མཚོ་སྔོན་དུ་སྡོད་པའི་རྒྱལ་ཡོངས་དམངས་ཆེན་གྱི་འཐུས་མི་ཁ་ཤས་ཀྱིས་གཅིག་བསྡུས་ལྟ་ཞིབ་སྤེལ།

རྒྱལ་ཡོངས་དམངས་ཆེན་གྱི་འཐུས་མི་རྒྱལ་ཡོངས་དམངས་འཐུས་ཚོགས་ཆེན་སྐབས་བཅུ་བཞི་པའི་གྲོས་ཚོགས་ཐེངས་གསུམ་པར་ཞུགས་པའི་གྲ་སྒྲིག་བྱ་བ་བཟང་བོར་བསྒྲུབ་ཆེད། ཟླ1ཚེས2ཉིན། ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས་མཚོ་སྔོན་དུ་སྡོད་པའི་རྒྱལ་ཡོངས་དམངས་ཆེན་སྐབས་བཅུ་བཞི་པའི་འཐུས་མི་རྩ་འཛུགས་བྱས་ནས་གཅིག་བསྡུས་སྒོས་ལྟ་ཞིབ་བྱས། རྒྱལ་ཡོངས་དམངས་ཆེན་གྱི་འཐུས་མི། ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཏང་ཙུའུ་ཧྲུའུ་ཅི། ཀྲུའུ་རིན་གཞོན་པ་ཝང་ལིས་མེན་དང་། རྒྱལ་ཡོངས་དམངས་ཆེན་གྱི་འཐུས་མི་མཱ་ཧྲི་གུང་དང་། མཱ་ཧྥུའུ་ཁྲང་། ཝང་གོ་ཏུང་། པིས་ཧྲིན་ལུང་། ཆའོ་ཡ་ཆུན། ལིའུ་ཞའོ་རུང་། གོ་ཅིན་ཕེན། ཏུང་ཆོན་མེན། ཅང་ཀྲི་ཀང་། བཅིངས་འགྲོལ་དམག་དང་དྲག་ཆས་དམག་དཔུང་འཐུས་ཚབ་ཚོགས་པའི་འཐུས་མི་ཀྲང་ཧྥ་ཅུའུ། ཧི་ཐེན་ཐེན་བཅས་ལྟ་ཞིབ་ལ་ཞུགས། ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཏང་ཙུའུ་ཧྲུའུ་ཅི་གཞོན་པ། ཀྲུའུ་རིན་གཞོན་པ་དབྱང་ཧྥིན་ཁྲུན་དང་། ཞིང་ཆེན་གཞི་གྲངས་ཅུའུ་དང་ཞིང་ཆེན་ནགས་ལས་དང་རྩྭ་ས་ཅུའུ་ཡི་འབྲེལ་ཡོད་འགན་ཁུར་མི་སྣས་མཉམ་དུ་ལྟ་ཞིབ་བྱས།

འཐུས་མི་ཚོ་རྨ་འབྲི་རྫ་གསུམ་འབྱུང་ཡུལ་རྒྱལ་ཁབ་གཞི་གྲངས་ཆེན་པོའི་རྟེན་གཞི་དང་རྒྱལ་ཁབ་རིམ་འདས་རྩིས་རྒྱག་ཝུའུ་ཞི་ལྟེ་གནས་མཚོ་སྔོན་སློབ་ཆེན་ཡན་ལག་ལྟེ་གནས། ཞིང་ཆེན་དག་གཙང་ནུས་ཁུངས་དང་ལྗང་མདོག་རྩིས་ནུས་བཀོད་གཏོང་ལྟེ་གནས། ནུབ་རྒྱུད་གཏེར་ལས་སྡེ་ཚོགས་རིག་སྟོབས་ཚོད་འཛིན་ལྟེ་གནས། མདོ་ལ་རི་བོ་རྒྱལ་ཁབ་སྤྱི་གླིང་མཚོ་སྔོན་ས་ཁུལ་གཞི་གྲངས་ཆེན་པོའི་དོ་དམ་སྟེགས་བུ་བཅས་ལ་སོང་ནས་རང་ཞིང་གི་གཞི་གྲངས་དཔལ་འབྱོར་དང་ལྗང་མདོག་རྩིས་ནུས་སོགས་ཀྱི་འཕེལ་རྒྱས་གནས་ཚུལ་ལ་ལྟ་ཞིབ་བྱས།

ལྟ་ཞིབ་བརྒྱུད་དེ། འཐུས་མི་ཚོས་ཞིང་ཆེན་གྱི་གནས་ཚུལ་ཐད་ཀྱི་རྒྱུས་ལོན་སྔར་ལས་ཇེ་ཟབ་ཏུ་སོང་བ་དང་། མཚོ་སྔོན་གྱི་མདུན་དུ་ལྷགས་པའི་གོ་སྐབས་དང་འགྲན་རྩོད། དགེ་མཚན་དང་ཞན་ཆ་སོགས་ལ་ཞིབ་འཇུག་གཏིང་ཟབ་བྱས་ནས། ཁ་གཏད་རང་བཞིན་སྔར་ལས་ཆེན་པོ་ལྡན་པའི་གྲོས་གཞི་འདོན་པའི་ཐད་དཔྱད་གཞི་གལ་ཆེན་དང་ལག་ལེན་གྱི་གཞི་འཛིན་ས་འདོན་སྤྲོད་བྱས།

འཐུས་མི་ཚོས་མཐའ་གཅིག་ཏུ། ཉེ་བའི་ལོ་འགའི་རིང་ལ། རང་ཞིང་གི་གཞི་གྲངས་ཅན་གྱི་ཚུལ་སྒྱུར་ཕྱོགས་ནས་གྲུབ་འབྲས་མངོན་གསལ་བླངས་ཟེར། ཁོ་ཚོས་བསྟན་དོན། ཐེངས་འདིའི་ལྟ་ཞིབ་བྱ་འགུལ་གོ་སྐབས་སུ་བརྩིས་ཏེ། འབྲེལ་ཡོད་ཁྱབ་ཁོངས་སུ་སོང་ནས། རང་ཞིང་གི་གཞི་གྲངས་དཔལ་འབྱོར་འཕེལ་རྒྱས་ཀྱི་གནས་ཚུལ་ལ་ཕྱོགས་ཡོངས་ནས་རྒྱུས་ལོན་གསལ་བོ་བྱེད་པ་དང་། དམངས་གཙོའི་དབང་ཆ་བཀོལ་སྤྱོད་ཡང་དག་བྱེད་པ་དང་འཐུས་མིའི་ནུས་པ་འདོན་སྤེལ་གང་ལེགས་བྱེད་པ། དམངས་ཆེན་འཐུས་མིའི་འགན་འཁྲི་ལག་བསྟར་བྱེད་པ། སྤུས་ཚད་མཐོ་བའི་གྲོས་གཞི་བཏོན་ནས། རང་ཞིང་གི་གཞི་གྲངས་དཔལ་འབྱོར་རྒྱུན་མཐུད་ངང་འཕེལ་རྒྱས་སུ་གཏོང་བའི་ཐད་བློ་གྲོས་དང་སྟོབས་ཤུགས་འབུལ་རྒྱུ་ཡིན་ཟེར།