ཀོ་གྲུ་དང་འབྲུག་གྲུའི་འགྲན་བསྡུར།

ཀོ་གྲུ་དང་འབྲུག་གྲུའི་འགྲན་བསྡུར།

སྤྱི་ཟླ6པའི་ཚེས9ཉིན། ལྔ་པའི་ཚེས་ལྔའི་དུས་ཆེན་ལ་རྟེན་འབྲེལ་ཞུ་བའི2024ལོའི་བོད་རང་སྐྱོང་ལྗོངས་ཀྱི་ཀོ་གྲུ་དང་འབྲུག་གྲུའི་འགྲན་བསྡུར་དེ་ལྷ་ས་གྲོང་ཁྱེར་དུ་གཉེར་ཡོད།

ཤེས་རྟོགས་བྱུང་བར་གཞིགས་ན། ད་ཐེངས་ཀྱི་འགྲན་བསྡུར་དེར་ཀོ་གྲུ་རུ་ཁག20དང་། འབྲུག་གྲུ་རུ་ཁག6བཅས་ཁྱོན་བོད་ལྗོངས་ས་གནས་ཁག་གི་འཐུས་མི་རུ་ཁག26ཞུགས་ཡོད། དེ་ནི་བོད་ལྗོངས་ལྷ་སར་གཉེར་བའི་ཀྲུང་གོའི་ས་བབ་མཐོ་ཤོས་ཀྱི་འབྲུག་གྲུའི་འགྲན་བསྡུར་ཐོག་མ་དེ་ཡིན་པ་རེད།

ལྔ་པའི་ཚེས་ལྔའི་དུས་ཆེན་ནི་ཀྲུང་ཧྭའི་སྲོལ་རྒྱུན་དུས་ཆེན་ཞིག་ཡིན་ཞིང་། འབྲུག་གྲུ་འགྲན་བསྡུར་བྱེད་པ་དང་། འབྲས་ཟན་ཟ་བ། དམངས་སྲོལ་བྱེད་སྒོ་སྤེལ་བ་སོགས་བྱས་ནས་དུས་ཆེན་དགའ་གཏོང་བྱེད་སྲོལ་ཡོད།