སྡེ་ཁག་གཉིས་ཀྱིས་མ་དངུལ་སྒོར་དུང་ཕྱུར3.78བཏང་ནས་ཞིང་ཆེན9ཡི་ཞོད་འགོག་དང་ས་གཤིས་གནོད་འཚེའི་རྒུད་སྐྱོབ་ལས་དོན་ལ་རྒྱབ་སྐྱོར་བྱས་པ།
ཚེས1ཉིན་གསར་འགོད་པས་ནོར་སྲིད་པུའུ་ནས་ཤེས་རྟོགས་བྱུང་བར་གཞིགས་ན། ནོར་སྲིད་པུའུ་དང་འཕྲལ་བསྟུན་དོ་དམ་པུའུ་ཡིས་ཟླ7པའི་ཚེས31ཉིན་ཀྲུང་དབྱང་གི་རང་བྱུང་གནོད་འཚེ་གེགས་སེལ་མ་དངུལ་སྒོར་དུང་ཕྱུར3.78བྲེལ་མྱུར་ངང་བཏང་ནས། ཧོ་པེ་དང་ལེའོ་ཉིང་། ཅི་ལིན། ཀྲེ་ཅང་། ཧྥུའུ་ཅན། ཧུའུ་ནན། ཀུའེ་ཀྲོའུ། ཡུན་ནན། ཀན་སུའུ་བཅས་ཞིང་ཆེན9ལ་འཕྲལ་བསྟུན་ཉེན་སེལ་དང་གནོད་འཚེ་ཕོག་པའི་མང་ཚོགས་ལ་རོགས་སྐྱོབ་བྱ་རྒྱུར་རྒྱབ་སྐྱོར་བྱས།
ནོར་སྲིད་པུའུ་ཡིས་འབྲེལ་ཡོད་ཞིང་ཆེན་ནོར་སྲིད་ཐིན་ལ་མ་དངུལ་གེགས་ཁུལ་ལ་གཏོང་སྤྲོད་བྱེད་པར་དམ་འཛིན་བྱས་ནས། གེགས་ཁུལ་གྱི་འཕྲལ་བསྟུན་རོགས་སྐྱོབ་མ་དངུལ་བཀོད་སྒྲིག་དང་མ་དངུལ་གྱི་དགོས་མཁོ་དུས་ཐོག་ཏུ་ཤེས་རྟོགས་དང་ཁོང་དུ་ཆུད་པ་བྱས་ཏེ། བྱ་ཐབས་སྤྱད་དེ་ནུས་ཤུགས་ཡོད་རྒུས་འགན་ལེན་བྱེད་དགོས། གེགས་སེལ་མ་དངུལ་གྱི་ལྟ་སྐུལ་དོ་དམ་ལ་ཤུགས་སྣོན་ཏན་ཏིག་བརྒྱབ་ནས་མ་དངུལ་ཆད་ལུས་དང་། བཙན་བཟུང་། གཞན་སྤྱོད་སོགས་སྒྲིག་འགལ་བྱ་སྤྱོད་ལ་མཐའ་གཅིག་ཏུ་གཏན་འགོག་བྱས་ཏེ། གེགས་སེལ་མ་དངུལ་ཚང་མ་གནོད་འཚེ་ཕོག་ཁུལ་དང་གནོད་འཚེ་ཕོག་པའི་མང་ཚོགས་ལག་ཏུ་སྤྲོད་པར་འགན་ལེན་ཏན་ཏིག་བྱེད་དགོས་པའི་བླང་བྱ་བཏོན།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注