འཕྲོད་ཀྱི་ལྷམ་སྤྲད་པ་དང་ཆབས་ཅིག་གཞས་པ་ནོར་བུ་བསམ་གྲུབ་དང་ཁེ་ལས་དང་སྡེ་ཁུལ་གྱི་རིག་རྩལ་འཁྲབ་སྟོན་པས་རྒན་རྒོན་ཚོར་ངོ་མཚར་ཆེ་བའི་འཁྲབ་སྟོན་བྱས་པ་རེད།
ད་ཐེངས་ཀྱི་བྱེད་སྒོས་སྡེ་ཁུལ་གྱི་ལས་དོན་སྐོར་ལ་གནང་བའི་སྤྱི་ཁྱབ་ཧྲུའུ་ཅིའི་མཛུབ་སྟོན་གལ་ཆེན་དོན་འཁྱོལ་བྱས་ཐོག་སྡེ་ཁུལ་དང་ཁེ་ལས་དབར་གྱི་གཅེས་སེམས་དང་འགན་འཁྲི་མངོན་པ་མ་ཟད། སྡེ་ཁུལ་གྲོང་མིའི་བདེ་སྐྱིད་ཚོར་སེམས་དེ་བས་ཆེ་རུ་ཕྱིན་ཡོད་པ་རེད།
སྡེ་ཁུལ་གྱི་འབྲེལ་ཡོད་འགན་འཁུར་བས་འབྱུང་འགྱུར་ནོར་སྟོད་སྡེ་ཁུལ་གྱིས་ད་ཐེངས་ཀྱི་བྱེད་སྒོ་དེ་གོ་སྐབས་སུ་བྱས་ནས་རྒན་རྒོན་དང་བྱིས་པའི་ཞབས་ཞུའི་མ་ལག་སྔར་བས་འཚོལ་ཞིབ་དང་འཐུས་ཚང་དུ་བཏང་ནས་སྡེ་ཁུལ་གྱི་གྲོང་མིར་དེ་བས་མཛེས་སྡུག་ལྡན་པའི་འཚོ་བའི་ཁོར་ཡུག་ཧུར་ཐག་བཏོད་དེ་ཐུན་མོང་ཐོག་ཞི་མཐུན་དང་བདེ་སྐྱིད་ལྡན་པའི་སྡེ་ཁུལ་གྱི་ཁྱིམ་གཞིས་བསྐྲུན་རྒྱུ་ཡིན་ཞེས་བརྗོད་ཡོད་པ་རེད།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注