ཕིན་ཆིན་ཧྭ་ཨེ་ཤ་ཡ་དབུས་མའི་རྒྱལ་ཁབ་དང་ཞི་བདེ་རྒྱ་མཚོ་ཆེན་མོའི་གླིང་ཕྲན་རྒྱལ་ཁབ་ཀྱི་གྲོས་མིའི་དཔྱད་གླེང་འཛིན་གྲྭ་འཚོགས་མགོ་རྩོམ་པའི་མཛད་སྒོར་ཞུགས་པ།

ཟླ10པའི་ཚེས22ཉིན།　རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་གཞོན་པ་ཕིན་ཆིན་་ཨེ་ཤ་ཡ་དབུས་མའི་རྒྱལ་ཁབ་དང་ཞི་བདེ་རྒྱ་མཚོ་ཆེན་མོའི་གླིང་ཕྲན་རྒྱལ་ཁབ་ཀྱི་གྲོས་མིའི་དཔྱད་གླེང་འཛིན་གྲྭ་འཚོགས་མགོ་རྩོམ་པའི་མཛད་སྒོར་ཞུགས་ཤིང་ཤིས་ཚིག་ཕུལ།　ཁོང་གིས་བསྟན་དོན།　ཀྲུང་གོ་ཕྱོགས་ཀྱིས་འབྲེལ་ཡོད་རྒྱལ་ཁབ་ཁག་དང་ཁྲིམས་འཛུགས་སྒྲིག་གཞི་བར་མཉམ་ལས་དམ་ཟབ་བྱས་ཏེ།　མཉམ་དུ་གོང་འཕེལ་དར་རྒྱས་དང་མིའི་རིགས་ཀྱི་ལས་དབང་གཅིག་མཐུན་ཚོགས་པ་གཏོད་ཆེད་ཁྲིམས་སྐྱོང་དང་སྲིད་ཇུས་ཀྱི་ཁོར་ཡུག་བཟང་པོ་སྐྲུན་འདོད་ཡོད་ཅེས་གསུངས།　ཨེ་ཤེ་ཡ་དབུས་མའི་རྒྱལ་ཁབ5དང་ཞི་བདེ་རྒྱ་མཚོ་ཆེན་མོའི་གླིང་ཕྲན་རྒྱལ་ཁབ9ནས་ཡོང་བའི་གྲོས་མི་དང་གྲོས་ཚོགས་ཀྱི་ལས་དོན་མི་སྣ60ལྷག་བགྲོ་གླེང་ནང་ཞུགས་པ་རེད།