ཞའེ་ཁྲུང་ཐའོ་ཀྲུང་གུང་ཀྲུང་དབྱང་གི་འཐུས་མི་ཚོགས་པ་ཁྲིད་ནས་ཏེན་མག་ལ་འཚམས་འདྲི་ཕེབས་པ།

ཞའེ་ཁྲུང་ཐའོ་ཀྲུང་གུང་ཀྲུང་དབྱང་གི་འཐུས་མི་ཚོགས་པ་ཁྲིད་ནས་ཏེན་མག་ལ་འཚམས་འདྲི་ཕེབས་པ།

ཁོ་ཕེན་ཧ་ཀེན་ནས་སྤེལ་བའི་གསར་འགྱུར།　ཏེན་མག་རྒྱལ་ཁབ་ཀྱི་གདན་ཞུ་ལྟར།　ཀྲུང་གུང་ཀྲུང་དབྱང་ཏང་གི་སློབ་གྲྭའི（རྒྱལ་ཁབ་སྲིད་འཛིན་སློབ་གླིང）ཉིན་རྒྱུན་གྱི་ལས་དོན་ལ་དོ་དམ་བྱེད་པའི་སློབ་གཙོ་གཞོན་པ་ཞའེ་ཁྲུང་ཐའོ་ཡིས་ཟླ10པའི་ཚེས19ཉིན་ནས་ཚེས22ཉིན་བར་ཀྲུང་གུང་ཀྲུང་དབྱང་གི་འཐུས་མི་ཚོགས་པ་ཁྲིད་ནས་ཏེན་མག་ལ་འཚམས་འདྲིར་ཕེབས་ཤིང་།　ཏེན་མག་རྒྱལ་ཁབ་ཀྱི་ལས་རིགས་སོ་སོར་ཁ་གཏད་དེ་ཀྲུང་གུང་སྐབས་ཉི་ཤུ་བའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་ཆེད་དོན་སྒྲོག་སྦྱོང་བྱེད་པའི་ཚོགས་འདུར་ཞུགས་པ་དང་།　ཕྱི་འབྲེལ་པུའུ་ཡི་དྲུང་ཡིག་ཡེ་ཕུའུ་དང་གྲོས་ཚོགས་ཀྱི་ཕྱི་འབྲེལ་སྲིད་ཇུས་ཨུ་ལྷན་གྱི་ཀྲུའུ་ཞི་ཡན་སིན།　སྤྱི་ཚོགས་དམངས་གཙོ་ཏང་དང་རང་དབང་ཏང་གི་མགོ་ཁྲིད་པ་བཅས་ལ་ཐུག་འཕྲད་གནང་སྟེ།　ཀྲུང་གོས་ཆུ་ཚད་མཐོ་བའི་ཕྱི་ཕྱོགས་སྒོ་འབྱེད་སྐུལ་འདེད་བཏང་བ་ལས་བྱུང་བའི་གོ་སྐབས་གསར་པ་དམ་འཛིན་བྱས་ཏེ།　གཉིས་ཕན་མཉམ་ལས་ལ་ཤུགས་སྣོན་དང་།　ཀྲུང་གོ་དང་ཏེན་མག　ཀྲུང་གོ་དང་ཡོ་རོབ་བར་གྱི་འབྲེལ་བ་སྐྱོན་བྲལ་དང་བརྟན་བརླིང་ངང་འཕེལ་རྒྱས་འགྲོ་བར་ནུས་ཤུགས་འདོན་དགོས་ཞེས་ནན་བཤད་གནང་།

ཏེན་མག་ཕྱོགས་ཀྱིས་ཀྲུང་གོའི་ཆུ་ཚད་མཐོ་བའི་ཕྱི་ཕྱོགས་སྒོ་འབྱེད་ཀྱི་བྱེད་ཐབས་གསར་པར་གདེང་འཇོག་མཐོན་པོ་གནང་ཞིང་།　སང་ལོར་ཕྱི་འབྲེལ་གྱི་འབྲེལ་བ་བཙུགས་ནས་ལོ་འཁོར75ལོན་པ་དེ་གོ་སྐབས་སུ་བརྩིས་ནས་ཏེན་མག་དང་ཀྲུང་གོ་བར་གྱི་བརྗེ་རེས་དང་མཉམ་ལས་ཇེ་ཟབ་ཏུ་གཏོང་འདོད་ཡོད་ཚུལ་བསྟན།