ས་གནས་ཁག་དང་མཐོ་སློབ་ཁག་གིས2025ལོའི་མཐོ་སློབ་སློབ་ཐོན་སློབ་མར་ཕྱོགས་ནས་བསྡོམས་པས་གདན་ཞུའི་བྱེད་སྒོ་ཆེ་གྲས་ཐེངས་ཁྲི9.2སྤེལ་བ།

གསར་འགོད་པས་ཟླ12པའི་ཚེས2ཉིན་སློབ་གསོ་པུའུ་ནས་ཤེས་གསལ་ལྟར་ན། སྟོན་དུས་ཀྱི་སློབ་མགོ་འཚོགས་ཚུན། ས་གནས་ཁག་དང་མཐོ་སློབ་ཁག་གིས་སློབ་གྲྭའི་གདན་ཞུའི་ཐབས་ལམ་གཙོ་བོའི་ནུས་པ་འདོན་སྤེལ་གང་ལེགས་བྱས་ཏེ། ལས་ཞུགས་ལས་གནས་ཐོན་ཁུངས་གསར་འབྱེད་ཤུགས་ཆེན་བྱེད་པ་དང་བྱ་ཐབས་སྣ་མང་སྤྱད་དེ། ལས་ཞུགས་མཛུབ་ཁྲིད་ཞབས་ཞུ་ཇེ་ལེགས་སུ་བཏང་ནས། 2025ལོའི་མཐོ་སློབ་སློབ་ཐོན་སློབ་མའི་ལས་ཞུགས་ལ་ནུས་ཤུགས་ཡོད་རྒུས་སྐུལ་འདེད་བཏང་བ་རེད། མིག་སྔའི་བར་ས་གནས་ཁག་དང་མཐོ་སློབ་ཁག་གིས2025ལོའི་མཐོ་སློབ་སློབ་ཐོན་སློབ་མར་ཕྱོགས་ནས་བསྡོམས་པས་གདན་ཞུའི་བྱེད་སྒོ་ཆེ་གྲས་ཐེངས་ཁྲི9.2སྤེལ་བ་དང་། ལས་ཞུགས་ལས་གནས་ཆ་འཕྲིན་ཁྲི1964.2ལྷག་མཁོ་འདོན་བྱས་ཡོད།

གྲངས་གཞི་ལས་མངོན་པ་ལྟར་ན། རྒྱལ་ཁབ་ཀྱི་སློབ་ཆེན་སློབ་མའི་ལས་ཞུགས་ཞབས་ཞུའི་ལས་སྟེགས“24365སློབ་གྲྭའི་གདན་ཞུའི་ཞབས་ཞུའི”དྲ་ཐོག་གི་གདན་ཞུའི་བྱེད་སྒོ་ཐེངས27རྒྱུན་མཐུད་ངང་སྤེལ་ནས། ཚོགས་ཞུགས་ཀྱི་མི་བཀོལ་ལས་ཁུངས་ཁྲི2.1ཟིན་པ་དང་། ལས་ཞུགས་ལས་གནས་ཀྱི་ཆ་འཕྲིན་ཁྲི91.2མཁོ་འདོན་བྱས་ཡོད།

སློབ་གསོ་པུའུ་ཡིས་བསྟན་དོན། རྗེས་མར་ས་གནས་ཁག་དང་མཐོ་སློབ་ཁག་ལ“སྟོན་དུས་སློབ་གྲྭའི་གདན་ཞུའི་ཟླ་བའི”བྱེད་སྒོ་རབ་དང་རིམ་པ་གཏིང་ཟབ་ངང་སྤེལ་བར་མུ་མཐུད་དུ་མཛུབ་ཁྲིད་བྱ་རྒྱུ་མ་ཟད། རྒྱལ་ཁབ་ཀྱི་སློབ་ཆེན་སློབ་མའི་ལས་ཞུགས་ཞབས་ཞུའི་ལས་སྟེགས་ལ་བརྟེན་ནས། གཙོ་གནད་ས་ཁུལ་དང་གཙོ་གནད་ལས་རིགས། གཙོ་གནད་ཚོགས་སྤྱི་སོགས་ཆེད་དོན་གདན་ཞུའི་བྱེད་སྒོ་རབ་དང་རིམ་པ་སྤེལ་ཏེ། 2025ལོའི་མཐོ་སློབ་སློབ་ཐོན་སློབ་མའི་སྤུས་ཚད་མཐོན་པོའི་སྒོ་ནས་ལས་ཞུགས་གང་ལེགས་ཐུབ་པར་ནུས་ཤུགས་ཡོད་རྒུས་སྐུལ་འདེད་གཏོང་རྒྱུ་ཡིན། །