ཞིང་ཆེན་བཟོ་ལས་དང་ཆ་འཕྲིན་ཅན་ཐིང（ཞིང་ཆེན་གཞུང་ཁོངས་རྒྱུ་ནོར་ལྟ་སྐུལ་དོ་དམ་ཨུ་ལྷན）གི་བརྗོད་དོན་སློབ་གསོའི་དཔེ་ཀློག་འཛིན་གྲྭ་དང་ཏང་གི་ཚོགས་ཆེན་ཉི་ཤུ་པའི་དགོངས་དོན་སློབ་སྦྱོང་དང་ལག་བསྟར་བྱེད་པའི་ཆེད་དོན་གསོ་སྦྱོང་འཛིན་གྲྭ་མཚོ་བྱང་ཁུལ་ཨུའི་ཏང་གི་སློབ་གྲྭར་དངོས་སུ་སློབ་མགོ་བརྩམས་པ།
ཤ་བོ་སྐྱབས་སླེབས་ཏེ་ཤིས་ཚིག་ཕུལ་བ། ཅང་ཅུན་གྱིས་གསུང་བཤད་གནང་པ།
ཟླ5པའི་ཚེས17ཉིན། དུས་ཡུན་ཉིན1རིང་གི་ཞིང་ཆེན་བཟོ་ལས་དང་ཆ་འཕྲིན་ཅན་ཐིང（ཞིང་ཆེན་གཞུང་ཁོངས་རྒྱུ་ནོར་ལྟ་སྐུལ་དོ་དམ་ཨུ་ལྷན）གི་བརྗོད་དོན་སློབ་གསོའི་དཔེ་ཀློག་འཛིན་གྲྭ་དང་ཏང་གི་ཚོགས་ཆེན་ཉི་ཤུ་པའི་དགོངས་དོན་སློབ་སྦྱོང་དང་ལག་བསྟར་བྱེད་པའི་ཆེད་དོན་གསོ་སྦྱོང་འཛིན་གྲྭ་མཚོ་བྱང་ཁུལ་ཨུའི་ཏང་གི་སློབ་གྲྭར་དངོས་སུ་སློབ་མགོ་བརྩམས་ཤིང་། ཁུལ་ཨུའི་ཧྲུའུ་ཅི་ཤ་བོ་སྐྱབས་མགོ་བརྩམས་མཛད་སྒོར་སླེབས་ཏེ་ཤིས་ཚིག་ཕུལ་བ་དང་། ཞིང་ཆེན་བཟོ་ལས་དང་ཆ་འཕྲིན་ཅན་ཐིང་གི་ཐིང་ཀྲང་ཅང་ཅུན་གྱིས་སློབ་མགོ་བརྩམས་པར་སྐུལ་སློང་གསུང་བཤད་གནང་པ། ཁུལ་ཨུའི་རྒྱུན་ཨུའམ་དྲིལ་བསྒྲགས་པུའི་པུའུ་ཀྲང་། ཁུལ་སྤྱི་ཁྱབ་བཟོ་ཚོགས་ཀྱི་ཀྲུའུ་ཞི་གཡུ་སྒྲོན་མཚོས་གཙོ་སྐྱོང་གནང་པ།
ཤ་བོ་སྐྱབས་ཀྱིས་མཚོ་བྱང་ཁུལ་གྱི་གནས་ཚུལ་ངོ་སྤྲོད་བྱས་པ་དང་། ཁོང་གིས་མཚོ་བྱང་གི་རྒྱབ་ཕྱོགས་མདོ་ལ་རི་བོ་དང་མདུན་ཕྱོགས་མཚོ་སྔོན་པོ་ཡིན་ལ། མདོ་ལ་རི་བོ་དང་མཚོ་སྔོན་པོ་རྒྱལ་ཁབ་སྤྱི་གླིང་གི་ལྟེ་བའི་ས་ཁོངས་སུ་གནས། “མདེལ་གཉིས་སྐར་གཅིག”གི་སྙིང་སྟོབས་ཀྱི་འབྱུང་གནས་དང་། ཀྲུང་ཧྭ་མི་རིགས་ཀྱི་མགོ་བོ་དགྱེ་སའི་ས་ཆ། ཚན་རིག་པའི་སྙིང་སྟོབས་ཀྱི་གྲུབ་ཆ་བཅས་ཡིན་པར་མ་ཟད། དམར་དམག་ནུབ་ལམ་དམག་དཔུང་གིས་ཁྲག་འདོན་དམར་འཛིང་བྱས་པའི་གནས་ཤིག་ཀྱང་ཡིན་པས། ཞིང་ཆེན་ཡོངས་ཀྱི་གསར་བརྗེའི་ཞིབ་འཇུག་སློབ་སྦྱོང་རྟེན་གཞི་གལ་ཆེན་ཞིག་ཏུ་གྱུར་ཡོད། ཉེ་བའི་ལོ་ཤས་རིང་། མཚོ་བྱང་གིས་ཐུན་མོང་མ་ཡིན་པའི་གསར་བརྗེའི་ཐོན་ཁུངས་ལ་བརྟེན་ནས་གསར་བརྗེའི་རིག་གནས་སྔོག་འདོན་དང་གསར་བརྗེའི་གཏམ་རྒྱུད་ཡག་པོ་བཤད་པ། ཞིང་ཆེན་ཡོངས་དང་རྒྱལ་ཡོངས་ཀྱི་གསར་བརྗེའི་ཞིབ་འཇུག་སློབ་སྦྱོང་རྟེན་གཞི་གལ་ཆེན་གྱི་ནུས་ཤུགས་ཡོད་རྒུས་བཏོད་པས། གསར་བརྗེའི་ཐོན་ཁུངས་དེ་ཁུལ་ཡོངས་ཀྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་གསར་བརྗེའི་སྒུལ་ཤུགས་སུ་གྱུར་ཡོད། ཞིང་ཆེན་བཟོ་ལས་དང་ཆ་འཕྲིན་ཅན་ཐིང་དང་ཞིང་ཆེན་གཞུང་ཁོངས་རྒྱུ་ནོར་ལྟ་སྐུལ་དོ་དམ་ཨུ་ལྷན་གྱིས་མཚོ་བྱང་དུ་བརྗོད་དོན་སློབ་གསོ་སྤེལ་བ་དེ་ནི་མཚོ་བྱང་གི་གསར་བརྗེའི་ཞིབ་འཇུག་སློབ་སྦྱོང་བྱ་བར་ཁས་ལེན་གང་ལེགས་གནང་པ་ཞིག་རེད། དུས་ཡུན་རིང་པོའི་ནང་ཞིང་ཆེན་བཟོ་ལས་དང་ཆ་འཕྲིན་ཅན་ཐིང་དང་ཞིང་ཆེན་གཞུང་ཁོངས་རྒྱུ་ནོར་ལྟ་སྐུལ་དོ་དམ་ཨུ་ལྷན་གྱིས་མཚོ་བྱང་གི་བཟོ་ལས་དཔལ་འབྱོར་འཁོར་སྐྱོད་དང་། ཚོང་འགུགས་མ་འདྲེན་གྱི་སྤུས་ཚད་མཐོར་གཏོང་། ཁེ་ལས་ཆུང་འབྲིང་འཚར་ལོངས། གྲངས་འཛིན་དཔལ་འབྱོར་འཕེལ་རྒྱས། གཞུང་ཁོངས་རྒྱུ་ནོར་དང་གཞུང་ཁོངས་ཁེ་ལས་ཀྱི་ལྟ་སྐུལ་དོ་དམ་སོགས་ལ་སྐུལ་འདེད་གཏོང་བའི་ཐད་སྤྲོ་སེམས་རབ་ཏུ་འཁོལ་བ་དང་རོགས་རམ་ཆེན་པོ་བྱས་ཡོད། ལྷག་པར་དུ“ལྔ་བཅུ་བཞིའི”ཚུན་བཟོ་ལས་ཕྱོགས་སྒྱུར་རིམ་སྤོར་དང་ཁེ་ལས་ཆུང་འབྲིང་འཕེལ་རྒྱས་སྟོབས་ཆེར་གཏོང་བ་སོགས་ཀྱི་ཐད་ཆེད་དོན་མ་དངུལ་སྒོར་ཁྲི2000ཙམ་སྤྲད་ནས་མཚོ་བྱང་ཁུལ་གྱི་བཟོ་ལས་དཔལ་འབྱོར་གྱི་སྤུས་ཚད་དང་ཕན་འབྲས་ཆེ་རུ་གཏོང་རྒྱུར་འདེགས་སྐྱོར་ནུས་ལྡན་བྱས་པ་དང་སྒུལ་ཤུགས་ཆེན་པོ་བསྣན་ཡོད་ལ། ཞིང་ཆེན་བཟོ་ལས་དང་ཆ་འཕྲིན་ཅན་ཐིང་དང་ཞིང་ཆེན་དང་གཞུང་ཁོངས་རྒྱུ་ནོར་ལྟ་སྐུལ་དོ་དམ་ཨུ་ཡོན་ལྷན་ཁང་གིས་སྔར་བཞིན་མཚོ་བྱང་འཕེལ་རྒྱས་ལ་སྔར་ལས་མང་བའི་དོ་ཁུར་དང་རྒྱབ་སྐྱོར་བྱེད་དགོས་པའི་རེ་བ་བཏོན།
