མཚོ་ཤར་གྲོང་ཁྱེར་གྱི་སྐྱེ་ཁམས་ཁོར་ཡུག་གི་སྤུས་ཚད་རྒྱུན་མཐུད་སྒོས་ཇེ་ལེགས་སུ་ཕྱིན།

ད་ལོའི་ཟླ11པའི་ཟླ་མཇུག་བར། མཚོ་ཤར་གྲོང་ཁྱེར་གྱི་ཁོར་ཡུག་དང་མཁའ་དབུགས་ཀྱི་སྤུས་ཚད་ལེགས་ཚད་བརྒྱ་ཆའི་གོ་གཉིས་ལྷག་ཟིན་པ་དང་། དེ་ཞིང་ཆེན་གྱིས་གཏན་འཁེལ་བྱས་པའི་དཔྱད་ཞིབ་དམིགས་འབེན་དང་བསྡུར་ན་བརྒྱ་ཆའི་གྲངས་ཐིག0.4ཡིས་མཐོ། ཉེ་བའི་ལོ་འགའི་རིང་། མཚོ་ཤར་གྲོང་ཁྱེར་གྱིས་སྐྱེ་ཁམས་དཔལ་ཡོན་འཛུགས་སྐྲུན་དང་སྐྱེ་ཁམས་ཁོར་ཡུག་སྲུང་སྐྱོབ་བྱ་བར་སྐུལ་འདེད་ཏན་ཏིག་བཏང་བ་བརྒྱུད།    གྲོང་ཁྱེར་ཡོངས་ཀྱི་སྐྱེ་ཁམས་ཁོར་ཡུག་གི་སྤུས་ཚད་མུ་མཐུད་ཇེ་ལེགས་སུ་ཕྱིན་ཡོད།

མཚོ་ཤར་གྲོང་ཁྱེར་གྱིས་སྐྱེ་ཁམས་དཔལ་ཡོན་གྱི་མཐོ་ས་ནུས་ཤུགས་ཡོད་རྒུས་བཏོད་དེ“དགུང་སྔོན་དང་དྭངས་ཤིང་གཙང་བའི་ཆུ།    ས་གཙང”བཅས་ཀྱི་སྲུང་སྐྱོབ་ཡག་པོར་སྒྲུབ་རྒྱུར་འབད་བཞིན་ཡོད་ལ།  “ཐལ་རྡུལ་འགོག་པ་དང་།    རྡོ་སོལ་ཇེ་ཉུང་དུ་གཏོང་བ།    རླངས་འཁོར་ཚོད་འཛིན།    ཁེ་ལས་བཅོས་སྒྲིག”བཅས་ཀྱི་བྱ་ཐབས་དོན་འཁྱོལ་བྱེད་པ་དང་།    ལྕགས་རིགས་བསྲེས་མ་དང་ཨར་འདམ་ལས་རིགས་བཅོས་སྒྲིག་གཏིང་ཟབ་བྱེད་པ།    འབུད་ཚད་ཉུང་དྲགས་པའི་སྒྱུར་བཀོད་བཅས་ལ་མགྱོགས་མྱུར་སྒོས་སྐུལ་འདེད་གཏོང་བ།    རླུང་ཁམས་ཆེན་མོའི་ཁོར་ཡུག་དྲ་མིག་ཅན་གྱི་ལྟ་སྐུལ་དོ་དམ་ལམ་སྲོལ་འཐུས་ཚང་དུ་གཏོང་བ།    རླུང་ཁམས་ཆེན་མོའི་སྦགས་བཙོག་འགོག་བཅོས་ནུས་ལྡན་བྱེད་པ།    གཙོ་གནད་ལས་ཡུལ་གྱི་རིག་ནུས་ལྟ་སྐུལ་དོ་དམ་དང་ཁྲའེ་སྣུམ་དང་ཟོག་འདྲེན་རླངས་འཁོར་འབུད་གཏོང་དོ་དམ་ཚོད་འཛིན་བྱེད་ཤུགས་ཆེ་རུ་གཏོང་བ།    རྡོ་སོལ་སོལ་རླངས་སུ་སྒྱུར་བ་དང་གློག་སྒྱུར་བྱ་བར་ཤུགས་སྣོན་པ།    ནུས་ཁུངས་གཙང་མའི་ཚབ་བྱེད་བཟོ་སྐྲུན་ལ་སྐུལ་འདེད་ཤུགས་ཆེན་གཏོང་བ་བཅས་བྱས་ནས། རླུང་ཁམས་ཆེན་མོའི་ཁོར་ཡུག་གི་སྤུས་ཚད་སྤྱི་ཡོངས་ནས་ལེགས་པོ་ཡོང་བའི་ཁག་ཐེག་བྱས།

