ཀྲའོ་ལེ་ཅི་ཡིས་ཇན་ཕུའུ་ཀྲའེ་མི་དམངས་ཏང་གི་ཀྲུའུ་ཞིའམ་གྲོས་ཁང་གོང་མའི་ཀྲུའུ་ཞི་ཧུང་སིན་ལ་ཐུག་འཕྲད་གནང་བ།

ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ཨུའམ་རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་ཀྲའོ་ལེ་ཅི་ཡིས་ཚེས4ཉིན་གྱི་སྔ་དྲོར་པེ་ཅིན་དུ་ཇན་ཕུའུ་ཀྲའེ་མི་དམངས་ཏང་གི་ཀྲུའུ་ཞིའམ་གྲོས་ཁང་གོང་མའི་ཀྲུའུ་ཞི་ཧུང་སིན་ལ་ཐུག་འཕྲད་གནང་།

ཀྲའོ་ལེ་ཅིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་དང་ཀྲུའུ་ཞི་ཧུང་སིན་གྱི་འཐབ་ཇུས་སྣེ་ཁྲིད་འོག་ཀྲུང་གོ་དང་ཇན་ཕུའུ་ཀྲའེ་ཡི་ལས་དབང་གཅིག་མཐུན་ཚོགས་པ་འཛུགས་སྐྱོང་དེ་སྤུས་ཚད་མཐོ་བ་དང་ཆུ་ཚད་མཐོ་བ། ཚད་གཞི་མཐོ་བ་བཅས་ཀྱི་དུས་རབས་གསར་པར་སླེབས་ཡོད། ཀྲུང་གོ་ཕྱོགས་ཀྱིས་ཇན་ཕུའུ་ཀྲའེ་ཕྱོགས་དང་མཉམ་དུ་ཏང་གཉིས་ཀྱི་ཆེས་མཐོའི་མགོ་ཁྲིད་བར་བྱུང་བའི་ཐུན་མོང་གི་ངོས་འཛིན་གལ་ཆེན་གཞིར་བཟུང་སྟེ། ཕན་ཚུན་རྒྱབ་སྐྱོར་དང་དངོས་སྒྲུབ་མཉམ་ལས། སྤྱི་ཚོགས་ཀྱི་རིག་གནས་སྣང་ཚུལ་སྣ་ཚོགས་སྤེལ་རེས་རྒྱ་ཆེར་གཏོང་བ་བཅས་བྱས་ནས། ཀྲུང་ཇན་འབྲེལ་བར་འཕེལ་རྒྱས་གསར་བ་ཐོབ་པར་སྐུལ་འདེད་གཏོང་འདོད་ཡོད། ཀྲུང་གོའི་རྒྱལ་ཡོངས་མི་དམངས་འཐུས་མི་ཚོགས་ཆེན་གྱིས་ཇན་ཕུའུ་ཀྲའེ་ཡི་གྲོས་ཁང་གོང་མ་དང་རྒྱལ་ཚོགས་བར་གྱི་སྤེལ་རེས་མཉམ་ལས་ལ་ཤུགས་བསྣན་ནས། ཀྲུང་གོ་དང་ཇན་ཕུའུ་ཀྲའེ་ཡི་ལས་དབང་གཅིག་མཐུན་ཚོགས་པ་མཉམ་དུ་བསྐྲུན་པར་བྱས་རྗེས་འཇོག་འདོད་ཡོད་ཅེས་བསྟན།

ཧུང་སིན་གྱིས་ཀྲུང་གོས་སྔ་ཕྱི་བར་གསུམ་དུ་ཇན་ཕུའུ་ཀྲའེ་ལ་འདྲ་མཉམ་གྱི་ལྟ་སྟངས་འཛིན་པ་དང་ཇན་ཕུའུ་ཀྲའེ་ལ་བརྩི་འཇོག་བྱེད་བཞིན་ཡོད། ཇན་ཀྲུང་མཉམ་ལས་དེ་ཇན་ཕུའུ་ཀྲའེ་ཡི་དཔལ་འབྱོར་འཕེལ་རྒྱས་དང་དབུལ་ཐར་ཐད་དོན་སྙིང་གལ་ཆེན་ལྡན།  ཇན་ཕུའུ་ཀྲའེ་ཡིས་ཀྲུང་གོ་ཕྱོགས་དང་རྒྱལ་ཁབ་གཉིས་ཀྱི་ཕྱོགས་ཡོངས་ཀྱི་མཛའ་གྲོགས་མཉམ་ལས་ཇེ་ཟབ་ཏུ་བཏང་ནས། ཇན་ཀྲུང་རྒྱལ་ཁབ་གཉིས་ཀྱི་ལས་དབང་གཅིག་མཐུན་ཚོགས་པ་འཛུགས་སྐྱོང་ལ་སྐུལ་འདེད་གཏོང་རྒྱུ་ཡིན་ཞེས་བསྟན།

ཞུའེ་ཁེ་ལའེ་ཐི་·ཀྲ་ཁེར་ཐུག་འཕྲད་ལ་ཞུགས་པ་རེད། །