2024ལོར་རང་རྒྱལ་གྱི་དངོས་ཟོག་ཕྱིར་འཚོང་ནང་འདྲེན་གྱི་རིན་ཐང་བསྡོམས་སྒོར་དུང་ཕྱུར43.85ཟིན་པ།

ཚེས13ཉིན་རྒྱལ་སྲིད་སྤྱི་ཁྱབ་ཁང་གིས“ཀྲུང་གོའི་དཔལ་འབྱོར་སྤུས་མཐོའི་འཕེལ་རྒྱས་ཀྱི་ཕན་འབྲས”ཞེས་པའི་གསར་འགྱུར་ཡོངས་བསྒྲགས་ཚོགས་འདུ་རབ་དང་རིམ་པ་འཚོགས་པ་དང་། མཚོ་འགག་སྤྱི་ཁྱབ་ཧྲུའུ་ཡི་འབྲེལ་ཡོད་འགན་འཁུར་བས་ངོ་སྤྲོད་བྱས་པར་གཞིགས་ན།  2024ལོར་ལོ་ཧྲིལ་པོའི་ཕྱིར་འཚོང་ནང་འདྲེན་གྱི་རིན་ཐང་བསྡོམས་པས་མི་དམངས་ཤོག་སྒོར་དུང་ཕྱུར་ཁྲི43.85ཟིན་ཏེ་དུས་མཚུངས་ལས5%འཕར་ནས་གཞི་ཁྱོན་སླར་ཡང་ལོ་རྒྱུས་ཀྱི་མཐོ་ཤོས་བཏོད་ཡོད།

མཚོ་འགག་སྤྱི་ཁྱབ་ཧྲུའུ་ཡི་ཧྲུའུ་ཀྲང་གཞོན་པ་ཝང་ལིང་ཅུན་གྱིས2024ལོར་རང་རྒྱལ་གྱི་ཕྱི་ཕྱོགས་ཚོང་དོན་ལ་གྲུབ་འབྲས་ཆེན་པོ་ཐོབ་པ་དང་།  སྤྱི་འབོར་དང་འཕར་ཚད།  སྤུས་ཚད་བཅས་ཀྱི“ཚད་གསུམ”མཉམ་དུ་འཕར་བ་མངོན་འགྱུར་བྱུང་ཞེས་དང་། “འཕར་ཚད་ལ་བལྟས་ན།  ན་ནིང་རང་རྒྱལ་གྱི་ཕྱི་ཕྱོགས་ཚོང་དོན་འཕར་བའི་གཞི་ཁྱོན་སྒོར་དུང་ཕྱུར་ཁྲི2.1ཟིན་པ་དེ་འབྲིང་རིམ་རྒྱལ་ཁབ་ཅིག་གི་ལོ་གཅིག་གི་ཕྱི་ཕྱོགས་ཚོང་དོན་སྤྱི་འབོར་དང་མཚུངས།   སྤུས་ཚད་ཐོག་ནས་བལྟས་ན།  ཕྱིར་གཏོང་དང་ཕྱིར་གཏོང་ཐོན་རྫས་ཀྱི་གྲུབ་ཆ་རྒྱུན་ཆད་མེད་པར་ཇེ་ལེགས་སུ་གཏོང་བ་དང་།  ལག་རྩལ་མཐོ་བའི་ཐོན་རྫས་འཕར་ཚད་བཟང་བ།  རང་བདག་སྤུས་རྟགས་ཕྱིར་གཏོང་ཐད་ལོ་རྒྱུས་ཀྱི་མཐོ་ཤོས་བཏོད་པ།  རྒྱལ་མཚམས་ལས་བརྒལ་བའི་གློག་རྡུལ་ཚོང་དོན་སོགས་ཚོང་དོན་རྣམ་པ་གསར་པ་དབྱར་མཚོ་རྒྱས་པ་ལྟར་འཕེལ་ཡོད།

