རྒྱལ་སྲིད་སྤྱི་ཁྱབ་ཁང་གི་བདེ་འཇགས་ཐོན་སྐྱེད་དང་མེ་ཟོན་བྱ་བའི་དཔྱད་ཞིབ་སྐོར་ཞིབ་ཚན་ཁག་གི་ཚན་ཆུང་དགུ་པ་མཚོ་སྔོན་དུ་དཔྱད་ཞིབ་སྐོར་ཞིབ་བྱེད་པར་ཡོང་།

རྒྱལ་སྲིད་སྤྱི་ཁྱབ་ཁང་གི་བདེ་འཇགས་ཐོན་སྐྱེད་དང་མེ་ཟོན་བྱ་བའི་དཔྱད་ཞིབ་སྐོར་ཞིབ་ཚན་ཁག་གི་ཚན་ཆུང་དགུ་པ་མཚོ་སྔོན་དུ་དཔྱད་ཞིབ་སྐོར་ཞིབ་བྱེད་པར་ཡོང་།

རྒྱལ་སྲིད་སྤྱི་ཁྱབ་ཁང་གི་གཅིག་གྱུར་བཀོད་སྒྲིག་ལྟར།    ཟླ11པའི་ཚེས10ནས་ཚེས20ཉིན་བར། རྒྱལ་སྲིད་སྤྱི་ཁྱབ་ཁང་གི་བདེ་འཇགས་ཐོན་སྐྱེད་དང་མེ་ཟོན་བྱ་བའི་དཔྱད་ཞིབ་སྐོར་ཞིབ་ཚན་ཁག་གི་ཚན་ཆུང་དགུ་པས་རང་ཞིང་དུ2024ལོ་འཁོར་གྱི་བདེ་འཇགས་ཐོན་སྐྱེད་དང་མེ་ཟོན་བྱ་བའི་དཔྱད་ཞིབ་སྐོར་ཞིབ་བྱ་རྒྱུ་རེད།

ཟླ11པའི་ཚེས11ཉིན། དཔྱད་ཞིབ་སྐོར་ཞིབ་ཀྱི་ཆེད་དོན་བཞུགས་མོལ་ཚོགས་འདུ་ཟི་ལིང་དུ་འཚོགས།    ཞིང་ཆེན་ཏང་ཨུའི་ཧྲུའུ་ཅི། ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་ཁྲིན་ཀང་དང་།    དཔྱད་ཞིབ་སྐོར་ཞིབ་ཚན་ཁག་གི་ཚན་ཆུང་དགུ་པའི་ཚན་གཙོ། ཆུ་བེད་པུའུ་ཡི་པུའུ་ཀྲང་གཞོན་པ་ཝང་པའོ་ཨིན་གྱིས་གཏམ་བཤད་པ་དང་།    ཞིང་ཆེན་ཏང་ཨུའི་ཧྲུའུ་ཅི་གཞོན་པ། ཧྲིན་ཀྲང་ཝུའུ་ཞའོ་ཅུན་གྱིས་ཞིང་ཆེན་ཡོངས་ཀྱི་བདེ་འཇགས་ཐོན་སྐྱེད་དང་མེ་ཟོན་བྱ་བ་སྤེལ་བའི་གནས་ཚུལ་སྙན་ཞུ་བྱས།

