མཚོ་སྔོན་ཞིང་ཆེན་ཞིང་སྡེ་ཚོང་ལས་དངུལ་ཁང（ཞིང་སྡེ་ཡིད་རྟོན་ཁང）ཁོངས་གཏོགས་ཀྱི་གསར་བརྗེ་སློབ་གསོའི་རྟེན་གཞིའི་སྒོ་བྱང་འགེལ་བའི་མཛད་སྒོ་མཚོ་སྔོན་རྡུལ་ཕྲན་མཁར་དྲན་གསོ་ཁང་དུ་སྤེལ།
ཤ་བོ་སྐྱབས་དང་ཝང་ཞིན་ཡོན་མཛད་སྒོར་ཕེབས། ཀྲང་ཧྲིང་ཡོན་དང་ཁྲིན་ཨའེ་མིན་གྱིས་ཤིས་ཚིག་ཕུལ།
ཟླ5པའི་ཚེས24ཉིན་གྱི་སྔ་དྲོར། མཚོ་སྔོན་ཞིང་ཆེན་ཞིང་སྡེ་ཚོང་ལས་དངུལ་ཁང（ཞིང་སྡེ་ཡིད་རྟོན་ཁང）ཁོངས་གཏོགས་ཀྱི་གསར་བརྗེ་སློབ་གསོའི་རྟེན་གཞིའི་སྒོ་བྱང་འགེལ་བའི་མཛད་སྒོ་མཚོ་སྔོན་རྡུལ་ཕྲན་མཁར་དྲན་གསོ་ཁང་དུ་འཚོགས་ཤིང་། ཁུལ་ཨུའི་ཧྲུའུ་ཅི་ཤ་བོ་སྐྱབས་དང་མཚོ་སྔོན་ཞིང་ཆེན་ཞིང་སྡེ་ཡིད་རྟོན་ཁང་མཉམ་ལས་ཁང་གི་ཏང་ཨུའི་ཧྲུའུ་ཅིའམ་ལས་འཛིན་དཔོན་ཝང་ཞིན་ཡོན་མཛད་སྒོར་ཕེབས། ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཀྲང་ཧྲིང་ཡོན་དང་མཚོ་སྔོན་ཞིང་ཆེན་ཞིང་སྡེ་ཡིད་རྟོན་ཁང་མཉམ་ལས་ཁང་གི་ཏང་ཨུའི་ཧྲུའུ་ཅི་གཞོན་པ་ཁྲིན་ཨའེ་མིན་གཉིས་ཀྱིས་སོ་སོར་ཤིས་ཚིག་ཕུལ་བ་དང་། ཁུལ་ཨུའི་རྒྱུན་ཨུའམ་དྲུང་ཡིག་ཆེན་མོ་ཝང་ཡུང་ཁྲང་གིས་གཙོ་སྐྱོང་གནང་།
ཀྲང་ཧྲིང་ཡོན་གྱིས་ཤིས་ཚིག་ཕུལ་སྐབས་མཚོ་སྔོན་ཞིང་ཆེན་ཞིང་སྡེ་ཚོང་ལས་དངུལ་ཁང（ཞིང་སྡེ་ཡིད་རྟོན་མཉམ་ལས་ཁང）མ་ལག་གི་གསར་བརྗེའི་སློབ་གསོའི་རྟེན་གཞིའི་སྒོ་བྱང་བཀལ་བར་བཀྲ་ཤིས་བདེ་ལེགས་ཞུས་པ་དང་། མཚོ་སྔོན་ཞིང་སྡེ་ཡིད་རྟོན་མཉམ་ལས་དངུལ་ཁང་གིས་ཐོག་མཐའ་བར་གསུམ་དུ་མཚོ་བྱང་ལ་ཐུགས་ཁུར་དང་རྒྱབ་སྐྱོར་བྱས་པར་སྙིང་ཐག་པ་ནས་ཐུགས་རྗེ་ཆེ་ཞུས། མཚོ་བྱང་ཁུལ་ནུབ་མཚོ་གྲོང་རྡལ་ནི“མདེལ་གཉིས་སྐར་གཅིག”གི་སྙིང་སྟོབས་འཁྲུངས་ས་དང་ཀྲུང་ཧྭ་མི་རིགས་ཀྱིས་མགོ་བོ་དགྱེ་སའི་ས་ཆ་ཡིན། ཉེ་བའི་ལོ་ཤས་རིང་མཚོ་བྱང་ཁུལ་གྱིས་མཚོ་སྔོན་གསར་པའི་སྙིང་སྟོབས་ལག་བསྟར་བྱེད་པའི་དམིགས་ཚད་ལ་དམིགས་ཏེ་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་ལག་བསྟར་ནན་ཏན་བྱས་ནས། གསར་བརྗེའི་རིག་གནས་ཀྱི་ཐོན་ཁུངས་སྔོག་འདོན་དང་དར་སྤེལ་གཏིང་ཟབ་བཏང་བ་དང་གསར་བརྗེའི་ཡུལ་སྐོར་གྱི་གྲོང་རྡལ་ཆུང་ངུ་བསྐྲུན་རྒྱུར་དམིགས་ནས་ཀྲུང་གོའི་ཉིང་རྡུལ་མཚོན་ཆ་ཞིབ་བཟོ་རྟེན་གཞིའི་གནའ་ཤུལ་སྲུང་སྐྱོབ་དང་བེད་སྤྱོད་ཀྱི་བྱ་བར་ནུས་ཤུགས་ཡོད་རྒུས་སྐུལ་འདེད་བཏང་། ཐེངས་འདིའི་སྒོ་བྱང་བཀལ་བ་ནི་སྲིད་གཞུང་དང་དངུལ་རྩ་མཉམ་འགུལ་དང་གསར་བརྗེའི་སྙིང་སྟོབས་ཐུན་མོང་ཐོག་སྐྱེད་སྲིང་བྱེད་པའི་གསར་གཏོད་ཀྱི་ཐབས་ཇུས་ཤིག་ཡིན་ལ་བརྗེ་རེས་གཏིང་ཟབ་ཏུ་གཏོང་བ་དང་མཉམ་ལས་ལ་སྐུལ་འདེད་གཏོང་བའི་དངོས་ཡོད་ཀྱི་བྱེད་ཐབས་ཤིག་ཀྱང་རེད། མཚོ་སྔོན་གྱི་ཞིང་ལས་དང་ཆ་འཕྲིན་ཅན་གྱིས་གསར་བརྗེའི་རྟེན་གཞིའི་སློབ་གསོའི་ལས་སྟེགས་གང་ལེགས་སྤྱད་དེ་གསར་བརྗེའི་གཞི་རྒྱུ་རྒྱུན་འཛིན་དང་དར་སྤེལ་ཡག་པོ་གཏོང་བའི་དུས་མཚུངས་སུ་མཚོ་བྱང་འཕེལ་རྒྱས་ཀྱི་འཐབ་ཇུས་བཀོད་སྒྲིག་ལ་དམིགས་ཏེ་དངོས་ཚན་དཔལ་འབྱོར་དང་ཀན་ཕན་དངུལ་རྩ་འཕེལ་རྒྱས། གྲོང་གསེབ་དར་སྤེལ་གཏོང་རྒྱུར་རོགས་རམ་དང་ཞབས་ཞུ་སོགས་ལ་རྒྱབ་སྐྱོར་དེ་བས་མང་བ་བྱས་ནས་མཚོ་བྱང་གི་དཔལ་འབྱོར་སྤུས་ཚད་མཐོན་པོའི་ངང་འཕེལ་རྒྱས་འགྲོ་རྒྱུར་སྣེ་ཁྲིད་ཏན་ཏིག་བྱ་རྒྱུའི་རེ་བ་ཡོད་པར་བསྟན།
ཁུལ་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་གཞོན་པ་ཝང་ཞིན་ཧུའེ་དང་། ཁུལ་སྲིད་གྲོས་ཀྱི་ཀྲུའུ་ཞི་གཞོན་པ་པོ་ཀྲེང་ཆིན། མཚོ་སྔོན་ཞིང་ཆེན་ཞིང་སྡེ་ཡིད་རྟོན་མཉམ་འབྲེལ་ཁང་གི་ཏང་ཨུའི་ཨུ་ཡོན་དང་ཀྲུའུ་རིན་གཞོན་པ་སང་རེན་ཀེང་། མཚོ་སྔོན་ཞིང་ཆེན་ཞིང་སྡེ་ཡིད་རྟོན་ཁང་མཉམ་འབྲེལ་ཁང་ཏང་ཨུའི་ཨུ་ཡོན་ནམ་ཞིང་ཆེན་སྒྲིག་ཨུའི་ལྟ་སྐུལ་ཨུ་ལྷན་ཞིང་ཆེན་ཞིང་སྡེ་ཡིད་རྟོན་མཉམ་འབྲེལ་ཁང་དུ་བཅའ་སྡོད་བྱས་པའི་སྒྲིག་བཤེར་ལྟ་ཞིབ་ཚན་ཆུང་གི་ཙུའུ་ཀྲང་ལིའུ་ཁྲུན་ཉན། ཁུལ་ཨུ་དང་ཁུལ་སྲིད་གཞུང་གི་འབྲེལ་ཡོད་སྡེ་ཁག་སོ་སོ། མཚོ་སྔོན་ཞིང་སྡེ་ཡིད་རྟོན་ཁང་གི་སྡེ་ཁག་སོ་སོ། མདའ་བཞི་ཞིང་སྡེ་ཚོང་ལས་དངུལ་ཁང་གི་འགན་འཁུར་བློ་མཐུན་གཙོ་བོ་སྒོ་བྱང་འགེལ་བའི་མཛད་སྒོར་ཞུགས།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注