“མདོ་ལའི་ལུག”ལ་རྒྱལ་ཁབ་སྒོ་ཕྱུགས་རྒྱུད་འཛིན་ཐོན་ཁུངས་ཨུ་ཡོན་ལྷན་ཁང་གི་ཆེད་མཁས་པས་ཡུལ་དངོས་བཤེར་འབེབས་ལས་ཁས་ལེན་ཐོབ།

“མདོ་ལའི་ལུག”ལ་རྒྱལ་ཁབ་སྒོ་ཕྱུགས་རྒྱུད་འཛིན་ཐོན་ཁུངས་ཨུ་ཡོན་ལྷན་ཁང་གི་ཆེད་མཁས་པས་ཡུལ་དངོས་བཤེར་འབེབས་ལས་ཁས་ལེན་ཐོབ།

ཟླ11པའི་ཚེས18ནས19ཉིན་བར། རྒྱལ་ཡོངས་སྒོ་ཕྱུགས་སྤྱི་ཁྱབ་ས་ཚིགས་སྒོ་ཕྱུགས་ཐོན་ཁུངས་ཁྲུའུ་ཡི་ཁྲུའུ་ཀྲང་སོན་ཧྥེ་ཀྲོའུ་ཡི་སྣེ་ཁྲིད་འོག་རྒྱལ་ཁབ་སྒོ་ཕྱུགས་རྒྱུད་འཛིན་ཐོན་ཁུངས་ཨུ་ཡོན་ལྷན་ཁང་གི་ཆེད་མཁས་པ་འཁོར་བཅས་མི5དང་བཅས་རང་རྫོང་དུ་ཕྱིན་ནས“མདོ་ལའི་ལུག”གི་རྒྱུད་འཛིན་ཐོན་ཁུངས་ཀྱི་ཡུལ་དངོས་གསལ་འབྱེད་ལས་དོན་དང་། བཤེར་འབེབས་ཚོགས་འདུ་འཚོགས། ཞིང་ཆེན་ཞིང་ལས་ཞིང་སྡེ་ཐིང་གི་ཐིང་ཀྲང་གཞོན་པ་དབྱང་དབྱི་ཆིན་དང་། ཁུལ་མི་དམངས་སྲིད་གཞུང་གི་ཁུལ་དཔོན་གཞོན་པ་ཀརྨ་ཚེ་རིང་། རྫོང་མི་དམངས་སྲིད་གཞུང་གི་རྫོང་དཔོན་གཞོན་པ་ཆི་ཚེ་རིང་། ཁུལ་ཞིང་ཕྱུགས་དང་ཚན་རྩལ་ཅུ་ཡི་ཅུ་ཀྲང་གདུགས་དཀར། རྫོང་ཞིང་ཕྱུགས་ཆུ་བེད་དང་ཚན་རྩལ་ཅུའི་ཅུ་ཀྲང་ཏུང་ཧྲིན་ཧུའེ། དེ་བཞིན་འབྲེལ་ཡོད་སྡེ་ཁག་གི་འགན་ཁུར་བ་ལྷན་དུ་བསྐྱོད།

ཆེད་མཁས་པ་འཁོར་བཅས་སྔ་རྗེས་སུ་མདོ་ལ་རྫོང་ཅིན་ཧྥེང་ཕྱུགས་ར་དང་ཚེ་རིང་ནོར་བུའི་འདེམ་གསོ་ལྟེ་བའི་ཁྱུ་ཚོགས། རྟ་མགྲིན་རྒྱལ་འདེམ་གསོ་ལྟེ་བའི་ཁྱུ་ཚོགས་བཅས་ལ་ཕྱིན་ཞིང་། ཡུལ་དངོས་ནས“མདོ་ལའི་ལུག”གི་ཚོགས་ཁྱུའི་གྲུབ་སྟངས་དང་གཞི་ཁྱོན། གཟུགས་དང་ཕྱིའི་རྣམ་པ་བཅས་ལ་ཞིབ་ཕྲ་ཡི་ཚད་ལེན་དང་གནད་ལ་འཁེལ་བའི་བསྐྱར་བཤེར་བྱས། ཡུལ་དངོས་ནས་འབྲོག་ཁྱིམ་ལ་འདྲི་བཅར་དུ་སོང་བ་དང་འབྲེལ་ཡོད་ཀྱི་ལོ་རྒྱུས་ཡིག་ཚགས་དང་། ཐོན་སྐྱེད་ཟིན་ཐོ། རྒྱུད་རབས་ཡིག་ཆ་བཅས་ལ་ལྟ་ཞིབ་བྱས།

