མཚོ་བྱང་ནགས་རྩྭ་ཅུས་ཀྱིས་སྤེན་དཀར་བོད་ཇ་ཐོན་ལས་དབྱར་མཚོ་རྒྱས་པ་ལྟར་གོང་དུ་འཕེལ་བར་སྐུལ་འདེད་ཤུགས་ཆེན་བཏང་།
ཞི་ཅིན་ཕིང་གི་སྐྱེ་ཁམས་དཔལ་ཡོན་གྱི་དགོངས་པ་ལག་བསྟར་དོན་འཁྱོལ་གཏིང་ཟབ་དང་། “མཚོ་བྱང་ལྔ”འཛུགས་སྐྲུན་མགྱོགས་སུ་གཏོང་ཆེད། རི་སྔོ་ཆུ་དྭངས་ནི་གསེར་རི་དངུལ་རི་ཡིན་པའི་ནགས་ལས་འཕེལ་རྒྱས་ཀྱི་བླང་བྱ་ལྟར། མཚོ་བྱང་ཁུལ་གྱིས་ཕུན་སུམ་ཚོགས་པའི་སྐྱེ་དངོས་རིགས་ཀྱི་ཐོན་ཁུངས་ལ་བརྟེན་ནས་ནགས་རྩྭའི་ཐོན་ལས་ཀྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་ཤུགས་ཆེན་བཏང་ཞིང་། ཐོག་མཐའ་བར་གསུམ་དུ་ཐོན་ལས་སྐྱེ་ཁམས་ཅན་དང་སྐྱེ་ཁམས་ཐོན་ལས་ཅན་དུ་འཕེལ་རྒྱས་གཏོང་བའི་ཁ་ཕྱོགས་རྒྱུན་འཁྱོངས་དང་། སྐྱེ་ཁམས་ཐོན་རྫས་ཀྱི་རིན་ཐང་མངོན་འགྱུར་བྱེད་པའི་ནང་རྐྱེན་འཛུགས་པ་དང་འཐུས་སྒོ་ཚང་དུ་གཏོང་བ། ནགས་ལས་ཐོན་ལས་འཕེལ་རྒྱས་གཏོང་བའི་སྲིད་ཇུས་བྱེད་ཐབས་དང་འཆར་འགོད་ཀྱི་སྣེ་ཁྲིད་འཐུས་ཚང་དུ་གཏོང་བ་དང་། ཁྱད་ལྡན་དཔལ་འབྱོར་ནགས་ཚལ་དང་ནགས་རྩྭ་སོན་འདེབས། ཀྲུང་བོད་སྨན་གྱི་རྒྱུ་ཆ་དང་ནགས་གསེབ་དཔལ་འབྱོར་སོགས་སྲོལ་རྒྱུན་གྱི་རྩྭ་འདེབས་ཐོན་ལས་ལ་སྐུལ་འདེད་ཤུགས་ཆེན་བཏང་སྟེ། སྤེན་དཀར་བོད་ཇ་ཡིས་མཚོན་པའི་ནགས་གསེབ་དཔལ་འབྱོར་ཐོན་སློབ་ཞིབ་གསུམ་དང་ཟུང་འབྲེལ་བྱས་ཏེ་གསེར་གྱི་མིང་བྱང་བཏོད་ཅིང་གྲུབ་འབྲས་མངོན་གསལ་དོད་པོ་བླངས་ཡོད།
གཅིག་ནི་ཞིབ་འཇུག་གཙོ་བོར་བཟུང་སྟེ་སྤུས་ཚད་ཀྱི་མིང་བྱང་སྐྲུན་པ། མདོ་ལ་རྫོང་མཁར་དམར་བོད་ཇ་ཚད་ཡོད་སྤྱི་གཉེར་ཁང་ལ་ད་ལྟ་སྤེན་དཀར་འདེབས་འཛུགས་རྟེན་གཞི་མུའུ200དང་སོན་གསོ་ཁང་མུའུ2ཡོད་ཅིང་། སྤེན་དཀར་བོད་ཇ་དང་འབྲེལ་ཡོད་ཐོན་རྫས་ལ་དུས་ཡུན་རིང་པོར་རྒྱབ་སྐྱོར་བྱས་ཏེ་ཞིབ་འཇུག་གསར་སྤེལ་བྱེད་བཞིན་ཡོད་ལ། 