ཨུ་རུ་སི་དཀར་པོའི་ཙུང་ཐུང་གིས་ཧྲང་ཧེ་མཉམ་ལས་རྩ་འཛུགས་དང་གསེར་གྱོམ་རྒྱལ་ཁབ་ནང་ཞུགས་པའི་འཐབ་ཇུས་ལ་ཆོག་མཆན་བཀོད།
ཨུ་རུ་སིའི་དཀར་པོའི་ཙུང་ཐུང་གཞུང་སྒྲུབ་ཐིན་གྱིས་བསྒྲགས་པ་ལྟར་ན། ཨུ་རུ་སི་དཀར་པོའི་ཙུང་ཐུང་ལུའུ་ཁཱ་ཧྲིན་ཁི་ཡིས་ཨུ་རུ་སི་དཀར་པོ་ཧྲང་ཧེ་མཉམ་ལས་རྩ་འཛུགས་དང་གསེར་གྱོམ་རྒྱལ་ཁབ་ནང་ཞུགས་པའི་འཐབ་ཇུས་ལ་ཆོག་མཆན་བཀོད་ཟེར།
བསྒྲགས་པ་ལྟར་ན། གསར་དུ་ཆོག་མཆན་བཀོད་པའི་ཨུ་རུ་སི་དཀར་པོ་ཧྲང་ཧེ་མཉམ་ལས་རྩ་འཛུགས་ནང་ཞུགས་པའི་འཐབ་ཇུས་ལས་ཨུ་རུ་སི་དཀར་པོ་ཧྲང་ཧེ་མཉམ་ལས་རྩ་འཛུགས་ནང་ཞུགས་པའི་འགུལ་སྐྱོད་དང་དམིགས་འབེན། ལས་འགན་བཅས་ཁ་ཕྱོགས་དང་། དུས་ཡུན་རིང་འབྲིང་གི་ལག་བསྟར་རྐྱེན་སྲོལ་གཏན་འཁེལ་བྱས་ཡོད།
ཨུ་རུ་སི་དཀར་པོ་གསེར་གྱོམ་རྒྱལ་ཁབ་ཀྱི་བྱ་འགུལ་ནང་ཞུགས་པའི་འགུལ་སྐྱོད་འཐབ་ཇུས་ལས་ཨུ་རུ་སི་དཀར་པོ་དང་རྩ་འཛུགས་དེའི་ཁོངས་གཏོགས་རྒྱལ་ཁབ་དང་གྲོགས་པོའི་རྒྱལ་ཁབ་བར་གྱི་མཉམ་འབྲེལ་གྱི་ཁྱབ་ཁོངས་གཙོ་བོ་གཏན་འཁེལ་བྱས་ཡོད།
བསྒྲགས་པ་ལྟར་ན། འཐབ་ཇུས་དེ་གཉིས་ཀྱི་ཡུན་ཚད་ནི2030བར་སྟེ་ལོ་ངོ་ལྔ་ཡིན་པ་དང་། དམིགས་བསལ་གྱི་གནས་ཚུལ་ལ་གཞིགས་ནས་དེ་རྒྱ་བསྐྱེད་དང་གསར་བསྒྱུར། བཟོ་བཅོས་བཅས་བྱས་ཆོག་པ་རེད།
ཨུ་རུ་སི་དཀར་པོ་ནི2024ལོར་ཧྲང་ཧེ་མཉམ་ལས་རྩ་འཛུགས་ཀྱི་ཁོངས་གཏོགས་རྒྱལ་ཁབ་དང་གསེར་གྱོམ་རྒྱལ་ཁབ་ཀྱི་གྲོགས་པོའི་རྒྱལ་ཁབ་ཏུ་གྱུར་བ་རེད།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注