​གྲོང་མིའི་སྨན་བཅོས་འགན་བཅོལ་ཐེབས་རྩའི་གཏོང་ཡོང་བརྟན་རླིང་ངང་ཇེ་ལེགས་སུ་ཕྱིན་པ།

གྲོང་མིའི་སྨན་བཅོས་འགན་བཅོལ་ཐེབས་རྩའི་གཏོང་ཡོང་བརྟན་རླིང་ངང་ཇེ་ལེགས་སུ་ཕྱིན་པ།

གསར་འགོད་པས་ཉེ་ཆར་པེ་ཅིན་དུ་འཚོགས་པའི་རྒྱལ་ཡོངས་ཀྱི་སྨན་བཅོས་འགན་ལེན་ལས་དོན་ཚོགས་འདུའི་ཐོག་ནས་ཤེས་གསལ་ལྟར་ན།　ད་ལོའི་ཟླ1པོ་ནསཟླ11པའི་བར་རང་རྒྱལ་གྱི་གཞི་རྩའི་སྨན་བཅོས་འགན་བཅོལ་ཐེབས་རྩའི（བུ་བཙའི་འགན་བཅོལ་ཚུད་པ）ཡོང་འབབ་བསྡོམས་འབོར་སྒོར་དུང་ཕྱུར་ཁྲི3.11ཟིན་པ་དང་། རིམ་རྩིས་བྱས་ན་ལྷག་གྲངས་སྒོར་དུང་ཕྱུར་ཁྲི3.86ཟིན་པ་དང་། ཁྱད་པར་དུ་གྲོང་མིའི་སྨན་བཅོས་འགན་བཅོལ་ཐེབས་རྩའི་གཏོང་ཡོང་བརྟན་ཐོག་ལེགས་འཕེལ་བྱུང་ནས། དམངས་འཚོའི་མ་མཐའི་མཚམས་ཐིག་ནུས་ལྡན་ངང་སྲུང་སྐྱོབ་ཐུབ་ཡོད།　མི་དམངས་མང་ཚོགས་ཀྱི་རེ་སྒུག་གསར་པ་དང་བསྟུན་ནས2025ལོའི་ལོ་མཇུག་ཏུ་རྒྱལ་ཡོངས་ཀྱི་ལས་བཟོའི་སྨན་བཅོས་འགན་བཅོལ་གྱི་རྩིས་ཁྲའི་མ་དངུལ་ཞིང་ཆེན་བརྒལ་ནས་མཉམ་དུ་སྤྱོད་རྒྱུ་གཞི་རྩའི་ཆ་ནས་མངོན་འགྱུར་ཐུབ་རྒྱུ་རེད།

