མཚོ་བྱང་ཁུལ་གྱི་ས་ཁོངས་སྤུས་རྟགས་གཉིས་ཀྲུང་གོའི་ཞིང་ལས་སྤུས་རྟགས་དཀར་ཆག་གི2024ཡི་ས་ཁོངས་སྤྱི་སྤྱོད་སྤུས་རྟགས་ཀྱི་མིང་ཐོའི་ནང་ཚུད།

ཉེ་བའི་ལོ་ཤས་རིང་།    མཚོ་བྱང་ཁུལ་གྱིས་པུའུ་དང་ཞིང་ཆེན་གྱིས་མཉམ་དུ་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་བྱ་ཡུལ་གཏོད་པའི་གོ་སྐབས་དང་བསྟུན་ནས《མཚོ་བྱང་ཁུལ་གྱི་ཁྱད་ལྡན་ཞིང་ཕྱུགས་ལས་འཕེལ་རྒྱས་ཀྱི་འཆར་འགོད》དང《མཚོ་བྱང་བོད་རིགས་རང་སྐྱོང་ཁུལ་གྱི་བོད་ལུག་ཐོན་ལས་འཕེལ་རྒྱས་འཆར་འགོད》སོགས་ཀྱི་སྲིད་ཇུས་དང་འཕེལ་རྒྱས་ཀྱི་འཆར་འགོད་སྔ་རྗེས་སུ་བཏོན་ནས་བོད་ལུག་ཐོན་ལས་དེ་མཚོ་བྱང་ཕྱུགས་ལས་ཀྱི“ཁྱབ་གདལ་ཐོན་ལས་གཙོ་བོ་དང་།    སྣ་ཁ་གཙོ་བོ།    སྤུས་རྟགས་གཙོ་བོ”བཅས་སུ་བརྩིས་ནས་ཀྲུང་གོའི་བོད་ལུག་གི་ཕ་ཡུལ”ཞེས་པའི་མཚན་སྙན་བཏོད་ཡོད།     ཁུལ་ཡོངས་སུ་ལག་ཡོད་བོད་ལུག་ཁྲི287.51དང་བཤས་རར123.36བཏང་བ་དེ་ཞིང་ཆེན་ཡོངས་ཀྱི་ཨང་གསུམ་པར་སླེབས་ཡོད།    རོང་འབྲོག་པའི་ཡོང་འབབ་ཀྱི60%ཕྱུགས་ལས་ཐོན་ལས་ནས་བྱུང་བ་དང་བོད་ལུག་ཐོན་ལས་ཀྱི་ལོའི་ཐོན་རྫས་རིན་ཐང་སྒོར་དུང་ཕྱུར18ཡན་ཟིན་པས་ཁུལ་ཡོངས་ཀྱི་དཔལ་འབྱོར་གྱི་འཕར་གཞི་བརྟན་པོ་ཞིག་ཏུ་གྱུར་ཡོད།     མཚོ་བྱང་ཁུལ་གྱིས“ས་ཁོངས་ཀྱི་སྤྱི་སྤྱོད་སྤུས་རྟགས་དང་ས་གནས་དེ་གའི་ཁྱད་ལྡན་སྤུས་རྟགས་ཟུང་དུ་འབྲེལ་བའི”ཕྱོགས་གཉིས་པོའི་ནུས་པ་འདོན་སྤེལ་བྱས་པ་བརྒྱུད“མདོ་ལའི་བོད་ལུག”སྤུས་རྟགས་ཀྱི་རྨང་གཞི་རྒྱུན་ཆད་མེད་པར་བརྟན་དུ་བཏང་ཞིང་།     2011ལོར་བཟོ་ཚོང་སྤྱི་ཁྱབ་ཅུ་ཡིས“མདོ་ལའི་ལུག་ཤར”ས་ཁམས་མཚོན་རྟགས་ཀྱི་ར་སྤྲོད་ཚོང་རྟགས་སྤྲད་པ་དང་།      