ཝང་པའོ་ཨིན་གྱིས་བསྟན་དོན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བདེ་འཇགས་ཐོན་སྐྱེད་བྱ་བར་གདེང་འཇོག་ཚད་མཐོན་པོ་གནང་བཞིན་ཡོད་ལ། ད་ལོར་མཆན་བཀོད་མཛུབ་སྟོན་གལ་ཆེན་ཐེངས་མང་གནང་སྟེ། ང་ཚོར་འབད་བརྩོན་གྱི་ཁ་ཕྱོགས་གསལ་སྟོན་དང་རྩ་བའི་གཞི་འཛིན་ས་འདོན་སྤྲོད་བྱས་ཡོད།     བསམ་བློ་དང་བྱ་སྤྱོད་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཆན་བཀོད་མཛུབ་སྟོན་གལ་ཆེན་གྱི་དགོངས་དོན་དང་། ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་ཇུས་ཆོད་བཀོད་སྒྲིག་སྟེང་གཅིག་གྱུར་བྱེད་པ་དང་།   སྔར་ལས་ལྷག་པའི་སྒོ་ནས་བདེ་འཇགས་ཐོན་སྐྱེད་ཀྱི་འགན་འཁྲིའི་མ་ལག་འཐུས་ཚང་དུ་བཏང་ནས། མི་དམངས་མང་ཚོགས་ཀྱི་ཚེ་སྲོག་བདེ་འཇགས་ལ་འགན་སྲུང་བྱ་རྒྱུ་དེ་ཨང་དང་པོར་འཇོག་རྒྱུར་ཁག་ཐེག་བྱ་དགོས།    དཔྱད་ཞིབ་སྐོར་ཞིབ་ཚན་ཁག་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཆན་བཀོད་མཛུབ་སྟོན་གལ་ཆེན་གྱི་དགོངས་དོན་དང་།    ཏང་ཀྲུང་དབྱང་གི་ཇུས་ཆོད་བཀོད་སྒྲིག་སློབ་སྦྱོང་དང་ལག་བསྟར་བྱས་ཚུལ་དང་།    བདེ་འཇགས་ཐོན་སྐྱེད་ཀྱི་འགན་འཁྲི་དོན་འཁྱོལ་བྱས་ཚུལ།    གཙོ་གནད་ཆེད་དོན་བྱ་བར་སྐུལ་འདེད་དང་དོན་འཁྱོལ་བྱས་ཚུལ།    ལས་འཛོལ་ཚབས་ཆེན་གྱི་མངོན་མེད་རྐྱེན་ངན་དང་མང་ཚོགས་ཉེ་འགྲམ་གྱི་མངོན་མེད་རྐྱེན་ངན་བཅས་ལ་གཙོ་གནད་སྒོས་དཔྱད་ཞིབ་བྱ་རྒྱུ་ཡིན།  མཚོ་སྔོན་ཞིང་ཆེན་གྱིས་ཐེངས་འདིའི་དཔྱད་ཞིབ་སྐོར་ཞིབ་བྱ་བ་དཔྱད་གཞིར་བཟུང་སྟེ། ཏང་ཨུ་དང་སྲིད་གཞུང་གི་འགོ་ཁྲིད་བརྟན་པོའི་འོག  ཕྱོགས་སོ་སོའི་བདེ་འཇགས་ཐོན་སྐྱེད་དང་མེ་ཟོན་བདེ་འཇགས་ཀྱི་འགན་འཁྲི་སྔར་ལས་ཇེ་དམ་ཇེ་ནན་དུ་བཏང་ནས། དཔལ་འབྱོར་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ཐད་བདེ་འཇགས་ཀྱི་ཁོར་ཡུག་ལེགས་པོ་ཞིག་མཉམ་བསྐྲུན་བྱ་རྒྱུའི་རེ་བ་ཡོད།

ཁྲིན་ཀང་གིས་བསྟན་དོན། མཚོ་སྔོན་ཞིང་ཆེན་ཏང་ཨུ་དང་། ཞིང་ཆེན་སྲིད་གཞུང་གིས་ཆབ་སྲིད་ཀྱི་ལངས་གནས་ཇེ་མཐོར་བཏང་སྟེ། ཆབ་སྲིད་འགན་འཁྲི་དང་འོས་འགན་ཕྲག་ཏུ་བླངས་ནས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་དགོངས་དོན་གལ་ཆེན་ཚད་གཞིར་འཛིན་པ་དང་། ཏང་ཀྲུང་དབྱང་དང་། རྒྱལ་སྲིད་སྤྱི་ཁྱབ་ཁང་གི་བཀོད་སྒྲིག་ཚད་ཤིང་དུ་བྱེད་པ། དཔྱད་ཞིབ་སྐོར་ཞིབ་ཀྱི་གཙོ་གནད་དམིགས་སུ་བཟུང་ནས། མཚོ་སྔོན་གྱི་བདེ་འཇགས་ཐོན་སྐྱེད་དང་མེ་ཟོན་བྱ་བའི་སྤུས་འདེགས་ནུས་སྤོར་ཟབ་སྤེལ་ལ་སྐུལ་འདེད་གཏོང་དགོས། ཏང་གི་ཆབ་སྲིད་སྒྲིག་སྲོལ་ལ་སྲུང་སྐྱོབ་བྱེད་པ་དང་། ཏང་ཀྲུང་དབྱང་གི་སྲིད་འཛིན་བཀའ་རྒྱ་ཐོགས་མེད་དུ་ལག་བསྟར་བྱེད་པའི་མཐོ་ཚད་ནས། ནུས་ཤུགས་ཡོད་རྒུས་དཔྱད་ཞིབ་སྐོར་ཞིབ་བྱ་བར་རྒྱབ་སྐྱོར་དང་ཤུགས་འདོན་པ་དང་། དཔྱད་ཞིབ་སྐོར་ཞིབ་ལས་བསྟན་པའི་མི་འདང་ས་དང་། ཚུར་སྣང་གནད་དོན་ལ་རྗེས་འདེད་བྱེད་ཤུགས་ཆེ་རུ་བཏང་སྟེ་སྐུལ་སྒྲུབ་བྱས་ནས་དག་ཐེར་དངོས་འབེབས་བྱེད་དགོས། ནུས་ཤུགས་ཡོད་རྒུས་ཞབས་ཞུ་འགན་སྲུང་བྱ་བ་ཡག་པོར་བསྒྲུབ་སྟེ། ལས་རིམ་བཀོད་སྒྲིག་དང་རྒྱུ་ཆར་བལྟ་ཀློག རྗེས་གྲབས་འགན་སྲུང་སོགས་འབྲེལ་མཐུད་གང་ལེགས་བྱས་ནས། དཔྱད་ཞིབ་སྐོར་ཞིབ་ཚན་ཁག་གིས་ཕན་འབྲས་མཐོ་བའི་སྒོ་ནས་བྱ་བ་སྤེལ་བར་ཁོར་ཡུག་ལེགས་པོ་ཞིག་དང་ཆ་རྐྱེན་འཛོམས་པོ་ཞིག་བསྐྲུན་དགོས། ས་ཆ་སོ་སོ་དང་སྡེ་ཁག་སོ་སོས་དངོས་གཉེར་བདེན་འཚོལ་གྱིས་བྱ་བའི་སྙན་ཞུ་འབུལ་བ་དང་ལུགས་མཐུན་ཡང་དག་སྒོས་གནས་ཚུལ་བཤད་པ།   དུས་ཐོག་དང་ཆ་ཚང་བར་རྒྱུ་ཆ་འདོན་སྤྲོད་བྱེད་པ་བཅས་བྱས་ཏེ། དཔྱད་ཞིབ་སྐོར་ཞིབ་ཀྱི་བརྒྱུད་རིམ་དང་ལེན་བྱེད་རྒྱུ་དེ་མི་འདང་ས་ཁ་གསབ་དང་། ཉམས་ཞན་ཤུགས་དྲག་ཏུ་གཏོང་བ། ཉེན་ཁ་འགོག་པའི་བརྒྱུད་རིམ་དུ་བརྩིས་ཏེ། ཤུགས་ཆེན་པོས་ཞིང་ཆེན་ཡོངས་ཀྱི་བདེ་འཇགས་ཐོན་སྐྱེད་དང་མེ་ཟོན་བྱ་བའི་གཞི་རྩ་ཇེ་བརྟན་དུ་གཏོང་དགོས།