འཛམ་གླིང་ཚོང་དོན་རྩ་འཛུགས་ཀྱི་གྲངས་གཞི་གསར་ཤོས་ལས་མངོན་པར།  ན་ནིང་གི་དུས་ཚིགས་སྔོན་མ་གསུམ་གྱི་ནང་རང་རྒྱལ་གྱི་ཕྱིར་གཏོང་དང་ནང་འདྲེན་གྱིས་རྒྱལ་སྤྱིའི་ཁྲོམ་རའི་ནང་བཟུང་བའི་ཐོབ་སྐལ་སོ་སོར14.5%དང10.5%ཟིན་ནས་དུས་མཚུངས་ལས་བརྒྱ་ཆའི་ཚེག0.3དང0.1འཕར་ཡོད། རང་རྒྱལ་ནི་རྒྱལ་ཁབ་དང་ས་ཁུལ150ལྷག་གི་ཉོ་ཚོང་རོགས་ཟླ་གཙོ་བོར་གྱུར་ཡོད།

ས་ཁོངས་དབྱེ་ནས་བལྟས་ན།  2024ལོར་རང་རྒྱལ་གྱི་ས་ཁོངས་ཆེ་གྲས་ཁག་གི་ཕྱིར་འཚོང་ནང་འདྲེན་དོ་སྙོམས་ངང་འཕེལ་རྒྱས་བྱུང་ཡོད། མཚོ་འགག་སྤྱི་ཁྱབ་ཧྲུའུ་ཡི་གསར་འགྱུར་མགྲིན་ཚབ་པ་བསྡོམས་རྩིས་དབྱེ་ཞིབ་སིའི་སི་ཀྲང་ལུའེ་ཏ་ལེང་གིས2024ལོར་རང་རྒྱལ་གྱི་ཤར་རྒྱུད་དང་དབུས་རྒྱུད། ནུབ་རྒྱུད།  བྱང་ཤར་ས་ཁུལ་བཅས་ཀྱི་དགེ་མཚན་ཕན་ཚུན་གསབ་རེས་དང་། སོ་སོའི་དགེ་མཚན་མངོན་པ་དང་ཕྱིར་འཚོང་ནང་འདྲེན་ཚང་མ་འཕར་བ་མངོན་འགྱུར་བྱུང་ཡོད། ལིའུ་ཏ་ལིའང་གིས“དེའི་ནང་ཤར་རྒྱུད་ས་ཁུལ་གིས“གྲུ་གཟིངས་གནོན་རྡོའི”ནུས་པ་མུ་མཐུད་འདོན་སྤེལ་བྱས་ཡོད། ལོ་ཧྲིལ་པོའི་ཕྱིར་འཚོང་ནང་འདྲེན་སྒོར་དུང་ཕྱུར34.95ཟིན་ནས5.4%འཕར་ཏེ་རང་རྒྱལ་གྱི་སྤྱིའི་ཕྱིར་འཚོང་ནང་འདྲེན་གྱི79.7%ཟིན།   དབུས་རྒྱུད་ས་ཁུལ་ཡང་ཉིན་རེ་བཞིན་སྒོ་འབྱེད་ཀྱི་མདུན་ཕྱོགས་སུ་བསྐྱོད་བཞིན་ཡོད། 2024ལོར་ཕྱིར་གཏོང་དང་ཕྱིར་གཏོང་སྒོར་དུང་ཕྱུར7.65ཟིན་པ་དེ4%འཕར་རྒྱུ་རེད།   བྱང་ཤར་ས་ཁུལ་གྱི་སྒོ་འབྱེད་ཆུ་ཚད་ཀྱང་སྔར་བས་མཐོ་རུ་ཕྱིན་ཡོད།   ཕྱིར་གཏོང་དང་ཕྱིར་གཏོང་གི་གཞི་ཁྱོན་ལོ་བཞིའི་ནང་ནས་མཐོ་ཤོས་སུ་གྱུར་ཡོད།  །