ཞིང་ཆེན་ཡོངས་ཀྱིས་བོད་ལུག་ཐོན་ལས་འཕེལ་རྒྱས་ཀྱི་བཞུགས་མོལ་ཚོགས་འདུ་བསྡུས།
ཟླ12པའི་ཚེས13ཉིན། ཞིང་ཆེན་ཡོངས་ཀྱི་བོད་ལུག་ཐོན་ལས་འཕེལ་རྒྱས་ཀྱི་བཞུགས་མོལ་ཚོགས་འདུ་མཚོ་བྱང་བོད་རིགས་རང་སྐྱོང་ཁུལ་རྐང་ཚ་རྫོང་དུ་བསྡུས། ཞིང་ཆེན་ཏང་ཨུའི་རྒྱུན་ཨུ། ཧྲིན་ཀྲང་གཞོན་པ་ཚེ་རིང་ཐར་གྱིས་ཚོགས་འདུར་འགོ་འཛིན་བྱས་པར་མ་ཟད་གཏམ་བཤད་པ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་བྱ་བར་བཏོན་པའི་བླང་བྱ་གལ་ཆེན་ལག་བསྟར་དོན་འཁྱོལ་ཟབ་མོ་བྱེད་ཅིང་། ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་ཁུལ་བསྐྲུན་པའི་འཐབ་ཇུས་ཀྱི་དམིགས་འབེན་ལ་དམ་པོར་དམིགས་པ་དང་། ཚན་རིག་དང་མཐུན་པའི་སྒོ་ནས་བཀོད་སྒྲིག་དང་ནན་ཏན་གྱིས་འཆར་འགོད་བྱེད་པ། སྟོབས་ཤུགས་གཅིག་སྡུད་ཀྱིས་འགག་སྒྲོལ་བྱེད་པ། གྲངས་ཚད་ཇེ་མང་དང་སྤུས་ཚད་མཐོར་འདེགས་བཏང་སྟེ། ཞིང་ཆེན་ཡོངས་ཀྱི་བོད་ལུག་ཐོན་ལས་ཀྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་དགོས་པ་ནན་གྱིས་བསྟན།
ཚོགས་འདུ་ལས་བསྟན་དོན། ཉེ་བའི་ལོ་འདི་འགར་ཞིང་ཆེན་ཡོངས་ཀྱི་ས་ཁུལ་སོ་སོས་བོད་ལུག་ཐོན་ལས་འཕེལ་རྒྱས་ཐད་ནས་ཁུལ་ཁོངས་རང་བཞིན་གྱི་ཁྱད་ཆོས་ལྡན་པའི་འཕེལ་རྒྱས་ཀྱི་བགྲོད་ལམ་བཏོད་མོད། འོན་ཀྱང་ཐོན་སྐྱེད་རྣམ་པའི་འཕོ་འགྱུར་དང་ཁྲོམ་རའི་རིན་གོང་བརྡབ་གསིག་སོགས་ཀྱི་ཤུགས་རྐྱེན་ཐེབས་པར་བརྟེན། བོད་ལུག་གསོ་ཁ་ནས་འབུད་ཚད་མངོན་གསལ་གྱིས་མར་ཆག་པ་དང། གསོ་སྤེལ་ཁུལ་ཁོངས་ཇེ་ཆུང་དང་གྲངས་ཚད་ཇེ་ཉུང་། སྣ་ཁ་ཇེ་ཉུང་སོགས་ཀྱི་གནད་དོན་ཅུང་མངོན་གསལ་ཡིན་པས། ས་ཁུལ་སོ་སོ་དང་འབྲེལ་ཡོད་སྡེ་ཁག་སོ་སོས་ལངས་གནས་མཐོར་འདེགས་གཏོང་བ་དང་། བསམ་ཕྱོགས་ཇེ་གསལ་དུ་གཏོང་བ། བྱེད་ཐབས་དངོས་