ཤ་བོ་སྐྱབས་ཀྱིས་ཀྲུང་དབྱང་བརྙན་འཕྲིན་ཁང་གི་གསེར་ཉ་ཡར་འགྲོ་ཐད་གཏོང་སྨྱན་སྦྱོར་གསར་འགོད་པའི་ཚོགས་པར་འཚམས་འདྲི་གནང་པ།

ཟླ6པའི་ཚེས27ཉིན། ཁུལ་ཨུའི་ཧྲུའུ་ཅི་ཤ་བོ་སྐྱབས་རྐང་ཚ་རྫོང་དུ་སོང་ནས"གསེར་ཉ་ཡར་འགྲོའི་དུས་ལ། སླར་ཡང་མཚོ་སྔོན་པོར་རྟོག་ཞིབ་བྱེད"ཅེས་པའི་ཀྲུང་དབྱང་བརྙན་འཕྲིན་ཁང་གི་མཉམ་འདྲེས་སྨྱན་སྦྱོར་ཆེ་གྲས་ཀྱི་བརྟག་དཔྱད་དྲིལ་སྒྲོག་གི་གསར་འགོད་པའི་ཚོགས་པ་དང་ལས་སྒྲུབ་པར་འཚམས་འདྲི་གནང་བ་དང་། ཀྲུང་དབྱང་བརྙན་འཕྲིན་སྤྱི་ཁྱབ་ལས་ཁུངས་མཚོ་སྔོན་སྤྱི་ཁྱབ་ས་ཚིགས་ཀྱི་ཏང་ཨུའི་ཧྲུའུ་ཅི་ཞུང་ཁྲོན་ཀང་དང་ལེ་ཚན་གྱི་སྤྱི་ཁྱབ་འཁྲབ་ཁྲིད་པའམ་ཀྲུང་དབྱང་རླུང་འཕྲིན་བརྙན་འཕྲིན་ལས་ཁུངས་གསར་འགྱུར་ལྟེ་གནས་ཀྱི་ས་གནས་པུའི་གསར་འགོད་པ་ཞིས་ཡ་ལིན་དང་མཉམ་དུ་མཚོ་བྱང་གི་དྲིལ་སྒྲོག་བྱ་བར་བགྲོ་གླེང་གཏིང་ཟབ་གནང་། 

ཤ་བོ་སྐྱབས་ཀྱིས་ཁུལ་ཨུ་དང་ཁུལ་སྲིད་གཞུང་གི་ཚབ་བྱས་ནས་ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་ཀྱིས་དུས་ཡུན་རིང་པོའི་ནང་མཚོ་བྱང་འཕེལ་རྒྱས་ལ་ཐུགས་ཁུར་དང་རྒྱབ་སྐྱོར་གནང་ཞིང་། ཟུར་ཚད་མང་བ་དང་ཕྱོགས་ཡོངས། གཏིང་རིམ་ཟབ་པ་བཅས་ཀྱི་སྒོ་ནས་ཕྱི་ཕྱོགས་ལ་མཚོ་བྱང་གི་སྐད་སྒྲ་སྙན་མོ་ཁྱབ་སྤེལ་དང་མཚོ་བྱང་གི་གཏམ་རྒྱུད་བཟང་པོ་བསྒྲགས་པར་སྙིང་ཐག་པ་ནས་ཐུགས་རྗེ་ཆེ་ཞུས། ཁོང་གིས་བཤད་རྒྱུར། ཉེ་བའི་ལོ་ཤས་རིང་། མཚོ་བྱང་གིས"ཞིང་ཆེན་ཡོངས་ཀྱི་མདུན་གྲལ་དུ་སྐྱོད་པ་གསུམ"གྱི་དམིགས་འབེན་ལ་དམིགས་ཤིང་། རྒྱལ་ཁབ་དང་ཞིང་ཆེན་རིམ་པའི་འཐབ་ཇུས་བཀོད་སྒྲིག་ནང་རང་འགུལ་ངང་མཉམ་འདྲེས་ཐུབ་པ་བྱས་པས་སྐྱེ་ཁམས་དཔལ་ཡོན་འཛུགས་སྐྱོང་ལ་གྲུབ་འབྲས་མངོན་གསལ་དོད་པོ་ཐོབ་པ་དང་ཐོན་ལས་ཀྱི"གནས་བཞི"གཏོད་རྒྱུར་ཕྱོགས་ཡོངས་ནས་མྱུར་ཚད་ཇེ་མགྱོགས་སུ་ཕྱིན་ནས་གསར་བརྗེའི་སློབ་