ཏེན་ཞུའེ་ཞང་གིས་སིང་ག་ཕོར་གྱི་ཙུང་ལི་གཞོན་པ་ཡན་ཅིན་ཡུང་ལ་མཇལ་འཕྲད་གནང་བར་མ་ཟད་ཀྲུང་གོ་དང་སིང་ག་ཕོར་གྱི་ཕྱོགས་གཉིས་མཉམ་ལས་རྐྱེན་སྲོལ་གྱི་གྲོས་ཚོགས་ལ་མཉམ་དུ་འགོ་འཛིན་གནང་།

ཏེན་ཞུའེ་ཞང་གིས་སིང་ག་ཕོར་གྱི་ཙུང་ལི་གཞོན་པ་ཡན་ཅིན་ཡུང་ལ་མཇལ་འཕྲད་གནང་བར་མ་ཟད་ཀྲུང་གོ་དང་སིང་ག་ཕོར་གྱི་ཕྱོགས་གཉིས་མཉམ་ལས་རྐྱེན་སྲོལ་གྱི་གྲོས་ཚོགས་ལ་མཉམ་དུ་འགོ་འཛིན་གནང་།

ཟླ11པའི་ཚེས11ཉིན། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ་ཏེན་ཞུའེ་ཞང་གིས་སིང་ག་ཕོར་དུ་སིང་ག་ཕོར་གྱི་ཙུང་ལི་གཞོན་པ་ཡན་ཅིན་ཡུང་ལ་མཇལ་འཕྲད་གནང་བར་མ་ཟད། ཀྲུང་གོ་དང་སིང་ཀ་ཕོར་གྱི་ཕྱོགས་གཉིས་མཉམ་ལས་མཉམ་འབྲེལ་ཨུ་ཡོན་ལྷན་ཚོགས་ཀྱི་གྲོས་ཚོགས་ཐེངས་ཉི་ཤུ་པ་དང་། ཀྲུང་གོ་དང་སིང་ག་ཕོར་གྱི་སུའུ་ཀྲོའུ་བཟོ་ལས་གླིང་ཁུལ་མཉམ་འབྲེལ་མཐུན་སྦྱོར་ལས་འཛིན་ལྷན་ཚོགས་ཀྱི་གྲོས་ཚོགས་ཐེངས་ཉེར་ལྔ་པ། ཀྲུང་གོ་དང་སིང་ག་ཕོར་གྱི་ཐེན་ཅིན་སྐྱེ་ཁམས་གྲོང་གི་མཉམ་འབྲེལ་མཐུན་སྦྱོར་ལས་འཛིན་ལྷན་ཚོགས་ཀྱི་གྲོས་ཚོགས་ཐེངས་བཅུ་དྲུག་པ། ཀྲུང་གོ་དང་སིང་ག་ཕོར་གྱི་ཁྲུང་ཆིན་འཐབ་ཇུས་རང་བཞིན་གྱི་མཉམ་འབྲེལ་མཉམ་མཐུད་དཔེ་སྟོན་ལས་གཞིའི་མཉམ་འབྲེལ་མཐུན་སྦྱོར་ལས་འཛིན་ལྷན་ཚོགས་ཀྱི་གྲོས་ཚོགས་ཐེངས་བརྒྱད་པ་བཅས་ལ་མཉམ་དུ་འགོ་འཛིན་གནང་།

མཇལ་འཕྲད་གནང་སྐབས། ཏེན་ཞུའེ་ཞང་གིས་བསྟན་དོན། ཀྲུའུ་ཞི་ཞི་ཅིན་ཕིང་དང་སིང་ག་ཕོར་ཕྱོགས་ཀྱི་འགོ་ཁྲིད་པའི་འཐབ་ཇུས་ཁྲིད་སྟོན་འོག ཀྲུང་གོ་དང་སིང་ག་ཕོར་གྱི་འབྲེལ་བས་འཕེལ་རྒྱས་ཀྱི་རྣམ་པ་བཟང་པོ་རྒྱུན་འཁྱོངས་བྱས་ཡོད། འདས་པའི་ལོ་ངོ་གཅིག་གི་རིང་ལ། ཕྱོགས་གཉིས་ཀྱི་མཉམ་ལས་ཐད་གྲུབ་འབྲས་གཡུར་དུ་ཟ་བ་མང་པོ་བླངས་ཡོད། སང་ལོ་ནི་རྒྱལ་ཁབ་གཉིས་བར་འབྲེལ་བ་བཙུགས་ནས་ལོ་སོ་ལྔ་འཁོར་བའི་ལོ་རེད། ཀྲུང་གོ་དང་སིང་ག་ཕོར་གྱི་འཕེལ་རྒྱས་དུས་རིམ་གལ་ཆེན་ནས་ལངས་ཏེ། ཕྱོགས་གཉིས་ཀྱིས་མཉམ་དུ་ཕྱོགས་གཉིས་མཉམ་ལས་རྐྱེན་སྲོལ་གྱི་སྟེགས་བུ་སྣ་ཚོགས་བེད་སྤྱོད་ལེགས་པོ་བྱེད་པ་དང་། ཉམས་མྱོང་བཟང་པོ་ཕྱོགས་སྡོམ་བྱེད་ཅིང་། ལག་རྡང་སྦྲེལ་ནས་མུ་མཐུད་དུ་མདུན་སྐྱོད་བྱས་ཏེ། རྒྱལ་ཁབ་གཉིས་ཀྱི་མཉམ་ལས་ཐད་སྔར་ལས་གྲུབ་འབྲས་ལེན་པ་དང་འཕེལ་རྒྱས་འགྲོ་བར་སྐུལ་འདེད་གཏོང་དགོས་ཞེས་གསུངས།

