སྡེ་ཁག9ཡིས་མཉམ་འབྲེལ་སྒོས་ཞོར་ལས་བར་དྲོད་ཁོལ་སྐྱེལ་བའི་ཞབས་ཞུ་བྱ་འགུལ་སྤེལ་བ།

གསར་འགོད་པས་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་པུའུ་ནས་རྒྱུས་ལོན་པ་ལྟར་ན། ཉེ་ཆར་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་པུའུ་དང་། སྤྱི་བདེ་པུའུ། དམངས་སྲིད་པུའུ། འགྲིམ་འགྲུལ་སྐྱེལ་འདྲེན་པུའུ། ཞིང་ལས་གྲོང་གསེབ་པུའུ། རིག་གནས་དང་ཡུལ་སྐོར་པུའུ། རྒྱལ་ཡོངས་སྤྱི་ཁྱབ་བཟོ་ཚོགས། གུང་གཞོན་ཚོགས་པ་ཀྲུང་དབྱང་། རྒྱལ་ཁབ་ལྕགས་ལམ་ཚོགས་པ་སོགས་སྡེ་ཚན9ཡིས་མཉམ་འབྲེལ་སྒོས《2025ལོར་ཞོར་ལས་བར་དྲོད་ཁོལ་སྐྱེལ་བའི་ཞབས་ཞུ་བྱ་འགུལ་སྤེལ་བའི་སྐོར་གྱི་བརྡ་སྦྱོར》དཔར་འགྲེམས་བྱས་ནས། ལོ་སར་རིང་ཞོར་ལས་པའི་ཞབས་ཞུ་འགན་སྲུང་ལས་དོན་བཀོད་སྒྲིག་བྱས།

བརྡ་སྦྱོར་གྱི་ནང་སེམས་དྲོ་བའི་བྱེད་ཐབས་རབ་དང་རིམ་པ་བཏོན་ཡོད། དྲ་ཐོག་དང་ཡུལ་དངོས་ཟུང་འབྲེལ་དང་དངོས་པོའི་འཚམས་འདྲི་དང་བསམ་པའི་འཚམས་འདྲི་ཟུང་འབྲེལ་བྱེད་པའི་བྱ་ཐབས་བརྒྱུད། གཞི་ཁྱོན་ཆེན་པོས“དྲོད་ཁོལ་སྐྱེལ་བའི”བྱ་འགུལ་སྤེལ། ཞོར་ལས་པའི་སྔོན་ཐོན་བྱས་རྗེས་དྲིལ་སྒྲོག་བྱེད་པའི་རིག་རྩལ་རིག་གནས་བྱེད་སྒོ་ཇུས་འགོད་དང་ཞིང་པ་ལས་མི་མཐོང་ཐོས་དགའ་བའི་རིག་གནས་བྱ་འགུལ་སྤེལ་བར་སྐུལ་མ་བཏང་། དཀའ་ངལ་ཡོད་པའི་ཞོར་ལས་པ་རྣམས་ལ་གཅེས་སྐྱོང་རོགས་རམ་བྱེད་པར་ཤུགས་བསྣན་ཏེ་གྲོང་གསེབ་ཀྱི་གཞིས་ལུས་རྒན་རྒོན་དང་། འཁོར་རྒྱུག་བྱིས་པ། གཞིས་ལུས་བྱིས་པ་བཅས་ལ་འཚམས་འདྲི་དང་གཅེས་སྐྱོང་ཞབས་ཞུ་ཡག་པོ་བྱས། དགོས་མཁོར་གཞིགས་ནས“ས་གནས་ནས་ས་གནས་བར”གྱི་མཆེད་གཏོང་རླངས་འཁོར་དང་། ཆེད་གཏོང་མེ་འཁོར། གནམ་གྲུ་སོགས་ཀྱི་སྐྱེལ་འདྲེན་ཞབས་ཞུ་རྩ་འཛུགས་བྱས་ཏེ། ལོར་ལས་པ་གཅིག་སྡུད་ངང་སྤ་སེ་ཉོ་བ་དང་རླངས་འཁོར་ལ་བསྡད་པར་སྟབས་བདེ་མཁོ་འདོན་བྱས། ཞོར་ལས་པ་རྣམས་ལ་གནད་ལ་འཁེལ་ཞིང་ནུས་ལྡན་གྱི་ལས་ཞུགས་ཞབས་ཞུ་མཁོ་འདོན་བྱས་ཏེ། དབུལ་ཐར་ངལ་རྩོལ་ནུས་ཤུགས་ཀྱི་ལས་ཞུགས་རོགས་སྐྱོར་བྱེད་ཤུགས་ཆེ་རུ་བཏང་། ཞོར་ལས་པའི་གསོ་སྦྱོང་དགོས་མཁོར་དམིགས་ནས“ལས་གནས་དགོས་མཁོ་དང་ནུས་རྩལ་གསོ་སྦྱོང་། ལས་ཞུགས་འོས་སྦྱོར་བཅས་གཞི་གཅིག་ཅན་གྱི་རྣམ་གྲངས་ཅན་གྱི་གསོ་སྦྱོང་བྱེད་སྟངས་ཁྱབ་སྤེལ་བཏང་། ཞོར་ལས་པའི་ཁེ་དབང་སྲུང་སྐྱོང་གི་ཐབས་ལམ་ཤར་གཏོང་བྱས་ཏེ། ཞོར་ལས་པའི་གླ་ཕོགས་སོགས་ཀྱི་ཁེ་དབང་སྲུང་སྐྱོང་ཡག་པོ་བྱས།  །