དམངས་སྲིད་པུའུ་ཡིས་ཉེ་ལམ་བརྡ་ཐོ་པར་འགྲེམས་བྱས་ནས་ས་གནས་སོ་སོས2025ལོའི་ལུགས་གསར་དང་ལུགས་རྙིང་ལོ་སར་སྐབས་སུ་དཀའ་ངལ་ཡོད་པའི་མང་ཚོགས་ལ་འགན་སྲུང་བྱེད་པའི་བྱ་བ་ཡག་པོར་བསྒྲུབ་རྒྱུར་བཀོད་སྒྲིག་བྱས། བརྡ་ཐོའི་ནང་ཆ་རྐྱེན་ཡོད་པའི་ས་གནས་ཀྱིས་ལུགས་གསར་དང་ལུགས་རྙིང་ལོ་སར་ལོ་གསར་སྔ་ནུབ་ཏུ་རོགས་སྐྱོབ་དངུལ་སྔོན་ལ་སྟེར་བའམ་ཡང་ན་ཐེངས་གཅིག་གི་འཚོ་བའི་ཁ་གསབ་སྟེར་རྒྱུར་སྐུལ་ལྕག་བྱས་པ་དང་། ས་གནས་ཀྱི་འཕེལ་རྒྱས་བཅོས་སྒྱུར་སྡེ་ཁག་དང་མཉམ་དུ་དུས་ཐོག་ཏུ་གཏན་འབེབས་ལྟར་སྤྱི་ཚོགས་རོགས་སྐྱོབ་དང་འགན་སྲུང་ཚད་གཞི། དངོས་ཟོག་གི་རིན་གོང་འཕར་བ་ཟུང་འབྲེལ་མཉམ་འགུལ་ལམ་སྲོལ་ལག་བསྟར་བྱས་ཏེ་གནས་སྐབས་ཀྱི་རིན་གོང་ཁ་གསབ་སྟེར་བ་དང་། དངོས་ཟོག་གི་རིན་གོང་འཕར་བ་དེས་དཀའ་ངལ་ཡོད་པའི་མང་ཚོགས་ཀྱི་གཞི་རྩའི་འཚོ་བར་ཐེབས་པའི་ཤུགས་རྐྱེན་ཇེ་ཆུང་དུ་གཏོང་གང་ཐུབ་བྱ་རྒྱུའི་བླང་བྱ་བཏོན།
བརྡ་ཐོའི་ནང་ད་དུང་ས་གནས་སོ་སོས་ཆེས་དམའ་བའི་འཚོ་བའི་འགན་སྲུང་བྱ་ཡུལ་དང་དམིགས་བསལ་དབུལ་ཕོངས་མི་སྣ་ངོས་འཛིན་བྱེད་པའི་བྱ་བ་ལེགས་པོར་བསྒྲུབ་པའི་རྨང་གཞིའི་སྟེང་། ཆེས་དམའ་བའི་འཚོ་བའི་འགན་སྲུང་ཚད་མཐའི་ཁྱིམ་ཚང་དང་འགྲོ་སོང་ཐད་དཀའ་ངལ་ཡོད་པའི་ཁྱིམ་ཚང་ངོས་འཛིན་བྱེད་པའི་བྱ་བ་ཕྱོགས་ཡོངས་ནས་སྤེལ་ཏེ། ངོས་འཛིན་ཆ་རྐྱེན་སྔར་ལས་ཞིབ་ཕྲ་བཟོས་ནས་རོགས་སྐྱོར་གྱི་ཆ་རྐྱེན་དང་གནས་སྐབས་མི་མཐུན་པའི་ཆེས་དམའ་བའི་འཚོ་བའི་འགན་སྲུང་ཚད་མཐའི་ཁྱིམ་ཚང་དང་འགྲོ་སོང་དཀའ་ངལ་ཡོད་པའི་ཁྱིམ་ཚང་འགུལ་རྣམ་ལྟ་ཞིབ་ཚད་ལེན་ཁྱབ་ཁོངས་སུ་བཅུག་ནས། རོགས་སྐྱོར་གྱི་ཆ་རྐྱེན་དང་མཐུན་པའི་ཁྱིམ་ཚང་ལ་དུས་ཐོག་ཏུ་དེ་མཚུངས་ཀྱི་རོགས་སྐྱོར་བྱ་དགོས་པའི་བླང་བྱ་བཏོན་ཡོད།
བརྡ་ཐོའི་ནང་ཆེས་དམའ་བའི་འཚོ་བའི་འགན་སྲུང་དང་། དམིགས་བསལ་དབུལ་ཕོངས་མི་སྣར་རོགས་སྐྱོབ་དང་འཚོ་སྐྱོང་སོགས་གཞི་ཁྱོན་འགན་སྲུང་གི་སྲིད་ཇུས་ཚད་ལྡན་དོན་འཁྱོལ་བྱས་ནས་ཡོངས་བསྒྲགས་དང་། དྲང་བདེན། དྲང་གཞག་བཅས་ཡོང་བ་བྱེད་དགོས། “བདག་སྤྲོད་གཅིག་དང་མཐུན་སྦྱོར་སྒོས་སྒྲུབ་པའི”བྱ་བའི་རྐྱེན་སྲོལ་སྔར་ལས་འཐུས་ཚང་དུ་གཏོང་བ་དང་། ཐོག་མར་འདྲི་རྩད་འགན་འཁུར་རྒྱུ་དང་ཐེངས་གཅིག་རང་བཞིན་གྱི་གསལ་བཤད་སོགས་ཀྱི་ལམ་ལུགས་འཐུས་ཚང་དུ་གཏོང་བ། བརྒྱུད་སྤྲོད་དང་བརྒྱུད་སྤྲོད་ཞབས་ཞུའི་བརྒྱུད་རིམ་དང་དུས་ཚད་གསལ་བོ་བྱེད་པ། སྤྱི་ཚོགས་རོགས་སྐྱོབ་ལས་སྒྲུབ་མི་སྣས་ཁྲིམས་དང་སྒྲིག་སྲོལ་ལྟར་སྒྲུབ་པ་དང་དཀའ་ངལ་ཡོད་པའི་མང་ཚོགས་ལ་ཡིད་རྟོན་སྙན་ཞུའི“ཁས་ལེན་གཉིས”ཀྱི་ལམ་ལུགས་ཁྱབ་གདལ་ཤུགས་ཆེན་བཏང་སྟེ། འགན་འཁྲིར་གཡོལ་བ་དང་ཁ་གཡོར་བ་སོགས་ཀྱི་བྱ་སྤྱོད་སྔོན་འགོག་དང་གཏན་འགོག་མཐའ་གཅིག་ཏུ་བྱ་དགོས་ཞེས་ནན་བཤད་བྱས་ཡོད།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注