ཝང་ཧུའུ་ཉིང་གིས་འཇར་པན་སྲིད་སྐྱོང་ཏང་གི་འཐུས་མི་ཚོགས་པར་ཐུག་འཕྲད་གནང་བ།
ཚེས14ཉིན་ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན་ནམ་རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཝང་ཧུའུ་ཉིང་གིས་པེ་ཅིན་དུ་འཇར་པན་རང་མོས་ཏང་གི་དྲུང་ཡིག་ཆེན་མོ་སེན་ཧྲན་ཡུས་དང་ཀུང་མིང་ཏང་གི་དྲུང་ཡིག་ཆེན་མོ་ཞི་ཐེན་ཧྲི་རེན་གྱིས་སྣེ་ཁྲིད་པའི་འཇར་པན་སྲིད་སྐྱོང་ཏང་གི་འཐུས་མི་ཚོགས་པར་ཐུག་འཕྲད་གནང་།
ཝང་ཧུའུ་ཉིང་གིས2024ལོའི་ཟླ11པར་ཀྲུའུ་ཞི་ཞི་ཅིན་ཕིང་དང་དབུ་བཞུགས་བློན་ཆེན་ཧྲི་ཕོ་མའོ་ལི་མར་ཐུག་འཕྲད་གནང་ནས། ཀྲུང་གོ་དང་འཇར་པན་གྱི་ཆབ་སྲིད་ཡིག་ཆ་བཞིའི་ནང་གཏན་འཁེལ་བྱས་པའི་རྩ་དོན་དང་ཁ་ཕྱོགས་ལྟར། ཀྲུང་གོ་དང་འཇར་པན་གྱི་འཐབ་ཇུས་གཉིས་ཕན་འབྲེལ་བར་ཕྱོགས་ཡོངས་ནས་སྐུལ་འདེད་གཏོང་བར་མོས་མཐུན་བྱུང་། རྒྱལ་ཁབ་གཉིས་ཀྱི་སྲིད་སྐྱོང་ཏང་གིས་རྒྱལ་ཁབ་གཉིས་ཀྱི་མགོ་ཁྲིད་པའི་ཐུན་མོང་ངོས་འཛིན་དོན་འཁྱོལ་བྱེད་པར་སྐུལ་འདེད་གཏོང་བར་དམིགས་ནས་སྤེལ་རེས་གཏིང་ཟབ་བྱས་ཏེ། མཉམ་དུ་ཀྲུང་གོ་དང་འཇར་པན་གྱི་འབྲེལ་བ་འཕེལ་རྒྱས་སུ་བཏང་ནས། ས་ཁུལ་དེ་རང་དང་འཛམ་གླིང་དར་རྒྱས་གོང་འཕེལ་ལ་སྐུལ་འདེད་གཏོང་དགོས། ཀྲུང་གོའི་རྒྱལ་ཡོངས་སྲིད་གྲོས་ཀྱིས་དེའི་ཐད་ཧུར་ཐག་གིས་བྱས་རྗེས་འཇོག་འདོད་ཡོད་ཚུལ་བསྟན།
འཇར་པན་ཕྱོགས་ཀྱིས་འཇར་པན་དང་ཀྲུང་གོ་ནི་ཕན་ཚུན་ཁྱིམ་མཚེས་རྒྱལ་ཁབ་གལ་ཆེན་ཡིན་པས། རྒྱལ་ཁབ་གཉིས་ཀྱི་མགོ་ཁྲིད་པའི་ཐུན་མོང་གི་ངོས་འཛིན་གལ་ཆེན་གཞིར་བཟུང་ནས་མཐུན་པ་ཆེན་པོ་བརྩོན་ལེན་དང་ཁྱད་པར་ཆུང་ཆུང་ཉར་ཚགས་བྱེད་པའི་སྙིང་སྟོབས་ལ་གཞིགས་ནས། སྲིད་སྐྱོང་ཏང་གི་སྤེལ་རེས་ལམ་སྲོལ་བརྒྱུད་གཞོན་ནུ་གྲོས་མི་དང་ས་གནས་མགོ་ཁྲིད་པ་ཚུད་པའི་རིམ་པ་སོ་སོའི་མི་སྣའི་སྤེལ་རེས་འགྲོ་འོང་ལ་སྐུལ་འདེད་གཏོང་བ་དང་། མི་མཐུན་པའི་ཆ་ཇེ་ཉུང་དུ་གཏོང་བ་དང་མཉམ་ལས་ལ་སྐུལ་འདེད་གཏོང་འདོད་ཡོད་ཅེས་བསྟན།
ཧྲི་ཐའེ་ཧྥེང་དང་ཅང་ཙུའུ་ཝེ་ཐུག་འཕྲད་ལ་ཞུགས་པ་རེད། །
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注