རྒྱལ་ཡོངས་ལྕགས་ལམ་གྱིས་མེ་འཁོར་འཁོར་སྐྱོད་དཔེ་རིས་གསར་པ་ལག་བསྟར་བྱས་པ།

རྒྱལ་ཁབ་ལྕགས་ལམ་སྡེ་ཚོགས་སྐྱེལ་འདྲེན་པུའུ་ཡི་འབྲེལ་ཡོད་འགན་འཁུར་བས་ངོ་སྤྲོད་བྱས་པ་ལྟར་ན། ཐེངས་འདིའི་དཔེ་རིས་ལེགས་སྒྲིག་བྱ་རྒྱུ་ནི་རྒྱལ་ཁབ་ལྕགས་ལམ་ཁེ་ལས་ཀྱིས་ལྕགས་ལམ་གྱི་གསར་སྣོན་བྱས་པའི་ལམ་ཐིག་དང་། མེ་འཁོར་འབབ་ཚུགས། སྒྲིག་ཆས་སོགས་སྐྱེལ་འདྲེན་ཐོན་ཁུངས་གང་ལེགས་སྤྱད་དེ་རྒྱལ་ཡོངས་ཀྱི་ལྕགས་ལམ་མེ་འཁོར་འཁོར་སྐྱོད་ཇུས་གཞིར་ལེགས་སྒྱུར་ལེགས་སྒྲིག་བྱས། དཔེ་རིས་གསར་པ་ལག་བསྟར་བྱས་པ་དེས་ལྕགས་ལམ་དྲ་བའི་སྤྱི་ཡོངས་ཀྱི་ཕན་ནུས་སྔར་ལས་ཆེ་རུ་གཏོང་བ་དང་། འགྲུལ་པ་དང་ཟོག་འདྲེན་ཐོན་རྫས་མཁོ་སྤྲོད་ཇེ་ལེགས་སུ་བཏང་སྟེ། ལྕགས་ལམ་གྱི་སྤུས་ཚད་མཐོ་བའི་འཕེལ་རྒྱས་གྲུབ་འབྲས་ཀྱིས་མི་དམངས་མང་ཚོགས་ཀྱི་ཐོན་སྐྱེད་འཚོ་བ་དང་དཔལ་འབྱོར་རྒྱུན་མཐུད་ངང་ཡར་རྒྱས་ལ་ཞབས་འདེགས་ཞུ་བར་ཕན་ཐོགས་པ་རེད།  །