ཧོ་ལི་ཧྥེང་གིས་ཨ་རིའི་ཀའོ་ཧྲིན་སྡེ་ཚོགས་ཀྱི་དབུ་འཛིན་ཝུན་ཙེ་ཨེན་ལ་ཐུག་འཕྲད་གནང་བ།

ཚེས4ཉིན་ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་ཨུ་ཡོན་ནམ་རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ་ཧོ་ལི་ཧྥེང་གིས་མི་དམངས་ཚོགས་ཁང་ཆེན་མོ་རུ་ཨ་རིའི་ཀའོ་ཧྲིན་སྡེ་ཚོགས་ཀྱི་དབུ་འཛིན་ནམ་དབུ་བཞུགས་གཉེར་སྐྱོང་དཔོན་ཝུན་ཙེ་ཨེན་ལ་ཐུག་འཕྲད་གནང་སྐབས། ཀྲུང་གོས་ཀྲུང་གུང་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་ཕྱོགས་ཡོངས་ནས་ལག་བསྟར་དོན་འཁྱོལ་བྱེད་པ་དང་། བཅོས་སྒྱུར་ཕྱོགས་ཡོངས་ནས་གཏིང་ཟབ་ཏུ་གཏོང་བའི་བྱེད་ཐབས་གལ་ཆེན་ལ་སྐུལ་འདེད་བཏང་ནས། ཆུ་ཚད་མཐོ་བའི་ཕྱི་ཕྱོགས་སྒོ་འབྱེད་རྒྱུན་ཆད་མེད་པར་ཆེ་རུ་གཏོང་བཞིན་ཡོད། ཀའོ་ཧྲིན་སྡེ་ཚོགས་ཚུད་པའི་ཨ་རིའི་དངུལ་གཏོང་དངུལ་རྩའི་སྒྲིག་གཞི་དང་ཡུན་རིང་གི་མ་རྩ་མང་པོ་ཀྲུང་གོར་གཉིས་ཕན་མཉམ་ལས་བྱེད་པར་མུ་མཐུད་གཏིང་ཟབ་ཏུ་བཏང་ནས། ཀྲུང་ཨའི་འབྲེལ་བ་སྐྱོན་བྲལ་ངང་འཕེལ་རྒྱས་འགྲོ་བར་སྐུལ་འདེད་གཏོང་ཆེད་ནུས་པ་ཆེན་པོ་འདོན་པར་དགའ་བསུ་ཞུ་བཞིན་ཡོད་ཅེས་བསྟན།

ཝུན་ཙེ་ཨེན་གྱིས་ཀའོ་ཧྲེང་སྡེ་ཚོགས་ཀྱིས་ཀྲུང་གོའི་དཔལ་འབྱོར་དང་འབྱུང་འགྱུར་གྱི་འཕེལ་རྒྱས་ལ་ཡིད་ཆེས་ཀྱིས་ཁེངས་ནས། ཀྲུང་གོ་དང་མཉམ་ལས་བྱེད་རྒྱ་མུ་མཐུད་ཆེ་རུ་བཏང་སྟེ། ཨ་ཀྲུང་གི་དཔལ་འབྱོར་ཚོང་དོན་མཉམ་ལས་ལ་སྐུལ་འདེད་གཏོང་ཆེད་བྱས་རྗེས་འཇོག་འདོད་ཡོད་ཅེས་བསྟན།།