གསོ་དང་ཚོགས་འདུ་གསོ་སྐྱོང་གི་ཐོན་ལས་ཀྱི་གཞི་ཁྱོན་རགས་ཙམ་ལྡན་པ་དང་སྤུས་ཚད་མཐོ་བའི་འཕེལ་རྒྱས་ཀྱི་སྟོབས་ཤུགས་ཆེན་པོ་ལྡན་ཡོད། དུས་ཡུན་རིང་པོའི་ནང་། ཀྲུང་དབྱང་བརྙན་འཕྲིན་ལས་ཁུངས་ཀྱིས་མཚོ་བྱང་གི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ཁྱབ་ཁོངས་སོ་སོར་ཕྱོགས་ཡོངས་དང་ཟུར་ཚད་མང་བ། ལངས་གཟུགས་རྣམ་པའི་སྒོ་ནས་ཕྱི་རོལ་ལ"མདངས་ལྡན་གནས་མཆོག དག་སྣང་མཚོ་བྱང"གི་གཟུགས་བརྙན་བཟང་པོ་བསྟན་པ་དང་། གཏིང་ཟབ་ཅིང་ནུས་ཚད་ཆེ་བ་དང་ཤུགས་རྐྱེན་ལྡན་པའི་དྲིལ་བསྒྲགས་དང་གསར་འགྱུར་གལ་ཆེན་མང་དུ་སྤེལ་བས། མཚོ་བྱང་གི་སྤུས་ཚད་མཐོ་བའི་འཕེལ་རྒྱས་ལ་རོགས་རམ་བྱེད་པའི་ཁྲོད་ནུས་པ་ཧ་ཅང་གལ་ཆེན་བཏོན་ཡོད་ལ། སྤྱི་ཁྱབ་ལས་ཁུངས་ཀྱིས་སྔར་རྒྱུན་བཞིན་མཚོ་བྱང་ལ་སེམས་ཁུར་དང་དོ་ཁུར་བྱས་ཏེ་བརྙན་མིག་ལ་བརྟེན་ནས་མཚོ་བྱང་གི་ས་གཞི་ཆེན་པོར་འགྱུར་ལྡོག་ཆེན་པོ་བྱུང་བ་མངོན་པར་བྱས་ཏེ་མཚོ་བྱང་འཕེལ་རྒྱས་ལ་དཔེ་གསར་དང་དྲང་ནུས་དེ་བས་མང་བ་མཁོ་འདོན་བྱེད་པའི་དྲིལ་བསྒྲགས་གནས་ཚུལ་སྤེལ་ཡོད་ཟེར།

ཞུང་ཁྲོན་ཀང་དང་ཞིས་ཡ་ལིན་གྱིས་ཁུལ་ཨུ་དང་། ཁུལ་སྲིད་གཞུང་། ཧྲུའུ་ཅི་ཤ་བོ་སྐྱབས་བཅས་ཀྱིས་ཐུགས་ཁུར་གནང་བར་ཐུགས་རྗེ་ཆེ་ཞུས་ལ། མཚོ་སྔོན་པོའི“གསེར་ཉ་ཡར་འགྲོའི་དུས་ལ། སླར་ཡང་མཚོ་སྔོན་པོར་རྟོག་ཞིབ་བྱེད”ཅེས་པའི་ཀྲུང་དབྱང་བརྙན་འཕྲིན་ཁང་གི་མཉམ་འདྲེས་སྨྱན་སྦྱོར་ཆེ་གྲས་ཀྱི་བརྟག་དཔྱད་དྲིལ་སྒྲོག་གནས་ཚུལ་སྤེལ་བའི་བྱེད་སྒོ་བསྟུད་མར་ལོ10ལ་སྤེལ་ནས་སྐྱེ་ཁམས་དཔལ་ཡོན་འཛུགས་སྐྱོང་ལ་སྐུལ་འདེད་གཏོང་བ་དང་། མི་དང་རང་བྱུང་ཁམས་འཆམ་མཐུན་མཉམ་གནས་ལ་སྐུལ་འདེད་གཏོང་བ་སོགས་ཐད་སློབ་གསོ་དང་ལག་ལེན་གྱི་དོན་སྙིང་གལ་ཆེན་ལྡན་ཡོད། ད་ལོའི་ཐད་གཏོང་གནས་ཚུལ་སྤེལ་བ་དེ“གསེར་ཉ་ཡར་འགྲོ”ནས་མགོ་བརྩམས་ཏེ་སྐྱེ་ཁམས་