འབེབས་བཅས་བྱས་ཏེ། བོད་ལུག་ཐོན་ལས་ཀྱི་འཕེལ་རྒྱས་སྒྲིག་གཞི་ལེགས་སྒྱུར་དང་ཐོན་ལས་མ་ལག་འཐུས་ཚང་། འཕེལ་རྒྱས་སྤུས་ཚད་དང་ཁེ་ཕན་མཐོར་འདེགས་བཏང་ནས། ཕྱུགས་ལས་ཚུར་སྒྱུར་རིམ་སྤོར་བྱེད་པར་རྒྱུན་མཐུད་སྒོས་སྐུལ་འདེད་གཏོང་བ་དང་། ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་ཁུལ་བསྐྲུན་པར་འདེགས་སྐྱོར་ནུས་ལྡན་འདོན་སྤྲོད་བྱེད་དགོས།
ཚོགས་འདུ་ལས་ནན་གྱིས་བསྟན་དོན། ལོ་གཅིག་ལ་རྨང་གཞི་འདིང་བ་དང་། ལོ་གཉིས་པར་མཐོར་འདེགས་གཏོང་བ། ལོ་གསུམ་པར་ཕན་འབྲས་ཐོབ་ཐུབ་པ་བཅས་ཀྱི་དམིགས་འབེན་བླང་བྱ་ལྟར། རྩེ་རིམ་ཇུས་འགོད་ལ་ཤུགས་སྣོན་བྱེད་ཅིང་། སྲིད་ཇུས་ཀྱི་སྡེབ་སྒྲིག་འཐུས་ཚང་དུ་གཏོངབ་དང་། བྱ་བའི་བྱེད་ཐབས་ཞིབ་ཕྲ་བཟོས་ཏེ། ནུས་ཤུགས་ཡོད་རྒུས་འཕེལ་རྒྱས་ལ་སྐུལ་འདེད་གཏོང་དགོས། བློ་བརྟན་འགྱུར་མེད་སྒོས་སྐྱེ་ཁམས་ཕྱུགས་ལས་འཕེལ་རྒྱས་ཀྱི་ལམ་དུ་བསྐྱོད་པ་དང་། སྐྱེ་ཁམས་བདེ་འཇགས་ལ་འགན་སྲུང་བྱེད་པའི་སྔོན་འགྲོའི་འོག་བོད་ལུག་གསོ་སྤེལ་ཐོན་ལས་འཕེལ་རྒྱས་གཏོང་དགོས། ད་ཡོད་ཀྱི་གཟན་རྩྭ་དང་གཟན་ཆས་ཀྱི་ཐོན་ཁུངས་བེད་སྤྱོད་གང་ལེགས་བྱེད་པ་དང་། གསོ་སྤེལ་ཁུལ་ཁོངས་འཆར་འགོད་ལེགས་པོ་བྱས་ནས། མཚོ་སྐོར་ས་ཁུལ་གྱི་བོད་ལུག་ཐོན་ཚད་བརྟན་པོ་ཡོང་བར་བྱེད་པ་དང་། མཚོ་སྔོན་ལྷོ་རྒྱུད་ས་ཁུལ་གྱི་སྣ་ཁ་དང་རྒྱུད་རྒྱུར་སྲུང་སྐྱོབ་ལེགས་པོ་བྱེད་པ། རིགས་རྒྱུད་སྲུང་སྐྱོབ་དང་སྤུས་ཀ་མཐོར་འདེགས། ཚོང་རྟགས་བསྐྲུན་པའི་འདུ་ཤེས་བཅས་བརྟན་པོར་འཛུགས་པ་དང་། མ་དངུལ་དང་ལག་རྩལ་གྱི་འགན་སྲུང་ཤུགས་ཚད་ཇེ་ཆེར་བཏང་སྟེ། བོད་ལུག་ཐོན་ལས་ཀྱི་ཡུན་རིང་འཕེལ་རྒྱས་ལ་སྐུལ་འདེད་གཏོང་དགོས།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注