2019ལོར། མཚོ་སྔོན་ཞིང་ཆེན་འཕྲོད་བསྟེན་བདེ་ཐང་ཨུ་ལྷན་གྱིས་ཆེད་མཁས་པ་དང་མཉམ་འབྲེལ་གྱིས་དཔྱད་བཤེར་བྱས་ནས་ཟས་རིགས་ཐོ་འགོད་བྱས་པར་མ་ཟད་ཟས་རིགས་ཀྱི་ཚད་གཞིར་སླེབས་ཤིང་། 2021ལོར་མཚོ་བྱང་ཁུལ་ཁྲོམ་ར་ལྟ་སྐུལ་དོ་དམ་ཅུས་ཀྱིས《ཟས་རིགས་ཐོན་སྐྱེད་ཆོག་འཐུས་དཔང་ཡིག》དང་ཨང་སྒྲིག་སྤྲད་ཡོད།
གཉིས་ནི་སློབ་སྦྱོང་བྱེད་པ་གཙོ་བོར་བཟུང་སྟེ་སྤུས་ཀའི་མིང་བྱང་བརྟན་དུ་བཏང་པ། 2021ལོར་མཁར་དམར་བོད་ཇ་ཚད་ཡོད་སྤྱི་གཉེར་ཁང་གིས་མཚོ་སྔོན་དགེ་ཐོན་སློབ་ཆེན་ཚེ་སྲོག་ཚན་རིག་གླིང་དང་མཉམ་ལས་བྱས་ནས་སྤེན་དཀར་བོད་ཇའི་ཐོན་སྐྱེད་ཀྱི་གྲུབ་ཆ་གཙོ་བོའི་རིམ་པ་གཉིས་པའི་གཅིན་པ་མངར་འགྱུར་ནད་ཀྱི་ཆེད་ཁེ་དཔང་ཡིག་དང་དེའི་ལས་སྣོན་སྒྲིག་ཆས་ཀྱི་ཆེད་ཁེ་བདག་དབང་དཔང་ཡིག་བླངས་ཤིང་། སྤེན་དཀར་བོད་ཇ་ཐོན་སྐྱེད་ལས་སྣོན་གྱི་ཚན་རྩལ་གྲུབ་འབྲས་ཆེད་སྒྲིག་ཅན་དུ་གྱུར་ཡོད། 2020ལོ་ནས2021ལོའི་བར་སྤྱི་གཉེར་ཁང་དང་མཚོ་སྔོན་རི་ཆུའི་རང་བྱུང་ཐོན་ཁུངས་བརྟག་དཔྱད་འཆར་འགོད་ཞིབ་འཇུག་གླིང་། མཚོ་སྔོན་དགེ་ཐོན་སློབ་ཆེན་སོགས་ལས་ཁུངས6གིས་མཉམ་འབྲེལ་སྒོས“མཚོ་སྔོན་ཞིང་ཆེན་སྤེན་དཀར་ལོ་མ་འཐུ་མཁན་དང་ཐོན་ཁུངས་སྲུང་སྐྱོབ་བེད་སྤྱོད་ཞིབ་འཇུག”ལས་གཞི་ཡོངས་འགྲུབ་བྱས་པར་མ་ཟད། 2021ལོའི་ཟླ12པར་མཚོ་སྔོན་ཞིང་ཆེན་ཚན་རིག་ལག་རྩལ་ཐིང་གིས་མཚོ་སྔོན་ཞིང་ཆེན་གྱི་ཚན་རིག་ལག་རྩལ་གྲུབ་འབྲས་བྱ་དགའ་གནང་ལ། མཁར་དམར་བོད་ཇ་ཚད་ཡོད་སྤྱི་གཉེར་ཁང་གིས་སྤེན་དཀར་བོད་ཇའི་ཁྱབ་ཁོངས་ཀྱི་རྨོ་འདེབས་ལ་གྲུབ་འབྲས་མངོན་གསལ་དོད་པོ་བླངས་ཡོད། གསུམ་ནི་ཐོན་རྫས་རྨང་གཞི་བརྟན་དུ་བཏང་སྟེ་ཐོན་ཚད་ཀྱི་མིང