མགོན་པོ་བཀྲ་ཤིས་ཀྱིས་ནུབ་རྒྱུད་གཏེར་ལས་སྡེ་ཚོགས་ཀུང་ཟི་རུ་རྟོག་ཞིབ་བྱས།
ཟླ11པའི་ཚེས29ཉིན། མཚོ་སྔོན་ཞིང་ཆེན་སྲིད་གྲོས་ཀྱི་ཏང་ཙུའུ་ཧྲུའུ་ཅི། ཀྲུའུ་ཞི་མགོན་པོ་བཀྲ་ཤིས་ཀྱིས་རྒྱལ་ཡོངས་དང་ཞིང་ཆེན་སྲིད་གྲོས་ཀྱི་ཨུ་ཡོན་དུ་མའི་སྣེ་ཁྲིད་དེ། ནུབ་རྒྱུད་གཏེར་ལས་སྡེ་ཚོགས་ཚད་ཡོད་ཀུང་ཟི་རུ་རྟོག་ཞིབ་བྱས་ནས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་གྱི་ལས་དོན་ལ་བཏོན་པའི་བླང་བྱ་གལ་ཆེན་ལག་བསྟར་གཏིང་ཟབ་བྱེད་པ་དང་ཞིང་ཆེན་ཡོངས་ཀྱི་དཔལ་འབྱོར་བརྟན་པོའི་ངང་འཕར་བའི་ཆེད་དོན་ཚོགས་འདུའི་དགོངས་དོན་དོན་འཁྱོལ་ནན་ཏན་བྱས་ཏེ། ཡིད་ཆེས་བརྟན་གཏོང་དང་ལས་དོན་དམ་འཛིན་གང་ལེགས་བྱས་ནས། དུས་ཚིགས་བཞི་པའི་ལས་དོན་ནུས་ཤུགས་ཡོད་རྒུས་སྒྲུབ་དགོས་ལ། ཞིང་ཆེན་ཡོངས་ཀྱི་དཔལ་འབྱོར་སྤུས་ཚད་མཐོ་བའི་ངང་འཕེལ་རྒྱས་འགྲོ་བའི་དམིགས་འབེན་བདེ་བླག་ངང་མངོན་འགྱུར་ཡོང་ཆེད་སྟོབས་ཤུགས་ཅི་ཡོད་འབུལ་དགོས་ཞེས་ནན་གྱིས་བསྟན།
མགོན་པོ་བཀྲ་ཤིས་དང་བཅས་པ་ཐོག་མར་ནུབ་རྒྱུད་གཏེར་ལས་སྡེ་ཚོགས་ཀུང་ཟིའི་རིག་ལྡན་དོ་དམ་ཚོད་འཛིན་ལྟེ་གནས་སུ་འབྱོར་བ་ན། ཧ་ཅང་ཆེ་བའི་གློག་རྡུལ་བརྙན་ཤེལ་གྱི་ངོས་སུ་ཡན་ལག་ཀུང་ཟི་སོ་སོའི་ད་ལྟའི་གནས་ཚུལ་མངོན་པ་དང་ལས་དོན་མི་སྣས་ཡུལ་དངོས་ནས་ཐོན་སྐྱེད་བཀོད་གཏོང་དང་འཕྲལ་བསྟུན་བཀོད་འདོམས། བརྙན་ལམ་ལྟ་སྐུལ་ཚོད་འཛིན་སོགས་ཀྱི་བྱེད་ནུས་བསྟན། ཁེ་ལས་འགྲེམས་ཁང་དུ་ཚང་མས་ཁེ་ལས་ཀྱིས་བཅོས་སྒྱུར་གསར་གཏོད་རྒྱུན་འཁྱོངས་བྱེད་པ་དང་། མི་ཐབས་རིག་ནུས་ཀྱི་གཞོགས་འདེགས་ལ་བརྟེན་ནས་རྣམ་པར་གསར་པའི་བཟོ་ལས་ཅན་འཕེལ་ཚད་སྔར་ལས་ཇེ་མགྱོགས་སུ་གཏོང་བ། གཏེར་ཁ་བཙོ་སྦྱང་དང་ཚྭ་མཚོའི་རྫས་འགྱུར་བཟོ་ལས། རིག་གནས་ཡུལ་སྐོར། འཛུགས་སྐྲུན་ཁང་སའི་ཐོན་ལས། དངུལ་རྩའི་ཚོང་དོན། ཚན་རྩལ་ཆ་འཕྲིན་བཅས་ཀྱི་ལས་སྒོ་ཆེ་གྲས་དྲུག་གི་གསར་གཏོད་འཕེལ་རྒྱས་ཀྱི་ལོ་རྒྱུས་བཞུད་ལམ་ལ་ཁྱོན་ཡོངས་ནས་རྒྱུས་ལོན་བྱས། དེའི་རྗེས་མགོན་པོ་བཀྲ་ཤིས་དང་བཅས་པ་ནུབ་རྒྱུད་གཏེར་ལས་སྡེ་ཚོགས་ཀྱི་ཁོངས་གཏོགས་མཚོ་སྔོན་ཟངས་ལས་ཚད་ཡོད་འགན་འཁྲི་ཀུང་ཟིར་འབྱོར་བ་ན། འཁོར་ཁང་དུ་ཐོན་སྐྱེད་གཉེར་བཞིན་པའི་འཕྲུལ་འཁོར་གྱི་སྐད་སྒྲ་ལྷང་ལྷང་དུ་མཆེད་ཀྱིན་ཡོད་ཅིང་འཁོར་སྐྱོད་ཀྱི་ལས་ལ་བྲེལ་བཞིན་པའི་རྣམ་པས་ཁེངས་འདུག