དཔལ་ཡོན་འཛུགས་སྐྲུན་གྱི་གྲུབ་འབྲས་སྐོར་གྱི་བརྗོད་གཞི་ཆེན་པོ་རྒྱས་བཤད་བྱས་ཤིང་། སྨྱན་སྦྱོར་ཡོངས་ཀྱི་སྟེགས་བུ་སྤྱད་དེ་ཕྱི་རོལ་ལ་མཚོ་སྔོན་པོའི་སྐྱེ་ཁམས་ཁོར་ཡུག་སྲུང་སྐྱོབ་ཀྱི་གྲུབ་འབྲས་ཁྱོན་ཡོངས་དང་གསོན་ཉམས་ལྡན་པའི་སྒོ་ནས་མངོན་པར་བྱས་ཡོད་ཅིང་། དྲིལ་སྒྲོག་གླེང་ཕྱོགས་ལས་སྟེགས་ཀྱི་ལེགས་ཆ་འདོན་སྤེལ་གང་ལེགས་བྱས་ནས་བརྗོད་དོན་དར་སྤེལ་དང་དྲང་ནུས་བརྒྱུད་སྤྲོད་བྱ་རྒྱུ་རྒྱུན་འཁྱོངས་བྱས་ཏེ་མཚོ་བྱང་གི“རྒྱལ་ཁབ་སྤྱི་གླིང་གཉིས”གསར་སྐྲུན་དང་། སྙིང་སྟོབས་ཀྱི་བཙན་ས་གཏོད་པ། རིག་གནས་ཡུལ་སྐོར་འཕེལ་རྒྱས་སོགས་གཙོ་གནད་བྱ་བ་སོ་སོར་དམ་པོར་དམིགས་ཏེ་སྟེགས་བུ་མང་པོ་དང་ཐབས་ལམ་མང་པོ། རྣམ་པ་མང་པོ། ཟུར་ཚད་མང་པོ་བཅས་ཀྱི་ཐོག་ནས་མཚོ་བྱང་དྲིལ་སྒྲོག་དང་འོས་སྦྱོར་ཡག་པོ་བྱ་རྒྱུ་ཡིན་པར་བཤད།

རྒྱུས་ལོན་བྱུང་བ་ལྟར་ན། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་ཀྱིས་ཟླ6པའི་ཚེས23ཉིན་ནས་ཟླ6པའི་ཚེས25ཉིན་བར《2024ལོའི་གསེར་ཉ་ཡར་འགྲོའི་དུས》ཞེས་པའི་སྨྱན་སྦྱོར་ཆེ་གྲས་ཀྱི་བརྟག་དཔྱད་གནས་ཚུལ་བསྟུད་མར་སྤེལ་ཡོད། སྤྱི་ཁྱབ་གསར་འགྱུར་ལྟེ་གནས་དང་མཚོ་སྔོན་སྤྱི་ཁྱབ་ས་ཚིགས་མཉམ་འབྲེལ་ལག་རྩལ་ཅུས། གསར་འགྱུར་སྨྱན་སྦྱོར་གསར་པའི་ལྟེ་གནས། CGTN（ཀྲུང་གོའི་རྒྱལ་སྤྱིའི་འཕྲིན་ལམ།）CCTV4（རྒྱ་ཡིག་རྒྱལ་སྤྱིའི་འཕྲིན་ལམ།）CCTV2（ནོར་སྲིད་འཕྲིན་ལམ།）ཀྲུང་གོའི་སྐད་ངག（རླུང་འཕྲིན）དང་དེ་བཞིན་སི་ཁྲོན་སྤྱི་ཁྱབ་ས་ཚིགས། ཀན་སུའུ་སྤྱི་ཁྱབ་ས་ཚིགས་། ལེའོ་ཉིང་སྤྱི་ཁྱབ་ས་ཚིགས་། ཧྲན་ཞིས་སྤྱི་ཁྱབ་ས་ཚིགས་། ཧྲང་ཧའེ་སྤྱི་ཁྱབ་ས་ཚིགས་། མཚོ་སྔོན་རླུང་འཕྲིན་བརྙན་འཕྲིན་ལས་ཁུངས་བཅས་ཀྱི་གསར་འགོད་པ་དང་ལག་རྩལ་མི་སྣ70ལྷག་གནས་ཚུལ་སྤེལ་གཏོང་ནང་ཞུགས་ཡོད། ཐེངས་འདིའི་སྙན་ཞུའི་ཁྲོད"5G+4K/8