་བྱང་སྲ་བརྟན་དུ་བཏང་པ། མཁར་དམར་བོད་ཇ་ཚད་ཡོད་སྤྱི་གཉེར་ཁང་ལ་ཁྱོན་ལས་སྣོན་ཐོན་ལས་ཐད་སྤྱོད་པའི་ཁང་པའི་ཆེ་ཆུང་ལ་སྨི་གྲུ་བཞི་མ900ཡོད་ལ། དེའི་ནང་ཐོན་སྐྱེད་འཁོར་ཁང་ལ་སྨི་གྲུ་བཞི་མ420དང་རྫས་འགྱུར་བརྟག་ཞིབ་ཁང་ལ་སྨི་གྲུ་བཞི་མ30། གཞུང་ལས་ཁུལ་ལ་སྨི་གྲུ་བཞི་མ225། འགྲེམས་སྟོན་ལྟེ་གནས་ལ་སྨི་གྲུ་བཞི་མ225བཅས་ཡོད་ཅིང་། ཐོན་སྐྱེད་ཀྱི་དགོས་མཁོ་གང་ལེགས་སྒོས་བསྐངས་ཡོད་པ་རེད། དེ་དང་ཆབས་ཅིག མཚོ་བྱང་ཁུལ་དུ་རང་བྱུང་སྤེན་དཀར་འདེབས་འཛུགས་རྟེན་གཞི་ཡོད་པ་དང་ཚོད་རྩིས་བྱས་ན་རྒྱ་ཁྱོན་མུའུ་ཁྲི380ཙམ་ཡོད་པའི་ནང་འཇུ་ལག་རྫོང་དུ་མུའུ་ཁྲི190ཙམ་དང་མདོ་ལ་རྫོང་དུ་མུའུ་ཁྲི120ཙམ། མདའ་བཞི་རྫོང་དུ་མུའུ་ཁྲི50ཙམ། རྐང་ཚ་རྫོང་དུ་མུའུ་ཁྲི20ཙམ་བཅས་ཡོད་ལ། ཐོན་ཚད་ཀྱི་གཞི་རྩའི་རྨང་གཞི་བརྟན་པོ་དང་ནུས་ལྡན་ཡིན་པར་འགན་ལེན་བྱས་ཡོད། བཞི་ནི་ཁྱབ་གདལ་བཏང་སྟེ་གསེར་གྱི་མིང་བྱང་བཟོས་པ། མཚོ་བྱང་ནགས་རྩྭ་ཅུས་ཀྱིས་ད་ཡོད་ཀྱི་སྤེན་དཀར་བོད་ཇའི་ལས་སྣོན་ཁེ་ལས་ཀྱི་ཐོན་རྫས་ཀྱི་ལེགས་ཆར་བརྟེན་ནས་ཐོན་རྫས་ཁྱབ་གདལ་བཏང་སྟེ་གཞི་ཁྱོན་ངེས་ཅན་ཞིག་ཆགས་རྗེས། ཁུལ་ཡོངས་སུ་རང་བྱུང་སྤེན་དཀར་འཐུ་ཡུལ་གཏན་འཁེལ་བྱ་རྒྱུའི་ཚོད་ལྟ་དང་འཚོལ་ཞིབ་བྱེད་པ་དང་། ཞིང་ཆེན་གྱི་ཅུས་དང་སྦྲེལ་མཐུད་ཧུར་ཐག་བྱས་ནས་ཁུལ་ཡོངས་སུ་ནགས་གསེབ་ཐོན་རྫས་དྲིལ་སྒྲོག་བྱེད་པའི་དངོས་མང་སྟོན་ཚོགས་དང་སྤེན་དཀར་བོད་ཇའི་ཐོན་རྫས་ཁྱབ་གདལ་ཤུགས་ཆེན་གཏོང་བ་སྒྲིག་འཛུགས་དང་། ནགས་གསེབ་དཔལ་འབྱོར་འཕེལ་རྒྱས་ལ་སྐུལ་ཁྲིད་བྱས་ནས་གྲོང་གསེབ་ཁྱོན་ཡོངས་ནས་དར་སྤེལ་ཡོང་བར་སྐུལ་འདེད་བཏང་ཡོད།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注