རྒྱལ་ཁབ་སྨན་བཅོས་འགན་བཅོལ་ཅུའུ་ཡི་ཅུའུ་ཀྲང་ཀྲང་ཁེ་ཡིས་བསྟན་དོན། རྒྱལ་ཁབ་སྨན་བཅོས་འགན་བཅོལ་ཅུའུ་ཡིས་སྨན་བཅོས་འགན་བཅོལ་ཐེབས་རྩའི་འཁོར་སྐྱོད་དོ་དམ་ལ་ཤུགས་སྣོན་རྒྱག་རྒྱུ་དེ་ལོ་གསར་པའི་ལས་དོན་གཙོ་བོའི་ཨང་དང་པོར་བཞག་ཡོད།　རིམ་པ་སོ་སོའི་སྨན་བཅོས་འགན་བཅོལ་སྡེ་ཚན་གྱིས་མང་ཚོགས་ཀྱི་བདེ་ཐང་གི་དགོས་མཁོ་དང་སྨན་བཅོས་འགན་བཅོལ་ཐེབས་རྩའི་གཏོང་ཡོང་གི་གཞི་ཁྱོན་སོགས་དོན་དངོས་གནས་ཚུལ་ལ་གཞིགས་ནས། གནས་ངེས་སྨན་བཅོས་སྒྲིག་གཞིའི་གཞི་ཁྱོན་ལུགས་མཐུན་ངང་གཏན་འཁེལ་བྱེད་པ་དང་།　སྨན་བཅོས་འགན་བཅོལ་གྱི་གནས་ངེས་སྨན་བཅོས་སྒྲིག་གཞིའི་ཆོག་འཐུས་དང་ཕྱིར་འཐེན་ལམ་སྲོལ་འཐུས་ཚང་དུ་གཏོང་བ།　“གཏན་ཕབ་གཉིས”ཀྱི་སྒྲིག་གཞིའི་གྲོས་མཐུན་དོ་དམ་འཐུས་ཚང་དུ་གཏོང་བ་བཅས་བྱས་ནས། ཆ་རྐྱེན་མ་འཛོམས་པའི་སྨན་དང་སྨན་བཅོས་སྒྲིག་གཞི་གནས་གཏན་འཁེལ་གྱི་དོ་དམ་ཁྱབ་ཁོངས་སུ་གཏན་ནས་འཇུག་མི་ཆོག་པ་དང་སྨན་བཅོས་འགན་བཅོལ་གྱི་གཏོང་སྤྲོད་ནུས་པ་ལས་བརྒལ་ནས་གནས་ངེས་སྨན་བཅོས་སྒྲིག་གཞིའི་གཞི་ཁྱོན་གང་འདོད་ངང་རྒྱ་ཆེར་གཏོང་བར་རྒྱབ་སྐྱོར་གཏན་ནས་བྱེད་མི་རུང་།　ཐེབས་རྩའི་སྔོན་རྩིས་དོ་དམ་ལ་ཤུགས་སྣོན་བརྒྱབ་སྟེ་ཡོང་སྒོ་ལྟར་གཏོང་སྒོ་གཏན་འཁེལ་དང་།　གཏོང་ཡོང་དོ་མཉམ།　ལྷག་དངུལ་ཉུང་ཙམ་ཡོད་པ་བཅས་མཐའ་གཅིག་ཏུ་བྱེད་པ་དང་།　གཅིག་གྱུར་འཆར་འགོད་ས་ཁུལ་ཁག་གིས་ཐེབས་རྩའི་མཚལ་ཡིག་གི་སྔོན་རྩིས་བྱེད་པར་ངོ་རྒོལ་གསལ་པོ་བྱེད་དགོས་ལ།　གྲོང་མིའི་སྨན་བཅོས་འགན་བཅོལ་མང་དྲགས་པའི་སྐབས་དེའི་ལྷག་དངུལ་བརྩོན་ལེན་ཡང་བྱེད་མི་རུང་།

ལོ་གསར་པའི་ནང་སྨན་བཅོས་འགན་བཅོལ་གྱི་བྱ་བ་གལ་ཆེན་སྐོར་སྙན་སེང་ཞུ་བའི་ལམ་ལུགས་བཙུགས་ནས། ཐེབས་རྩའི་གཏོང་ཡོང་ལ་ཤུགས་རྐྱེན་ཐེབས་པའི་སྲིད་ཇུས་ལེགས་སྒྲིག་གི་གོ་རིམ་ཚད་ལྡན་ནན་པོ་བཟོ་བ་དང་། ལུགས་མཐུན་མིན་པའི་གཏོང་སྒོ་དང་གཏོང་སྒོའི་རྣམ་གྲངས་གསར་པ་ཚོད་འཛིན་ནན་པོ་བྱས་ཏེ། སྲིད་ཇུས་ལེགས་སྒྲིག་གིས་ཐེབས་རྩ་བརྟན་རླིང་ངང་འཁོར་སྐྱོད་བྱེད་པར་ཤུགས་རྐྱེན་མི་ཐེབས་པར་འགན་ལེན་བྱ་རྒྱུ་ཡིན་པ་རེད།