ཚེས19ཉིན་གྱི་ཕྱི་དྲོར། “མདོ་ལའི་ལུག”རྒྱུད་འཛིན་ཐོན་ཁུངས་ཡུལ་དངོས་འཤེར་འབེབས་ཚོགས་འདུ་འཚོགས། ཆེད་མཁས་པ་དག་གིས“མདོ་ལའི་ལུག”རྒྱུད་འཛིན་ཐོན་ཁུངས་སྔོག་འདོན་ལས་ཀའི་གནས་ཚུལ་གྱི་སྙན་ཞུ་ལ་ཉན་ཞིང་། “མདོ་ལའི་ལུག”རྒྱུད་འཛིན་ཐོན་ཁུངས་རེ་ཞུའི་ཆེད་དོན་གློག་བརྙན་ལ་བལྟས། སྙན་ཞུ་ལ་ཉན་པ་དང་རྒྱུ་ཆ་ལ་བལྟས་པ། བཞུགས་མོལ་སྤེལ་རེས། ཡུལ་དངོས་ཞིབ་བཤེར་སོགས་བརྒྱུད་རྒྱུད་འཛིན་ཐོན་ཁུངས་ཀྱི་གསོག་ཉར་གནས་ཚུལ་དང་། ཟོག་ཁྱུའི་ཁ་གྲངས། གསོ་སྤེལ་ལོ་རྒྱུས། ནུས་པའི་ཚད་ལེན། གཟུགས་དང་ཕྱི་དབྱིབས། སོན་བཟང་རྒྱུད་སྤེལ་སོགས་ཟུར་ཚད་མི་འདྲ་བ་མང་པོ་ནས་ཕྱོགས་ཡོངས་གདེང་འཇོག་བྱས་ཤིང་། འདྲི་རྩད་ཁུངས་སྐྱེལ་གང་ལེགས་བྱས་མཐར“མདོ་ལའི་ལུག”གི་ཐོན་ཁུངས་གསར་བའི་ཡུལ་དངོས་བཤེར་འབེབས་མཇུག་འབྲས་དེ་རེ་ཞུ་རྒྱུ་ཆ་དང་མཐུན་པས་ཁས་ལེན་གྱི་ཚད་གཞི་ལོངས་ཤིང་གཅིག་མཐུན་གྱིས“མདོ་ལའི་ལུག”གི་ཐོན་ཁུངས་གསར་བ་ཡུལ་དངོས་བཤེར་འབེབས་ལས་ཁས་ལེན་ཐོབ་པ་འཐད་པ་བྱུང་།

དུས་མཚུངས་སུ་ཆེད་མཁས་པ་དག་གིས་རེ་ཞུའི་རྒྱུ་ཆ་སྔར་བས་འཐུས་ཚང་དུ་གཏོང་བ་དང་། སོན་སྲུང་ཇུས་གཞི་ཞིབ་ཚགས་སུ་གཏོང་བ། འདྲ་པར་རྒྱུ་ཆ་ཚད་ལྡན་དུ་གཏོང་བ། ལུག་གི་ཐོན་ལས་འཕེལ་རྒྱས་ཐད་མུ་མཐུད་དུ་རྨང་གཞིའི་སྒྲིག་བཀོད་ལ་ཤུགས་སྣོན་པ་དང་འཕེལ་རྒྱས་ཀྱི་ནུས་པ་འཛུགས་སྐྲུན། ལུག་གི་ཐོན་ལས་ཡོངས་ཀྱི་རིམ་སྤོར་ལ་སྐུལ་འདེད། ཐོན་ལས་གཞི་ཁྱོན་དང་སྤུས་ཚད། ཕན་ནུས་བཅས་རྒྱུན་མཐུད་མཐོ་རུ་བཏང་ནས་རྫོང་ཡོངས་ཀྱི་ལུག་གི་ཐོན་ལས་ཀྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་དགོས་པའི་བསམ་འཆར་བཏོན།

“མདོ་ལའི་ལུག”ལ་རྒྱལ་ཁབ་སྒོ་ཕྱུགས་རྒྱུད་འཛིན་ཐོན་ཁུངས་ཨུ་ཡོན་ལྷན་ཁང་གི་ཆེད་མཁས་པས་ཡུལ་དངོས་བཤེར་འབེབས་བརྒྱུད་ཁས་ལེན་ཐོབ་པ་འདི་ནི་རང་རྫོང་གི་ཕྱུགས་ལས་ལོ་རྒྱུས་ཀྱི་བརྒྱུད་རིམ་རིང་མོའི་ཁྲོད་སྒོ་འཕར་གསར་བ་ཕྱེ་བ་དང་། རང་རྫོང་གིས་སོན་ལས་དར་སྤེལ་བྱ་སྤྱོད་ལག་ཏུ་བསྟར་བའི་བྱེད་ཐབས་བྱེ་བྲག་པ་ཡིན་པས། མདོ་ལ་རྫོང་གི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་བྱ་ཡུལ་བསྐྲུན་པ་ལ་གལ་ཆེའི་དོན་སྙིང་ལྡན།