K+AI"དང་ཆུ་འོག་འཕྲུལ་ཆས་མི། ཆུ་འོག་སྒྲ་ནཱ། ARདྲག་འགྱུར་རྟོག་བཟོ། བརྙན་རྒྱུ་དུང་ཕྱུར་སོགས་ཀྱི་ལག་རྩལ་སྤྱད་དེ་བརྟག་དཔྱད་གནས་འཕྲིན་སྤེལ་བའི་རྣམ་པའི་ཐོག་མཚོ་སྔོན་པོའི་སྐྱེ་ཁམས་དང་དར་ཆའི་གྲུ་གཟིངས་ཀྱི་སྐྱེ་དངོས་རིགས་ཐོག་མར་མངོན་པར་བྱས། ཐེངས་དང་པོར་མཚོ་སྔོན་པོ་གྲུ་ཐོག་ཐད་གཏོང་མངོན་འགྱུར་བྱུང་ལ་ཆུ་འོག་སྒྲ་ནཱའི་ཉ་འཚོལ་ཞིབ་ཐེངས་དང་པོར་བྱས། 8Kརི་ཁུལ་རྒྱང་སྒྱུར་རླངས་འཁོར་སྤྱད་དེ་གླིང་ཕྲན་དུ་ཐེངས་དང་པོར་པར་ལེན་བཏབས། བརྙན་རྒྱུ་དུང་ཕྱུར་ཅན་གྱི་ལག་རྩལ་སྤྱད་དེ་གསེར་ཉ་དང་དགོ་དམར་ལ་ཐེངས་དང་པོར་ལྟ་ཞིབ་བྱས་ཤིང་ཆུ་ལམ་མཁའ་དབྱིངས་ཀྱི་ལངས་གཟུགས་མཐོང་ལམ་བརྒྱུད་ནས་གསེར་ཉ་ཡར་འགྲོའི་གསང་བ་འཚོལ་ཞིབ་བྱས་ཏེ་མཚོ་སྔོན་པོའི་སྐྱེ་ཁམས་ཀྱི་མཛེས་སྡུག་མངོན་པར་བྱས། གནས་ཚུལ་སྤེལ་བར་གཞིགས་ན། ཀྲུང་དབྱང་བརྙན་འཕྲིན་ལས་ཁུངས་ཀྱི་གསར་འགྱུར་འཕྲིན་ལམ(CCTV13)གྱི་ཆུ་ཚོད13སྟེང་ཐད་གཏོང་གནས་ཚུལ་སྤེལ། སྤྱི་ཁྱབ་ལས་ཁུངས་ཀྱི་ཀྲུང་དབྱང་བརྙན་འཕྲིན་ལས་ཁུངས་ཀྱི་གསར་འགྱུར་དང། CGI(ཀྲུང་གོའི་རྒྱལ་སྤྱིའི་བརྙན་འཕྲིན་ལས་ཁུངས།)CCTV4(རྒྱ་ཡིག་རྒྱལ་སྤྱིའི་འཕྲིན་ལམ)CCTV2(ནོར་སྲིད་དཔལ་འབྱོར་འཕྲིན་ལམ།)ཀྲུང་གོའི་སྐད་སྒྲ(རླུང་འཕྲིན)སོགས་ཀྱི་སྟེགས་བུ་དུས་མཉམ་དུ་གཏོང་པ་དང་སྟེགས་བུ་སོ་སོས་གསར་འགྱུར་ཁྱོན་བསྡོམས78བཏང་། སྤྱིའི་ཀློག་གྲངས་ཁྲི1517ཟིན་ནས་རྒྱལ་ནང་དང་རྒྱལ་སྤྱིའི་ཐོག་དུས་མཉམ་དུ་བརྒྱུད་བསྒྲགས་ཐུབ་སྟེ་མཚོ་སྔོན་གྱི་སྐྱེ་ཁམས་དཔལ་ཡོན་འཛུགས་སྐྲུན་གྱི་གཏམ་རྒྱུད་ཕྱོགས་ཡོངས་ནས་བརྗོད།

ཁུལ་གྱི་མགོ་ཁྲིད་སུང་ཞུག་ཙུང་དང་སངས་འབུམ། ཁུལ་ཨུའི་གཞུང་ལས་ཁང་། ཁུལ་རྒྱང་སྒྲོག་བརྙན་འཕྲིན་ལས་ཁུངས་དང་རྐང་ཚ་རྫོང་ཏང་ཨུའི་སྲིད་གཞུང་གི་འགན་འཁུར་བློ་མཐུན་གཙོ་བོས་ཕེབས་རོགས་བྱས།