ཁུལ་གྱི་ཚན་ཁག་ཆེན་མོ་བཞི་ཁུལ་ཀྲུང་བོད་གསོ་རིག་ཁམས་གསོ་ལྟེ་གནས་དང་ཁུལ་མཐོ་སྒང་སྐྱེ་ཁམས་ཕྱུགས་ལས་ཚན་རྩལ་དཔེ་སྟོན་གླིང་། མཐོ་སྒང་གཞིས་ཁྱིམ་བཅས་སུ་བསྐྱོད་དེ་གཞུང་དོན་སྤེལ།

ཁུལ་གྱི་ཚན་ཁག་ཆེན་མོ་བཞི་ཁུལ་ཀྲུང་བོད་གསོ་རིག་ཁམས་གསོ་ལྟེ་གནས་དང་ཁུལ་མཐོ་སྒང་སྐྱེ་ཁམས་ཕྱུགས་ལས་ཚན་རྩལ་དཔེ་སྟོན་གླིང་། མཐོ་སྒང་གཞིས་ཁྱིམ་བཅས་སུ་བསྐྱོད་དེ་གཞུང་དོན་སྤེལ།

   ཟླ5པའི་ཚེས23ཉིན། ཤ་བོ་སྐྱབས་དང་ཀྲང་ཧྲིང་ཡོན་གྱིས་ཁུལ་གྱི་ཚན་ཁག་ཆེན་མོ་བཞིའི་ཁོངས་མིའི་སྣེ་ཁྲིད་དེ་དམངས་འཚོ་དང་ཞིང་ཕྱུགས། ཡུལ་སྐོར་སོགས་གཙོ་གནད་བྱ་བར་དམིགས་ནས་ཡང་བསྐྱར་ཁུལ་ཀྲུང་བོད་གསོ་རིག་ཁམས་གསོ་ལྟེ་གནས་དང་ཁུལ་མཐོ་སྒང་སྐྱེ་ཁམས་ཕྱུགས་ལས་ཚན་རྩལ་དཔེ་སྟོན་གླིང་། མཐོ་སྒང་གཞིས་ཁྱིམ་བཅས་སུ་བསྐྱོད་དེ་ཡུལ་དངོས་ནས་གཞུང་དོན་སྤེལ།

   ཁུལ་ཀྲུང་བོད་གསོ་རིག་ཁམས་གསོ་ལྟེ་གནས་སུ་ཤ་བོ་སྐྱབས་དང་ཀྲང་ཧྲིང་ཡོན་འཁོར་དང་བཅས་པས་མཉམ་དུ་ཉེ་ལམ་གྱི་གཙོ་གནད་བྱ་བ་སྤེལ་ཚུལ་ལ་རྒྱུས་ལོན་ཞིབ་ཕྲ་བྱས་ཤིང་། སྨན་ཁང་དུ་སྡོད་པའི་ནད་པ་དང་ནང་མི་ལ་བརྗེ་རེས་བྱས་པ་དང་། ཡུལ་དངོས་ནས་གློག་རིན་དང་དྲ་རྒྱའི་འགྲོ་གྲོན། མི་སྣ་དཀོན་པ་སོགས་ཀྱི་གནད་དོན་མཐུན་སྦྱོར་ཐག་གཅོད་བྱས་ཏེ། གོམ་སྟབས་རྗེས་མའི་བྱ་བར་ཡང་བསྐྱར་བཀོད་སྒྲིག་དང་བཀོད་འདོམས་བྱས། ཤ་བོ་སྐྱབས་དང་ཀྲང་ཧྲིང་ཡོན་གྱིས་ལུས་ཕུང་བརྟག་དཔྱད་ལྟེ་གནས་གཉེར་སྐྱོང་གི་དུས་མགོའི་གྲ་སྒྲིག་བྱ་བ་སྤེལ་ཤུགས་མགྱོགས་སུ་བཏང་ནས། ཟླ6པའི་ཚེས2ཉིན་བར་བེད་སྤྱོད་ཐུབ་པའི་འགན་ལེན་བྱེད་དགོས་ལ། ཧྲན་ཏུང་གི་མཚོ་སྔོན་ལ་རོགས་སྐྱོར་བྱེད་མཁན་གྱི་ཆེད་མཁས་པའི་ནུས་པ་འདོན་སྤེལ་གང་ལེགས་བྱས་ནས་ཁུལ་ཐད་གཏོགས་དང་མདའ་བཞི་རྫོང་གི་སྨན་བཅོས་སྒྲིག་གཞི་ནས་འོས་འཚམ་ངང་མི་སྣ་སྐོང་འཐེན་བྱས་ཏེ། ཁམས་གསོ་ལྟེ་གནས་ཀྱི་སྨན་དོན་མི་སྣའི་དཔུང་ཁག་འཐུས་ཚང་དུ་བཏང་སྟེ་མཐོ་གནོན་གསོ་རླུང་སྒྲོམ་ཚང་གི་བཀོལ་སྤྱོད་མི་སྣའི་དམིགས་བསལ་སྒྲིག་ཆས་བཀོལ་སྤྱོད་ལག་ཁྱེར་གང་མགྱོགས་སྒྲུབ་དགོས། ཁམས་གསོ་སྨན་བཅོས་དང་བོད་སྨན་སྨན་ལུམས་ཆུ་ཚད་མཐོ་རུ་གཏོང་བ་དང་མ་རྩ་ཇེ་དམའ་གཏོང་བའི་ཐད་ཤུགས་བསྣན་ནས་རྒྱབ་ཕྱོགས་མཁོ་སྒྲུབ་ཞབས་ཞུའི་བྱེད་ཐབས་ཇེ་ལེགས་སུ་གཏོང་བ་དང་། སྨན་ཁང་དུ་སྡོད་པའི་ནད་པ་དང་ནང་མིའི་བཟའ་བཅའ་དང་ཞག་སྡོད། དངོས་ཟོག་ཉོ་བ་སོགས་ཀྱི་གནད་དོན་ཐག་གཅོད་ཡག་པོ་བྱས་ནས་སྨན་བཅོས་ཁམས་གསོ་བྱེད་པའི་ཁོར་ཡུག་བཟང་པོ་ཞིག་གཏོད་དགོས། འབྲེལ་ཡོད་སྡེ་ཁག་གིས་མགྱོགས་མྱུར་ངང་ཞིབ་འཇུག་བྱས་ཏེ་བདེ་ཐང་ཁམས་གསོའི་ཉམས་ལེན་གྱི་གཟིགས་སྐྱོང་བྱང་བུ་སྤྲོད་སྟངས་འདོན་པ་དང་། དྲིལ་སྒྲོག་བྱེད་ཤུགས་སྔར་བས་ཆེ་རུ་བཏང་ནས་ནད་པ་དེ་བས་མང་བ་ཁུལ་ཀྲུང་བོད་གསོ་རིག་ཁམས་གསོ་ལྟེ་གནས་སུ་སྨན་བཅོས་དང་ཁམས་གསོ་བྱེད་པར་ཡོང་རྒྱུའི་ཡིད་དབང་འགུག་ཤུགས་ཆེ་རུ་གཏོང་དགོས་པ་ནན་གྱིས་བསྟན།

   ཁུལ་མཐོ་སྒང་སྐྱེ་ཁམས་ཕྱུགས་ལས་ཚན་རྩལ་དཔེ་སྟོན་གླིང་དུ་ཡུལ་དངོས་སུ་མཐོ་སྒང་གི་ནོར་གནག་དང་བོད་ལུག