ཉ་གྲུ་ཞིག་འཇར་པན་ཤར་ཕྱོགས་ཀྱི་ཚི་ཁྲིན་རྫོང་ཉེ་འཁོར་གྱི་མཚོ་ཁོངས་སུ་ཆུར་ནུབ་པ་ལས་མི2ཚེ་ལས་འདས་པ།

ཟླ1པོའི་ཚེས6ཉིན་གྱི་ཐོ་རེངས་སྐབས།　ཉ་གྲུ་ཞིག་འཇར་པན་ཤར་ཕྱོགས་ཀྱི་ཚི་ཁྲིན་རྫོང་ལུའུ་ཏའོ་གྲུ་ཁའི་ཉེ་འཁོར་གྱི་མཚོ་ཁོངས་སུ་ཆུར་ནུབ་པ་ལས་མི2ཚེ་ལས་འདས་པ་དང་གཞན་མི3གར་སོང་ཆ་མེད་དུ་གྱུར།　

འཇར་པན་སྨྱན་སྦྱོར་གྱིས་བསྒྲགས་པའི་གསར་འགྱུར་ལྟར་ན།　ས་གནས་དེ་གའི་དུས་ཚོད་ཚེས6ཉིན་གྱི་ཆུ་ཚོད2ཡས་མས་སུ།　ཉ་གྲུ་ཞིག་ལུའུ་ཏའོ་གྲུ་ཁ་ཤར་ཕྱོགས་ཀྱི་སྤྱི་ལེ30མཚམས་སུ་ཆུར་ནུབ་ཞིང་།　ཉ་གྲུ་སྟེང་ཁྱོན་བསྡོམས་མི20ཡོད་ལ།　དེའི་ཁྲོད་ཀྱི་མི5ནི་ཧིན་རྡུ་ཉི་ཞི་ཡའི་མི་ཡིན་པ་དང་གཞན་ཚང་མ་འཇར་པན་གྱི་མི་རེད།　མི17གྱི་སྲོག་བསྐྱབས་པ་དང་མི2སྨན་ཁང་དུ་བསྐྱལ་རྗེས་ཚེ་ལས་འདས།　འཇར་པན་མཚོ་ཐོག་བདེ་སྲུང་ཐིང་གིས་མཚོ་གྲུ་དང་གྱེན་འཕུར་གནམ་གྲུ་མངགས་ནས་མི་སྣ་འཚོལ་སྐྱོབ་བྱེད་བཞིན་ཡོད་པ་རེད།　

འཇར་པན་སྨྱན་སྦྱོར་གྱིས་དོན་རྐྱེན་བྱུང་ས་ཉེ་འཁོར་གྱི་གྲུ་བའི་སྐད་ཆ་དྲངས་ཏེ།　སྐབས་དེར་མཚོ་ཐོག་ཏུ་རླུང་ཆེན་གཡུག་གིན་མེད་པས་ཆུར་ནུབ་དགོས་དོན་མེད་པར་བཤད།　སྲོག་ཉེན་ལས་ཐར་བའི་གྲུ་བས་བཤད་ན།　ཉ་རྒྱ་ནང་ཉ་མང་པོ་ཚུད་པ་ནི་མཚོ་གྲུ་ཆུར་ནུབ་པའི་རྒྱུ་རྐྱེན་ཡིན་པར་བཤད།　།