ཡན་ཅིན་ཡུང་གིས་བསྟན་དོན། སིང་ག་ཕོར་དང་ཀྲུང་གོའི་ཕྱོགས་གཉིས་མཉམ་ལས་རྐྱེན་སྲོལ་གྱིས་རྒྱལ་ཁབ་གཉིས་དར་རྒྱས་གོང་འཕེལ་འགྲོ་བར་རྒྱུན་ཆད་མེད་པར་སྒུལ་ཤུགས་གསར་བ་བསྣན་ཡོད། སིང་ག་ཕོར་ཕྱོགས་ཀྱིས་སིང་ག་ཕོར་དང་ཀྲུང་གོའི་ཕྱོགས་གཉིས་མཉམ་ལས་རྐྱེན་སྲོལ་འཛུགས་སྐྲུན་བྱེད་པར་ཚད་མཐོན་པོས་མཐོང་ཆེན་བྱེད་ཀྱིན་ཡོད་ལ། ཀྲུང་གོ་ཕྱོགས་དང་མཉམ་དུ་མཐོ་རིམ་འགྲོ་འོང་དམ་ཟབ་བྱེད་ཅིང་། རྒྱལ་སྲིད་སྐྱོང་ལུགས་ཐད་ཕན་ཚུན་དཔེ་ལྟོས་བྱེད་པར་ཤུགས་སྣོན་པ་དང་། མི་གཞུང་བརྗེ་རེས་ལ་སྐུལ་སྤེལ་བྱས་ཏེ། གསར་དར་ཁྱབ་ཁོངས་ཀྱི་མཉམ་ལས་རྒྱ་བསྐྱེད་པ་དང་། རྒྱལ་ཁབ་གཉིས་ཀྱི་འབྲེལ་བ་སྔར་ལས་འཕེལ་རྒྱས་འགྲོ་བར་སྐུལ་འདེད་གཏོང་འདོད་ཡོད་ཟེར།