མགོན་པོ་བཀྲ་ཤིས་ཀྱིས་བཞུགས་མོལ་ཚོགས་འདུའི་སྟེང་དུ། ཉེ་བའི་ལོ་འདི་དག་གི་རིང་ལ། ཁེ་ལས་ཀྱིས་བླངས་པའི་གྲུབ་འབྲས་མངོན་གསལ་ཅན་ལ་ཁས་ལེན་གང་ལེགས་བྱས་པ་དང་། ཁོས་ཁེ་ལས་ཀྱིས་གཏེར་ལས་ལས་རིགས་ཀྱིས་རྒྱལ་ཁབ་ལ་དྲིན་ལན་འཇལ་བའི་གཟི་བརྗིད་ཀྱི་ལས་འགན་བློ་ལ་བརྟན་པོར་ངེས་པར་བྱེད་རྒྱུ་དང་། ཞིང་ཆེན་ཏང་ཨུ་དང་སྲིད་གཞུང་གི་ཡང་དག་པའི་འགོ་ཁྲིད་འོག་ཏུ། བདེན་སྲུང་གསར་སྐྲུན་རྒྱུན་འཁྱོངས་དང་ཞུམ་པ་མེད་པར་འབད་འཐབ་བྱས་ཏེ། སྤུས་ཚད་མཐོ་བའི་འཕེལ་རྒྱས་ཀྱི་བགྲོད་ལམ་སྟེང་བསྐྱོད་དེ། བཅོས་སྒྱུར་ཁྱོན་ཡོངས་ནས་ཟབ་སྤེལ་གཏོང་བ་དང་། ནུས་ཤུགས་ཡོད་རྒུས་ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་སྔོན་གྱི་ལག་ལེན་ལ་སྐུལ་འདེད་གཏོང་ཆེད་བྱས་རྗེས་ཆེན་པོ་འཇོག་དགོས་ཟེར། མགོན་པོ་བཀྲ་ཤིས་ཀྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་ལ་གཟིགས་ཞིབ་གནང་སྐབས་ཀྱི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་ལག་བསྟར་མཐར་ཕྱིན་བྱེད་དགོས་པ་དང་། “ཆེས་ཆེ་བ་གསུམ”གྱི་ཞིང་ཆེན་གྱི་ངེས་གནས་དང“སྔར་ལས་གལ་ཆེ་བ་གསུམ”གྱི་འཐབ་ཇུས་གནས་བབ་སྟེང་ནས་རྐང་ཚུགས་པར་བྱེད་པ། ཐོན་ཁུངས་དེ་འཕེལ་རྒྱས་ཀྱི་རྨང་གཞིར་བྱེད་པ། འཕེལ་རྒྱས་དང་སྲུང་སྐྱོབ་ཐག་གཅོད་ཡང་དག་བྱེད་པ། གསར་གཏོད་ལ་བརྟེན་ནས་སྐུལ་འདེད་གཏོང་རྒྱུ་མངོན་གསལ་ཅན་དུ་གཏོང་བ། གཞི་གྲངས་ནུས་པ་ཆེ་རུ་གཏོང་བ། ཁེ་ལས་ཀྱི་དོ་དམ་ལ་ཤུགས་སྣོན་པ། མགྱོགས་མྱུར་འཕེལ་རྒྱས་ཡོང་བ་བཅས་བྱས་ནས། ཞིང་ཆེན་ཡོངས་ཀྱི་དཔལ་འབྱོར་བརྟན་པོའི་ངང་འཕར་རྒྱུར་རྒྱལ་དབང་ཁེ་ལས་ཀྱིས་སྟོབས་ཤུགས་ཅི་ཡོད་འབུལ་དགོས། ཁེ་ལས་ཀྱིས་འཕེལ་རྒྱས་ཀྱི་འདུ་ཤེས་གསར་པ་འཐུས་ཚང་བ་དང་ཡང་དག་པ། ཕྱོགས་ཡོངས་བཅས་ཀྱི་སྒོ་ནས་ལག་བསྟར་བྱས་ཏེ། སྤུས་གསར་ཐོན་སྐྱེད་ནུས་ཤུགས་མགྱོགས་མྱུར་ངང་འཕེལ་རྒྱས་གཏོང་བ་དང་། ཐོན་ཁུངས་ཀྱི་ལེགས་ཆར་སྟངས་འཛིན་ནན་མོ་བྱེད་པ། སྣ་མང་ཐོན་ལས་སྐྱེད་སྲིང་དང་འཕེལ་རྒྱས་གང་ལེགས་གཏོང་བ། གཏེར་ཁའི་ཐོན་ཁུངས་དང་ཡུལ་སྐོར་དང་། གཏེར་ཁའི་ཐོན་ཁུངས་དང་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་པ་སོགས་ཕན་ཚུན་ཟུང་འབྲེལ་བྱེད་པའི་ལས་དོན་ཡག་པོར་སྒྲུབ་པ། ཐོན་ཁུངས་ཀྱི་ལེགས་ཆ་དེ་ཐོན་ལས་ཀྱི་ལེགས་ཆ་དང་དཔལ་འབྱོར་གྱི་ལེགས་ཆ་རུ་འགྱུར་བ་བཅས་བྱས་ཏེ། ཁེ་ལས་ཀྱི་སྤུས་ཚད་མཐོ་བའི་འཕེལ་རྒྱས་ལ་ཕྱོགས་ཡོངས་ནས་སྐུལ་འདེད་གཏོང་རྒྱུའི་རེ་ལྟོས་ཆེ་ཞེས་ནན་བཤད་བྱས།
ཀྲང་ཞའོ་རུང་རྟོག་ཞིབ་ལ་ཞུགས།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注