རྩ་ལག་མཉམ་བཅོས་རྒྱུན་འཁྱོངས་བྱས་ཏེ།“ཆུའི་ཐོན་ཁུངས་དང་།    ཆུའི་སྐྱེ་ཁམས།    ཆུའི་ཁོར་ཡུག ཆུའི་གནོད་འཚེ”བཅས་ཆུ་བཞི་མཉམ་དུ་བཅོས་སྐྱོང་དང་ཆུ་བོའི་རྒྱུག་ཁུལ་ཆེན་པོ་གསུམ་གྱི་ཕྱོགས་བསྡུས་བཅོས་སྒྲིག་ལ་སྐུལ་འདེད་གཏིང་ཟབ་བཏང་བས། ཆུ་བཞུར་ས་བཅོས་སྒྲིག་བྱེད་ཚད་བརྒྱ་ཆའི་གོ་གསུམ་ལྷག་ཟིན་པ་དང་།   ཧུར་ཐག་གིས་ཞིང་སྡེའི་འཚོ་བའི་བཙོག་ཆུ་བཅོས་སྒྲིག་ལ་སྐུལ་འདེད་བཏང་བས། བཅོས་སྒྲིག་དོ་དམ་ཚོད་འཛིན་བྱེད་ཚད་བརྒྱ་ཆའི་ང་གཉིས་ལྷག་ཟིན་ནས། ཆུའི་ཁོར་ཡུག་གི་དཔྱད་ཞིབ་དམིགས་འབེན་ཚད་ལ་སླེབས་ཚད་ལོ་ལྔའི་རིང་བསྟུད་མར་བརྒྱ་ཆའི་བརྒྱ་ཟིན་ཡོད།

མཐོ་ས་ནས་རེས་སྐོར་གསུམ་པའི་ཀྲུང་དབྱང་གི་སྐྱེ་ཁམས་ཁོར་ཡུག་སྲུང་སྐྱོབ་ལྟ་ཞིབ་དག་ཐེར་ལས་འགན་ལ་སྐུལ་འདེད་གཏོང་རྒྱུ་རྒྱུན་འཁྱོངས་བྱས་ནས། ལྟ་ཞིབ་བྱེད་སྐབས་བདག་སྤྲོད་བྱས་པའི་མང་ཚོགས་ཀྱི་འཕྲིན་བཅར་ཡི་གེ226ཐག་གཅོད་བྱས།     ཞོན་ཧྭ་ཟ་ལར་རིགས་རང་སྐྱོང་རྫོང་གི་བཙོག་ཆུ་གཙང་སེལ་བཟོ་གྲྭ་དང་།   མཁར་བྱང་ཡུག་ཁུལ་གྱི་བཙོག་ཆུ་གཙང་སེལ་བཟོ་གྲྭ མཚེའུ་མགུར་ཁུལ་གསར་གྱི་བཙོག་ཆུ་གཙང་སེལ་བཟོ་གྲྭ་བཅས་ཚང་མ་བསྐྲུན་ནས་སྤྱོད་འགོ་ཚུགས་པ་དང་། ཆར་པ་དང་བཙོག་ཆུ་མཉམ་བསྲེས་དང་མཐུན་སྦྱོར་གྱི་གནད་དོན་ཐད་ལོ་འཁོར་གྱི་དག་ཐེར་ལས་འགན་གྱི་བརྒྱ་ཆའི་བརྒྱ་དང་སོ་གསུམ་ལྷག་ལེགས་གྲུབ་ཟིན་ནས་ལོ་འཁོར་གྱི་དག་ཐེར་ལས་འགན་ཚད་བརྒལ་ངང་ཡོངས་འགྲུབ་བྱས་ཡོད།    དཔེ་མཚོན་གྱོད་དཔེ་འབྲིང་ཆུང་གི་ཆུ་གློག་ས་ཚིགས་གཙང་སེལ་དང་དག་ཐེར་ཚད་ལྡན་བཅོས་སྒྲིག་དང་། ཞོན་ཧྭ་རྫོང་གི་གད་སྙིགས་སྦས་ས་གཉིས་པའི་སིམ་ཁུ་གཙང་སེལ་སྒྲིག་ཆས་བསྐྲུན་ནས་སྤྱོད་འགོ་ཚུགས་པས། ཁོར་ཡུག་སྲུང་སྐྱོབ་ཀྱི་ལྟ་ཞིབ་དག་ཐེར་བྱ་བར་ཕན་འབྲས་མངོན་གསལ་བླངས་ཡོད།