ཀྲུའུ་ཞི་ཞི་ཅིན་ཕིང་གིས་འབོ་གསེར་མཉམ་ལས་ཆེ་མོའི་གྲོས་མགོ་བཏོན།
ས་གནས་དེ་གའི་དུས་ཚོད་ཟླ་བཅུ་པའི་ཚེས་ཉེར་གསུམ་ཉིན་གྱི་སྔ་དྲོར། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་ཨུ་རུ་སུའི་ཁ་ཧྲན་དུ་འབོ་གསེར་རྒྱལ་ཁབ་ཀྱི་མགོ་ཁྲིད་པའི་མཇལ་འཛོམས་ཐེངས་བཅུ་དྲུག་པར་ཞུགས་པ་རེད། མཇལ་འཛོམས་གནང་རིང་འབོ་གསེར་རྒྱལ་ཁབ་ཀྱི་མགོ་ཁྲིད་རྣམས་དང་མཉམ་པར་བསྐྱོན་པ་རེད།
དང་ཐོག་ཞི་ཅིན་ཕིང་ཁྱབ་ཁོངས་ཆུང་བའི་ཚོགས་འདུར་ཞུགས་ནས། ཁོངས་གཏོགས་རྒྱལ་ཁབ་གསར་པ་འབོ་གསེར་ཁྱིམ་ཚང་ཆེ་མོའི་ནང་ཞུགས་པར་དགའ་བསུ་ཞུ་བ་དང་། དེ་བཞིན་རྒྱལ་ཁབ་མང་པོ་འབོ་གསེར་རོགས་ཟླའི་རྒྱལ་ཁབ་ཏུ་གདན་དྲངས་པ་རེད། ཞི་ཅིན་ཕིང་གིས། ཁོངས་གཏོགས་རྒྱལ་ཁབ་མང་དུ་གཏོང་རྒྱུ་ནི་འབོ་གསེར་འཕེལ་རྒྱས་ལོ་རྒྱུས་ཐོག་གི་ལམ་ཚད་རྡོ་རིང་གལ་ཆེན་ཞིག་ཡིན་ལ། རྒྱལ་སྤྱིའི་གནས་བབ་འགྱུར་ལྡོག་འགྲོ་བའི་མཚོན་རྟགས་རང་བཞིན་གྱི་བྱ་བ་ཞིག་ཀྱང་རེད་ཅེས་བསྟན།
དེ་རྗེས་ཞི་ཅིན་ཕིང་ཁྱབ་ཁོངས་ཆེན་པོའི་ཚོགས་འདུར་ཞུགས་ཏེ། མ་འོངས་འབོ་གསེར་འཕེལ་རྒྱས་ཐད་བསམ་འཆར་གལ་ཆེན་བཏོན་པ་དང་། ཞི་བདེའི་འབོ་གསེར་དང་། གསར་གཏོད་འབོ་གསེར། འབག་མེད་འབོ་གསེར། དྲང་གཞག་འབོ་གསེར། མི་ཆོས་འབོ་གསེར་བཅས་བསྐྲུན་རྒྱུའི་གྲོས་མགོ་ལྔ་བཏོན་པ་རེད།
མཇུག་ཏུ་ཞི་ཅིན་ཕིང་གིས། ཀྲུང་གོས་འབོ་གསེར་རྒྱལ་ཁབ་ཁག་དང་མཉམ་དུ་འབོ་གསེར་མཉམ་ལས་ཆེ་མོའི་སྤུས་མཐོའི་འཕེལ་རྒྱས་ཀྱི་རྣམ་པ་གསར་པ་བཏོད་དེ། མཉམ་དུ་མིའི་རིགས་ཀྱི་ལས་དབང་གཅིག་པའི་ཐུན་མོང་ཚོགས་པ་སྐུལ་འདེད་གཏོང་འདོད་ཡོད་ཅེས་ནན་བཤད་གནང་བ་རེད།
ཞི་ཅིན་ཕིང་མཇལ་འཛོམས་ནང་ཞུགས་རིང་། རྒྱ་གར་གྱི་ཙུང་ལི་མོ་ཏི་དང་ཐུག་འཕྲད་གནང་བ་རེད།
ས་གནས་དེ་གའི་དུས་ཚོད་ཟླ་བཅུ་པའི་ཚེས་ཉེར་གསུམ་ཉིན་གྱི་ཕྱི་དྲོར། ཞི་ཅིན་ཕིང་མཇལ་འཛོམས་ནང་ཞུགས་རིང་། དབྱི་རན་གྱི་ཙུང་ཐུང་ཕེ་ཙེ་ཞི་ཆི་དབྱང་དང་ཐུག་འཕྲད་གནང་བ་རེད།
ས་གནས་དེ་གའི་དུས་ཚོད་ཟླ་བཅུ་པའི་ཚེས་ཉེར་གསུམ་ཉིན་གྱི་དགོང་མོར། ཞི་ཅིན་ཕིང་མཇལ་འཛོམས་ནང་ཞུགས་རིང་། ཨེ་ཅིབ་ཀྱི་ཙུང་ཐུང་སའེ་ཞི་དང་ཐུག་འཕྲད་གནང་བ་རེད།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注