ཚོགས་ཐོག་ཏུ་བདེ་འཇགས་ཐོན་སྐྱེད་ཀྱི་མངོན་བཤེར་ལྐོག་བཤེར་གནས་ཚུལ་གྱི་ཆེད་སྒྲིག་བརྙན་ཐུང་ལ་བལྟས། དཔྱད་ཞིབ་སྐོར་ཞིབ་ཚན་ཁག་གི་ཚན་ཆུང་དགུ་པའི་ཁོངས་མི་དང་། ཞིང་ཆེན་གྱི་འགོ་ཁྲིད་ཝང་ལིན་ཧུའུ་དང་ཀྲུའུ་ཞང་ཧྥིན་གྲོས་ཚོགས་ལ་ཞུགས། ཞིང་ཆེན་སྲིད་གཞུང་གི་དྲུང་ཡིག་ཆེན་མོ་དང་། འབྲེལ་ཡོད་དྲུང་ཡིག་ཆེན་མོ་གཞོན་པ། ཞིང་ཆེན་བདེ་འཇགས་ཐོན་སྐྱེད་ཨུ་ཡོན་ལྷན་ཁང་གི་ཁོངས་གཏོགས་ལས་ཁུངས་གཙོ་བོའི་འགན་ཁུར་བློ་མཐུན་གཙོ་བོ་བཅས་གྲོས་ཚོགས་སུ་ཞུགས།

མཚོ་སྔོན་དུ་སྡོད་པའི་སྐབས་སུ། དཔྱད་ཞིབ་སྐོར་ཞིབ་ཚན་ཁག་གིས་ཞུ་གཏུག་ཁ་པར་དང་། གློག་རྡུལ་ཡིག་སྒམ། སྦྲགས་སྲིད་ཡིག་སྒམ་སོགས་ཀྱི་ཞུ་གཏུག་ཐབས་ལམ་མང་པོ་འདོན་སྤྲོད་བྱས་ཏེ། བདེ་འཇགས་ཐོན་སྐྱེད་ཀྱི་གནད་དོན་གལ་ཆེན་གྱི་ཞུ་གཏུག་དང་བཏོན་པའི་གནས་ཚུལ་ཐག་གཅོད་བྱ་རྒྱུ་རེད། ཞུ་གཏུག་ཁ་པར་ཨང་གྲངས15011241016ཡིན་ལ། བྱ་བའི་དུས་ཚོད་ནི། སྔ་དྲོའི་དུས་ཚོད8:00ནས 12:00བར་དང་། ཕྱི་དྲོའི་དུས་ཚོད14:00ནས18:00བར་རེད། གློག་རྡུལ་ཡིག་ཟམ། QH2024KHXC@mem.gov.cnརེད། ཡི་གེ་བསྐུར་གནས་ནི་མཚོ་སྔོན་ཞིང་ཆེན་ཟི་ལིང་གྲོང་ཁྱེར སྦྲགས་སྲིད་ཡིག་སྒམA208པ་སྟེ་རྒྱལ་སྲིད་སྤྱི་ཁྱབ་ཁང་བདེ་འཇགས་ཐོན་སྐྱེད་དང་མེ་ཟོན་བྱ་བའི་དཔྱད་ཞིབ་སྐོར་ཞིབ་ཚན་ཆུང་། སྦྲགས་སྲིད་ཨང་གྲངས། 810000ཡིན།