ཟླ10པའི་ཚེས31ཉིན། མཚོ་སྔོན་ཞིང་ཆེན་ཡོངས་ཀྱི་ལས་རིགས་མཐུན་ཚོགས་དང་ཚོང་ཚོགས་ཀྱི་ལས་དོན་བརྗེ་རེས་ཀྱི་སྐུལ་སྤེལ་ཚོགས་འདུ་ཟི་ལིང་དུ་བསྡུས།
གྲོས་ཚོགས་ལས་བསྟན་དོན། ད་ལོ་ནས་བཟུང་། མཚོ་སྔོན་ཞིང་ཆེན་ཏང་ཨུའི་སྤྱི་ཚོགས་ལས་དོན་པུའུ་ཡིས་ཏང་གིས་སྤྱི་ཚོགས་ལས་དོན་ལ་ཁྱོན་ཡོངས་ནས་འགོ་ཁྲིད་བྱ་རྒྱུར་སྔར་ལས་ཤུགས་སྣོན་པ་དང་། ཞིང་ཆེན་ཡོངས་ཀྱི་ལས་རིགས་མཐུན་ཚོགས་དང་ཚོང་ཚོགས་ཀྱི་ཏང་འཛུགས་ལས་དོན་ལ་མུ་མཐུད་དུ་ཤུགས་སྣོན་པ། ལས་རིགས་མཐུན་ཚོགས་དང་ཚོང་ཚོགས་ཀྱི་བཅོས་སྒྱུར་ཟབ་སྤེལ་དང་ཚུལ་སྒྱུར་འཕེལ་རྒྱས་ལ་མཐུན་སྦྱོར་ངང་སྐུལ་འདེད་གཏོང་བ་བཅས་བྱས་པའི་དབང་གིས། ལས་རིགས་མཐུན་ཚོགས་དང་ཚོང་ཚོགས་ཀྱི་ལས་དོན་སོ་སོར་གོ་རིམ་ལྡན་པའི་ངང་སྐུལ་འདེད་ཐེབས་ཡོད།
གྲོས་ཚོགས་ལས་ནན་གྱིས་བསྟན་དོན། ཏང་གིས་ལས་རིགས་མཐུན་ཚོགས་དང་ཚོང་ཚོགས་ལ་ཁྱོན་ཡོངས་ནས་འགོ་ཁྲིད་བྱ་རྒྱུ་རྒྱུན་འཁྱོངས་དང་དེར་ཤུགས་སྣོན་རྒྱག་དགོས་ལ། ཞིང་ཆེན་ཡོངས་ཀྱི་ལས་རིགས་མཐུན་ཚོགས་དང་ཚོང་ཚོགས་ཀྱི་ཏང་འཛུགས་ལས་དོན་གྱི་དོ་དམ་སྒྲིག་སྲོལ་མཐུན་སྦྱོར་བྱེད་ཤུགས་སྔར་ལས་འཐུས་ཚང་དུ་གཏོང་བ། ཏང་རྩ་འཛུགས་ཀྱི་དམག་འཐབ་མཁར་རྫོང་གི་ནུས་པ་དང་ཏང་ཡོན་གྱི་གདོང་ལེན་དཔེ་བཟང་གི་ནུས་པ་འདོན་སྤེལ་གང་ལེགས་བྱེད་པ། ཏང་ཡོན་གྱི་སློབ་གསོ་དོ་དམ་ཞབས་ཞུའི་ལས་དོན་ཡག་པོ་སྒྲུབ་པ། ཏང་འཛུགས་ལས་དོན་གྱིས་མང་ཚོགས་ལ་སྣེ་ཁྲིད་བྱེད་པ་དང་མང་ཚོགས་འཛུགས་སྐྲུན་གྱིས་ཏང་འཛུགས་ལས་དོན་ལ་སྐུལ་འདེད་གཏོང་བ་བཅས་བྱས་ཏེ། ཕྱོགས་ཡོངས་ནས་ཏང་ནན་སྐྱོང་བྱ་རྒྱུར་མུ་མཐུད