གླ། མཚོ་སྔོན་གྱོ་རྒྱ། རྔ་མོང་། བྱ་ཕོ་སོགས་ཕྱུགས་རིགས3000ལྷག་ཙམ་གྱི（ཁོ）གསོ་སྤེལ་གནས་ཚུལ་ལ་ལྟ་ཞིབ་བྱས་ནས་ཚན་རྩལ་དཔེ་སྟོན་གླིང་གི་བྱ་བ་སོ་སོར་ཁས་ལེན་གང་ལེགས་གནང་། ཤ་བོ་སྐྱབས་དང་ཀྲང་ཧྲིང་ཡོན་གྱིས་ཞིང་ཆེན་གྱི་མཁར་ཟུར་གསུམ་ལུག་གསོ་ར་བའི་ཉམས་མྱོང་དང་བྱེད་ཐབས་ལ་སློབ་སྦྱོང་དང་དཔྱད་གཞིར་བཟུང་ནས་མཐོ་སྒང་སྐྱེ་ཁམས་ཕྱུགས་ལས་ཚན་རྩལ་དཔེ་སྟོན་གླིང་གིས་ལག་རྩལ་གསར་གཏོད་དང་རྒྱུད་བཟང་འདེམས་གསོ། གྲུབ་འབྲས་གཞན་སྒྱུར། དཔེ་སྟོན་ཁྱབ་གདལ། ཚན་ཞིབ་ཚན་རྩལ་ཁྱབ་གདལ་སོགས་ཐད་ཀྱི་ལེགས་ཆར་བརྟེན་ནས་ཚན་རྩལ་དཔེ་སྟོན་གླིང་ནི་ནས་དང་ལོག་དཀར། སྤུས་ལེགས་ཕྱུགས་རྩྭ་འདེབས་གསོའི་རྟེན་གཞི་དང་། རྒྱུད་བཟང་ཕྱུགས་རིགས་གསོ་སྤེལ་རྟེན་གཞི་དང་ཁྱད་ལྡན་གསོ་སྤེལ་ཀྱི་ས་བོན་མཁོ་འདོན་རྟེན་གཞིར་བསྐྲུན་པ་དང་། དེ་ཁུལ་ཡོངས་ཀྱི་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་བྱ་ཡུལ་དུ་འཛུགས་སྐྲུན་བྱེད་པའི་ལས་སྟེགས་གལ་ཆེན་དང་འགྲེམས་སྟོན་སྐར་ཁུང་ཞིག་ཏུ་འགྱུར་བར་བྱེད་དགོས་ལ། རྒྱལ་སྤྱིའི་སྐྱེ་ཁམས་ཡུལ་སྐོར་བྱ་ཡུལ་འཛུགས་པའི་དམིགས་ཚད་ལ་དམ་པོར་དམིགས་ཏེ། མཚོ་བྱང་དང་དེའི་ཉེ་འཁོར་ས་ཁུལ་གྱི་སློབ་གྲྭ་ཆུང་འབྲིང་གི་སློབ་མར་ཁ་ཕྱོགས་ཏེ། ཞིང་ཕྱུགས་སྐྱེ་ཁམས་ཞིབ་འཇུག་སློབ་སྦྱོང་བྱེད་པ་དང་། ཕ་མ་དང་བྱིས་པའི་སློབ་གསོ་གཅིག་བསྡུས་དང་ཞིབ་འཇུག་སློབ་སྦྱོང་རྒྱ་སྐྱེད་གཏོང་བར་ཤུགས་སྣོན་དགོས། ལྟ་སྐོར་ཡུལ་སྐོར་སོགས་གཞི་གཅིག་ཅན་གྱི་ཞིང་ཕྱུགས་ལས་ཞིབ་འཇུག་སློབ་སྦྱོང་ལག་ལེན་རྟེན་གཞིས་མཚོ་བྱང་གི་ཕྱུགས་ལས་ཡུལ་སྐོར་གྱི་ནང་དོན་སྔར་བས་ཕུན་སུམ་ཇེ་ཚོགས་སུ་གཏོང་དགོས་པ་ནན་གྱིས་བསྟན།