ཏེན་ཞུའེ་ཞང་དང་ཡན་ཅིན་ཡུང་གིས་ཕྱོགས་གཉིས་མཉམ་ལས་རྐྱེན་སྲོལ་གྱི་གྲོས་ཚོགས་བཞི་ལ་མཉམ་དུ་འགོ་འཛིན་གནང་། ཕྱོགས་གཉིས་ཀྱིས་ཕྱོགས་ཡོངས་ནས་ཀྲུང་གོ་དང་སིང་ག་ཕོར་གྱི་དངོས་གཉེར་མཉམ་ལས་ཀྱི་འཕེལ་རིམ་གནས་ཚུལ་དབྱེ་ཞིབ་ཕྱོགས་སྡོམ་བྱས་པ་དང་། སུའུ་ཀྲོའུ་བཟོ་ལས་གླིང་ཁུལ་དང་ཐེན་ཅིན་སྐྱེ་ཁམས་གྲོང་། ཀྲུང་གོ་དང་སིང་ག་ཕོར་གྱི་ཁྲུང་ཆིན་འཐབ་ཇུས་རང་བཞིན་གྱི་མཉམ་འབྲེལ་མཉམ་མཐུད་དཔེ་སྟོན་ལས་གཞི་དང་། ཀོང་ཀྲོའུ་ཤེས་བྱའི་གྲོང་བཅས་འཛུགས་སྐྲུན་གྱི་གྲུབ་འབྲས་ལ་ཁས་ལེན་གང་ལེགས་བྱས་ཤིང་། རྒྱུད་གཅིག་ལམ་གཅིག་མཉམ་ལས་དང་། དཔལ་འབྱོར་ཉོ་ཚོང་དང་རྒྱུན་མཐུད་ཐུབ་པའི་འཕེལ་རྒྱས་མཉམ་ལས། གསར་གཏོད་མཉམ་ལས། དངུལ་རྩའི་མཉམ་ལས། སྤྱི་བའི་འཕྲོད་བསྟེན་དང་མི་གཞུང་བརྗེ་རེས་མཉ་ལས། རྒྱལ་ཁབ་རིམ་པའི་ཕྱོགས་གཉིས་མཉམ་ལས་ལས་གཞི་སོགས་ཀྱི་གྲོས་དོན་ལ་དམིགས་ནས་བརྗེ་རེས་ཟབ་མོ་བྱས་ཏེ། མཉམ་ལས་ཀྱི་བསམ་ཕྱོགས་གསར་བ་དང་བྱེད་ཐབས་གསར་བར་མཉམ་དུ་གྲོས་བསྡུར་བྱས། ཕྱོགས་གཉིས་ཀྱིས་གཅིག་གྱུར་སྒོས་ཁས་ལེན་བྱས་ཏེ། གྲོས་ཚོགས་སྟེང་གི་ཐུན་མོང་ངོས་འཛིན་སྔར་ལས་དོན་འཁྱོལ་ལེགས་པོ་བྱེད་པ་དང་། ཕྱོགས་ཡོངས་དང་སྤུས་ཚད་མཐོ་བ། སྔོན་མཐོང་རང་བཞིན་དམིགས་ནས་དུས་རིམ་གསར་བའི་ཀྲུང་གོ་དང་སིང་ག་ཕོར་གྱི་མཉམ་ལས་འཆར་འགོད་ཇུས་གཞིར་ཤུགས་སྣོན་པ་དང་། སྤུས་ཚད་མཐོ་བའི་རྒྱུད་གཅིག་ལམ་གཅིག་མཉམ་སྐྲུན་མཉམ་ལས་མུ་མཐུད་དུ་ཟབ་སྤེལ་བྱེད་པ། མཉམ་ལས་ལས་གཞི་གལ་ཆེན་ལེགས་པོར་བསྒྲུབ་ཅིང་། སྐམ་མཚོའི་བརྒྱུད་ལམ་གསར་བ་འཛུགས་སྐྲུན་བྱ་བ་དམ་འཛིན་ལེགས་པོ་བྱས་ཏེ། གཞི་གྲངས་ཅན་དང་ལྗང་མདོག་ཅན་དམིགས་པའི་ཁྱབ་ཁོངས་གསར་བའི་མཉམ་ལས་རྒྱ་བསྐྱེད་པ་དང་། མི་གཞུང་མཉམ་ལས་ཐད་ཕན་འབྲས་གསར་བ་ལེན་པར་སྐུལ་འདེད་བཏང་ནས། རྒྱལ་ཁབ་གཉིས་དང་རྒྱལ་ཁབ་གཉིས་ཀྱི་མི་དམངས་ལ་སྔར་ལས་བདེ་སྐྱིད་བསྐྲུན་པར་ཕྱོགས་གཉིས་འཐད་པ་བྱུང་།

ཏེན་ཞུའེ་ཞང་དང་ཡན་ཅིན་ཡུང་གིས་ཀྲུང་གོ་དང་སིང་ག་ཕོར་གྱི་མཉམ་ལས་ལས་གཞི་ཉེར་ལྔའི་གྲུབ་འབྲས་འགྲེམ་སྟོན་ལ་མཉམ་དུ་བདེན་དཔང་གནང་། དེའི་ནང་དུ་རྒྱུད་གཅིག་ལམ་གཅིག་མཉམ་ལས་འཆར་འགོད་བཀོད་པ་དང་། རང་མོས་ཉོ་ཚོང་གྲོས་ཆིངས་སྔར་ལས་རིམ་སྤོར་བྱེད་པའི་གྲོས་ཆིངས་ཡི་གེ་ད་ལོའི་ཟླ12པའི་ཚེས31ཉིན་ནས་བཟུང་ནུས་ལྡན་དུ་འགྱུར་བར་བྱེད་པ། འབྲིང་རིམ་དང་མཐོ་རིམ་དཔོན་པོའི་བརྗེ་རེས་གསོ་སྦྱོང་ལས་གཞིའི་སྒྲོམ་གཞིའི་གྲོས་ཆོད་བཀོད་པ་སོགས་འདུ།