ཅང་ཅུན་གྱིས་མཚོ་སྔོན་རྡུལ་ཕྲན་མཁར་དུ་གསོ་སྦྱོང་འཛིན་གྲྭ་གཉེར་བའི་དམིགས་ཡུལ་ནི“མདེལ་གཉིས་སྐར་གཅིག”གི་སྙིང་སྟོབས་ལ་སློབ་སྦྱོང་དང་གོ་བ་གཏིང་ཟབ་བླངས་ནས་བསམ་བློའི་འདུ་ཤེས་དང་འགུལ་སྐྱོད་སྔར་བས་གཅིག་གྱུར་ཡོང་བ་བྱེད་པ་དང་། རང་རྟོགས་ངང་འགན་འཁྲི་ཧུར་ཐག་འཁུར་བ། འགན་འཁྲི་འཁུར་སེམས་དང་ལས་འགན་སྒྲུབ་སེམས་ཆེ་རུ་གཏོང་བ་བཅས་བྱས་ནས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་འཇོན་ཐང་དང་མང་ཚོགས་ལ་ཞབས་འདེགས་ཞུ་བའི་འཇོན་ཐང་། ཉེན་ཁ་འགོག་ཟོན་དང་སེལ་བར་བྱེད་པའི་འཇོན་ཐང་བཅས་ཟམ་མི་ཆད་པར་ཆེ་རུ་གཏོང་དགོས། སློབ་མ་ཡོངས་ཀྱིས་ཐེངས་འདིའི་གསོ་སྦྱོང་འཛིན་གྲྭ་གཉེར་བའི་གལ་ཆེའི་རང་བཞིན་དང་དགོས་ངེས་རང་བཞིན། དགོས་གལ་རང་བཞིན་བཅས་ལ་ངོས་འཛིན་གང་ལེགས་བྱས་ཏེ་གསར་བརྗེའི་སྙིང་སྟོབས་ཁྲིད་སྟོན་དུ་བྱེད་པ་དང་དད་སེམས་སློབ་སྦྱོང་ལ་དམིགས་པ། བསམ་པའི་སློབ་སྦྱོང་ལ་དམིགས་པ། དོན་དངོས་སློབ་སྦྱོང་ཁོང་དུ་ཆུད་པ། དོན་དངོས་སློབ་སྦྱོང་ལ་དམ་འཛིན་བྱེད་པ་བཅས་བྱས་ནས་ཕུགས་བསམ་དད་སེམས་དང་གཏིང་ཟབ་པའི་ནང་དོན། དཀའ་སྤྱད་སྟོབས་ཤུགས། འཇོན་ཐང་དང་འཇོན་ནུས་སློབ་སྦྱོང་ཐུབ་པ་བྱས་ཏེ་གསོ་སྦྱོང་ལ་ཕན་འབྲས་དངོས་ཐོབ་པར་བྱས་ནས་མཚོ་སྔོན་ཞིང་ཆེན་གྱི་བཟོ་འཕྲིན་དང་གཞུང་ཁོངས་རྒྱུ་ནོར་གྱི་བྱ་གཞག་སོ་སོ་སྤུས་ཚད་མཐོ་བའི་སྒོ་ནས་འཕེལ་རྒྱས་གཏོང་བ་དང་བྱས་རྗེས་གསར་པ་བསྐྱར་དུ་འཇོག་པར་རྨང་གཞི་བརྟན་པོ་གཏོང་དགོས་པ་ནན་གྱིས་བསྟན།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注