་སྐུལ་འདེད་གཏོང་རྒྱུ་དེ་ལས་རིགས་མཐུན་ཚོགས་དང་ཚོང་ཚོགས་ཀྱི་ཕྱོགས་སུ་རྒྱུན་འཁྱོངས་ལྷོད་མེད་བྱེད་དགོས། ལས་རིགས་མཐུན་ཚོགས་དང་ཚོང་ཚོགས་ཀྱི་དོ་དམ་སྒྲིག་སྲོལ་བཅོས་སྒྱུར་མུ་མཐུད་ཟབ་སྤེལ་གཏོང་བ་དང་བཅོས་སྒྱུར་གྲུབ་འབྲས་སྲ་བརྟན་དང་རྒྱ་སྐྱེད་གཏོང་བ། ལས་རིགས་མཐུན་ཚོགས་དང་ཚོང་ཚོགས་ཀྱི་འགན་འཁུར་བའི་ཆབ་སྲིད་ཀྱི་ཞིབ་དཔྱད་ལ་ཤུགས་སྣོན་པ། ལས་རིགས་མཐུན་ཚོགས་དང་ཚོང་ཚོགས་ཀྱི་ཏང་རྩ་འཛུགས་ཇུས་ཐག་གཅོད་པར་ཞུགས་པའི་ལས་དོན་གྱི་ཞིབ་ཐོ་དང་ཞིབ་ཕྲ་ཡང་དག་བཟོ་བ། ལས་སྒོ་གཙོ་གཉེར་སྡེ་ཁག་དང་ལས་རིགས་དོ་དམ་སྡེ་ཁག་གི་ལྟ་སྐུལ་དོ་དམ་འགན་འཁྲི་ནན་མོ་ཅན་དུ་གཏོང་བ། ལས་རིགས་སོ་སོའི་མཐུན་ཚོགས་དང་ཚོང་ཚོགས་ཀྱི་ལས་རིགས་རང་གཅུན་རང་སྡོམ་དང་དོ་དམ་ཚོད་འཛིན་ལམ་སྲོལ་སྔར་ལས་འཐུས་ཚང་དུ་གཏོང་བ། ལས་རིགས་མཐུན་ཚོགས་དང་ཚོང་ཚོགས་ཀྱི་ནུས་པ་འདོན་སྤེལ་གང་ལེགས་བཅས་བྱེད་དགོས། ཞིང་ཆེན་རིམ་པའི་སྤྱི་ཚོགས་རྩ་འཛུགས་ལས་རིགས་ཀྱི་ཏང་ཨུས་རང་ཁོངས་སུ་གཏོགས་པའི་ལས་རིགས་མཐུན་ཚོགས་དང་ཚོང་ཚོགས་ཀྱི་ཏང་འཛུགས་ལས་དོན་ལ་མཛུབ་སྟོན་དང་རོགས་རམ།ལྟ་སྐུལ་ཞིབ་བཤེར་བཅས་བྱ་རྒྱུར་དམ་འཛིན་ཡག་པོ་བྱེད་དགོས་ལ། སྤྱི་འདོམས་འཆར་འགོད་ལ་ཤུགས་སྣོན་རྒྱུ་དང་ཉམས་མྱོང་དང་བྱེད་སྟངས་དཔྱད་གཞིར་འཛིན་པ། དོན་འཁྱོལ་བྱེད་ཐབས་བཟོས་ནས་དངོས་སུ་འདོན་པ་བཅས་བྱས་ཏེ། ལས་རིགས་མཐུན་ཚོགས་དང་ཚོང་ཚོགས་ཀྱི་ལས་དོན་སོ་སོ་དོན་འཁྱོལ་མཐར་ཕྱིན་ཡོང་བར་ནུས་ཤུགས་ཡོད་རྒུས་སྐུལ་འདེད་གཏོང་དགོས།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注