བོད་ཀྱིས་ཡུལ་སྐོར་ཐོན་ཁུངས་ལ་ཡོངས་བཤེར་ཐེངས་དང་པོ་བྱས་པ།

བོད་ཀྱིས་ཡུལ་སྐོར་ཐོན་ཁུངས་ལ་ཡོངས་བཤེར་ཐེངས་དང་པོ་བྱས་པ།

གསར་འགོད་པར་བོད་རང་སྐྱོང་ལྗོངས་རིག་གནས་དང་ཡུལ་སྐོར་ཐིང་ནས་ཤེས་རྟོགས་བྱུང་བར། 2024ལོར་བོད་ཀྱིས་ཡུལ་སྐོར་ཐོན་ཁུངས་ལ་ཡོངས་བཤེར་ཐེངས་དང་པོ་བྱས་པ་དང་འབྲེལ་ཕྱོགས་ཡོངས་ནས་སྐུལ་འདེད་བཏང་སྟེ། ཐོན་ཁུངས་ཡོངས་བཤེར་ལག་རྩལ་གསོ་སྦྱོང་དང་། ཐོན་ཁུངས་ཡོངས་བཤེར་གྱི་ས་གནས་ས་ཐོག་གི་མཛུབ་ཁྲིད་། ཐོན་ཁུངས་ཡོངས་བཤེར་ལས་དོན་གྱི་བརྟག་ཞིབ། དེ་བཞིན་བོད་རང་སྐྱོང་ལྗོངས་རིམ་པས་གྲོང་ཁྱེར་དང་ས་ཁུལ་རིམ་པའི་ཡུལ་སྐོར་ཐོན་ཁུངས་ལ་ཡོངས་བཤེར་བྱས་པའི་གྲུབ་འབྲས་ཞིབ་བཤེར་རྩིས་ལེན་སོགས་ཀྱི་ལས་དོན་གཙོ་གནད་ཐོག་སྤེལ་བ་དང་། མིག་སྔའི་བར། ཡུལ་སྐོར་ཐོན་ཁུངས་ས་ཚུགས་ཁྲི་5ལྷག་ཙམ་ལ་ཡོངས་བཤེར་བྱས་ཡོད།

ཤེས་རྟོགས་བྱུང་བར་གཞིཌ་ན། 2024ལོར་བོད་ཀྱི“ཡོད་པ་བཞིའི”(རྨང་གཞི་དང་། ཁྱད་ཆོས། གཉེར་སྐྱོང་། རྣམ་གྲངས་ཀྱི་འདེགས་སྐྱོར་བཅས་ཡོད་པ)ཡུལ་སྐོར་གྱི་ཁྱད་ཆོས་ལྡན་པའི་གྲོང་གསེབ་16བདམས་ནས་སྒྱུར་བཀོད་རིམ་སྤོར་བྱས་ཡོད། ལམ་ཐིག་ལྔ་2024ལོའི“གྲོང་གསེབ་ཀྱི་དུས་བཞིའི་མཛེས་ལྗོངས་ཡག་པའི”རྒྱལ་ཡོངས་གྲོང་གསེབ་ཡུལ་སྐོར་གྱི་ལམ་ཐིག་རྩེ་གྲར་བདམས་པ་དང་། མེ་ཏོག་གི་རང་བྱུང་ས་ཚུགས་དང་ཀྲུང་གོའི་སྦྲག་སྲིད་ཀྱིས་མཉམ་དུ་འོས་སྦྱོར་བྱས་པའི་མཁའ་དབྱིངས་བོད་ལྗོངས་གཙོ་དོན་གྱི་སྦྲག་ཁང་སྟེ་ཇོ་མ་གླང་མའི་ལས་གཉེར་ཁང་རྒྱལ་ཡོངས་ཀྱི་འགྲིམ་འགྲུལ་སྐྱེལ་འདྲེན་དང་ཡུལ་སྐོར་མཉམ་འདྲེས་འཕེལ་རྒྱས་ཀྱི་དཔེ་མཚོན་ཁག་གཉིས་པར་བདེ་བླག་ངང་རེ་ཞུ་ཐུབ་ཡོད། “ཡུན་བོད་མཁའ་ལམ།འཛམ་གླིང་ཡང་རྩེའི་ཡུལ་སྲོལ་འཁོར་གཏོང་ལམ(ཉིན་15ཡི་ཡུལ་སྐོར)”ལམ་ཐིག་2024ལོའི་ཡུལ་སྐོར་ཕྱིར་ཐོན་ཚོགས་ཆེན་སྐབས་དྲུག་པའི་ཐོག་ཁྱབ་བསྒྲགས་བྱས་ཡོད།