《ཞི་ཅིན་ཕིང་གི་ཀྲུང་གོའི་ལུགས་ཀྱི་དེང་རབས་ཅན་སྐོར་གྱི་རྣམ་བཤད་བཏུས་བསྒྲིགས》ཀྱི་འཇར་པན་ཡི་གེའི་པར་གཞི་པར་སྐྲུན་འགྲེམ་སྤེལ་བྱས།

ཀྲུང་གུང་ཀྲུང་དབྱང་ཏང་གི་ལོ་རྒྱུས་དང་ཡིག་ཚགས་ཞིབ་འཇུག་ཁང་གིས་ཡིག་སྒྱུར་བྱས་པའི《ཞི་ཅིན་ཕིང་གི་ཀྲུང་གོའི་ལུགས་ཀྱི་དེང་རབས་ཅན་སྐོར་གྱི་རྣམ་བཤད་བཏུས་བསྒྲིགས》ཀྱི་འཇར་པན་ཡི་གེའི་པར་གཞི་དེ་ཉེ་ལམ་ཀྲུང་དབྱང་རྩོམ་སྒྱུར་དཔེ་སྐྲུན་ཁང་གིས་པར་སྐྲུན་བྱས་ནས་རྒྱལ་ཁབ་ཕྱི་ནང་དུ་འགྲེམས་སྤེལ་བྱས།

《ཞི་ཅིན་ཕིང་གི་ཀྲུང་གོའི་ལུགས་ཀྱི་དེང་རབས་ཅན་སྐོར་གྱི་རྣམ་བཤད་བཏུས་བསྒྲིགས》ནི་ཀྲུང་གུང་ཀྲུང་དབྱང་ཏང་གི་ལོ་རྒྱུས་དང་ཡིག་ཚགས་ཞིབ་འཇུག་ཁང་གིས་རྩོམ་སྒྲིག་བྱས་པ་ཞིག་ཡིན་ལ། བློ་མཐུན་ཞི་ཅིན་ཕིང་གིས་ཀྲུང་གོའི་ལུགས་ཀྱི་དེང་རབས་ཅན་ལ་དམིགས་ནས་སྤེལ་བའི་རྣམ་བཤད་གལ་ཆེན་རབ་དང་རིམ་པ་གཅིག་ཏུ་བསྡུས་ཡོད།     དེབ་དེའི་འཇར་པན་གྱི་ཡི་གེའི་པར་གཞི་དང་དེའི་སྔོན་པར་སྐྲུན་བྱས་པའི་དབྱིན་ཡིག་དང་།    ཧྥ་རན་སིའི་ཡི་གེ།    ཨུ་རུ་སིའི་ཡི་གེ།    ཨ་རབ་ཀྱི་ཡི་གེ་བཅས་ཀྱི་པར་གཞིས་ཕྱི་རྒྱལ་གྱི་ཀློག་པ་པོ་རྣམས་ཀྱིས་ཀྲུང་གོའི་ལུགས་ཀྱི་དེང་རབས་ཅན་གྱི་གཞུང་ལུགས་མ་ལག་དང་ལག་ལེན་གྱི་བླང་བྱ་ལ་རྒྱུས་ལོན་གཏིང་ཟབ་བྱེད་པ་དང་།    ཀྲུང་གོ་གུང་ཁྲན་ཏང་གིས་ཀྲུང་གོ་མི་དམངས་ལ་མཐུན་སྒྲིལ་དང་སྣེ་ཁྲིད་བྱས་ནས་རྒྱལ་ཁའི་ངང་བསྐྱོད་པའི་ཀྲུང་གོའི་ལུགས་ཀྱི་དེང་རབས་ཅན་གྱི་བགྲོད་ལམ་གསར་པ་དང་།    གསར་དུ་བསྐྲུན་པའི་མིའི་རིགས་ཀྱི་དཔལ་ཡོན་གྱི་རྣམ་པ་གསར་པ།    མངོན་པར་བསྟན་པའི་དེང་རབས་ཅན་གྱི་མདུན་ལྗོངས་གསར་པ་བཅས་ལ་རྒྱུས་ལོན་གཏིང་ཟབ་བྱས་ཏེ།    རྒྱལ་སྤྱིའི་སྤྱི་ཚོགས་ཀྱིས་ལག་གདང་སྦྲེལ་ཏེ་དེང་རབས་ཅན་གྱི་བགྲོད་ལམ་སྟེང་བསྐྱོད་ནས་ཞི་བདེའི་འཕེལ་རྒྱས་དང་།    གཉིས་ཕན་མཉམ་ལས།    ཐུན་མོང་དར་རྒྱས་བཅས་ཀྱི་འཛམ་གླིང་དེང་རབས་ཅན་མངོན་འགྱུར་བྱེད་པའི་ཐུན་མོང་ངོས་འཛིན་ཆེ་རུ་གཏོང་བར་དོན་སྙིང་གལ་ཆེན་ལྡན།