2014ལོར“མདོ་ལ་བོད་ལུག”ལ་ཞིང་ལས་པུའི་ཞིང་ལས་ཐོན་ཟོག་གི་ས་ཁམས་མཚོན་རྟགས་ཐོབ།     2019ལོར“མདོ་ལའི་བོད་ལུག”གི་སྤུས་རྟགས་དེ་མཚོ་སྔོན་ཞིང་ཆེན་ས་ཁོངས་ཀྱི་སྤྱི་སྤྱོད་སྤུས་རྟགས་ནང་བཅུག་པ་དང་། ལོ་དེར་རྒྱལ་ཁབ་རིམ་པའི་ཁྱད་ལྡན་ཞིང་ལས་ཐོན་རྫས་ཀྱི་ལེགས་ཆའི་ཁུལ་དུའང་བདམས་ཐོན་བྱུང་།     2023ལོར“མདོ་ལ་བོད་ལུག”གི་སྤུས་རྟགས་དེ་མཚོ་སྔོན་ཞིང་ཆེན་ནས་བདམས་ཐོན་བྱུང་བའི་རྒྱལ་ཡོངས་ཀྱི་ཞིང་ལས་སྤུས་རྟགས་སྐྱེད་སྲིང་འཆར་གཞིའི་མིང་གཞུང་ནང་ཚུད་པའི་སྤུས་རྟགས་འབའ་ཞིག་ཏུ་གྱུར།     2024ལོའི་ཟླ9ཚེས9ཉིན“མདོ་ལའི་བོད་ལུག”དེCCTV-2《དུས་ཐེངས་དང་པོའི་བག་ཆགས》ཞེས་པའི་ལེ་ཚན་ནང་དངོས་སུ་སྟོན་པ་དང་།   རྒྱལ་ཁབ་ཀྱི་སྒོ་ཕྱུགས་དང་ཁྱིམ་བྱའི་རྒྱུད་པའི་ཐོན་ཁུངས་ཀྱི་ས་གནས་ས་ཐོག་ཏུ་ཞིབ་དཔྱད་བྱས་པ་བརྒྱུད་ཁུལ་ཡོངས་ཀྱི་བོད་ལུག་ཐོན་རྫས་དེར“ཐོན་རྫས་གསུམ་དང་མཚོན་རྟགས་གཅིག”གི་ཁས་ལེན52ཐོབ་པ་རེད།     སྤུས་རྟགས་ཀྱི་སྐད་གྲགས་ཆོད་ཚད་དང་ཤུགས་རྐྱེན་རྒྱུན་ཆད་མེད་པར་ཆེ་རུ་ཕྱིན་ནས་མཚོ་བྱང་གི་བོད་ལུག་ཁྲོམ་ར་ཁྱབ་གདལ་དང་ཕྱིར་ཚོང་བྱ་རྒྱུར་རྨང་གཞི་ཡག་པོ་བཏིང་ཡོད་པ་མ་ཟད།    མཚོ་བྱང་བོད་ལུག་དེ་ཞུས་ཀྲོའུ་ཡི་ཧྥུའུ་ལུག་དུས་སྟོན་དུ་ཞུགས་པ་དང་ཀྲུང་དབྱང་བརྙན་འཕྲིན་ནས་བརྒྱུད་གཏོང་བྱས་ཤིང་།    རྐང་ཚ་རྫོང་གི་བོད་ལུག་ཁྲི18པེ་ཅིང་དུ་ཕྱིར་འདྲེན་བྱས་པ།   མདོ་ལའི་བོད་ལུག་ཨའོ་མོན་དུ་ཐད་ཀར་ཕྱིར་ཚོང་བྱས་པ་སོགས་བོད་ལུག་གི་ཐོན་རྫས་དེ་རྒྱལ་ཡོངས་དང་ཕྱི་རྒྱལ་དུ་ཁྱབ་གདལ་བཏང་སྟེ་བོད་ལུག་གི་སྤུས་རྟགས་གཏོད་རྒྱུ་དང་ཁྱབ་གདལ་གཏོང་རྒྱུར་རམ་འདེགས་བྱས།