མདོ་ལ་རྫོང་གིས་ཐབས་མང་མཉམ་སྤྱད་ཀྱིས་སྐྱེ་ཁམས་རྣམ་པའི་གསར་དར་མཁར་གྲོང་བསྐྲུན།

ཉེ་བའི་ལོ་ཤས་རིང་། མདོ་ལ་རྫོང་གིས་ཞིང་ཆེན་དང་པུའུ་ཡིས་མཐོ་སྒང་གི་མཛེས་སྡུག་མཁར་གྲོང་བསྐྲུན་པའི་ཚོད་ལྟ་གནས་དང་རྫོང་མཁར་ནི་རྟེན་གཞི་གཙོ་བོ་རུ་བཟུང་བའི་མཁར་གྲོང་ཅན་གྱི་འཛུགས་སྐྲུན་དེ་གོ་སྐབས་སུ་བྱས་ཤིང་། སྐྱེ་ཁམས་རྣམ་པའི་གསར་དར་མཁར་གྲོང་འཛུགས་སྐྲུན་བྱ་རྒྱུ་དེ་བྱེད་ཐབས་བྱེ་བྲག་པར་བཟུང་ནས་གསར་དར་མཁར་གྲོང་ཅན་གྱི་འཛུགས་སྐྲུན་ལ་གྲུབ་འབྲས་མངོན་གསལ་ཐོན།

མཁར་གྲོང་གི་འཆར་འགོད་གྲུབ་སྟངས་ལ་ལྗང་མདོག་ཅན་མངོན་འགྱུར་བྱུང་། སྔོ་ལྗང་སྤྱི་གླིང་དང་ཨ་མྱེས་སྟོང་སོའི་བྱང་འདབས་ཀྱི་སྐྱེ་ཁམས་སླར་གསོ། གྲོང་ཁྱེར་གསོ་འཁྱོངས་སོགས་སྐྱེ་ཁམས་ཞིག་གསོའི་ལས་གཞི་གལ་ཆེན་སྔ་རྗེས་སུ་ལེགས་འགྲུབ་བྱུང་ཞིང་། མཁར་ཤར་སྔོ་ལྗང་དང་རླུང་འཁོར་ཐང་ཆེན། ཤུག་སྡོང་གླིང་ག བཙུན་མོ་ཐང་ཆེན་སོགས་ཁྲོམ་གཞུང་གི་སྤྱི་གླིང7བསྐྲུན་ཡོད། “ལྗང་སྣོན་དང་ལྗང་སྲུང་། བསྐྱར་ལྗང”ལས་གྲྭ་ཤུགས་ཆེན་པོས་ལག་ཏུ་བསྟར། སྔོ་ལྗང་ཆད་གསབ་འདེབས་འཛུགས་དང་ནད་འབུའི་གནོད་འཚེ་སྔོན་འགོག སྡོང་ཕྲུག་ལ་ཆུ་འདྲེན། ལྡུམ་རྩྭ་ཞིག་གསོ་སོགས་ཀྱི་རྒྱུན་ལྡན་བདག་སྐྱོང་ལས་དོན་ཁྱོན་ཡོངས་ནས་སྤེལ། སྔོ་ལྗང་ཁེབས་པའི་སའི་རྒྱ་ཁྱོན་ལ་སྨི་གྲུ་བཞི་མ་ཁྲི20.28དང་། མངའ་ཁོངས་ནང་གི་ལྗང་བསྒྱུར་ཁེབས་ཚད་རྒྱ་ཁྱོན་སྤྱི་ཆིངས160ཡིན། ལྗང་བསྒྱུར་ཁེབས་ཚད39%ལ་སླེབས་ཡོད།

གད་སྙིགས་བཙོག་ཆུའི་ཐག་གཅོད་ལ་ཚད་ལྡན་ཅན་མངོན་འགྱུར་བྱུང་། 《བཙོག་ཆུའི་ཐག་གཅོད་བཟོ་གྲྭའི་ཞིབ་དཔྱད་དོ་དམ་བྱེད་ཐབས》《བཙོག་ཆུའི་ཐག་གཅོད་བཟོ་གྲྭའི་ཞིབ་དཔྱད་ལམ་སྲོལ》བཟོས་ཡོད་ཅིང་། དུས་ཚོད་ནང་ལྟར་བཙོག་ཆུའི་ཐག་གཅོད་བཟོ་གྲྭའི་ལས་དོན་ལ་རྟོག་འདོམས་ཞིབ་བཤེར་བརྒྱུད་མཁར་གྲོང་བཙོག་ཆུ་ཐག་གཅོད་ཚད92.4%ཡིན། དུས་མཚུངས་སུ། ཡུལ་གྲོང་གི་འཚོ་བའི་གད་སྙིགས་ཐག་གཅོད་མཉམ་འགུལ་ལྟ་སྐུལ་ནུས་ཤུགས་མུ་མཐུད་ཤུགས་བསྣན་ཞིང་། 《མདོ་ལ་རྫོང་འཚོ་བའི་གད་སྙིགས་ཐག་གཅོད་ལས་དོན་མཉམ་འབྲེལ་ལས་དོན་ལམ་སྲོལ》《མདོ་ལ་རྫོང་ཡུལ་གྲོང་འཚོ་བའི་གད་སྙིགས་ཐག་གཅོད་ར་བའི་འཁོར་སྐྱོད་དོ་དམ་ལམ་སྲོལ》འཐུས་ཚང་དུ་བཏང་། དཔྱད་ཞིབ་ཚད་གཞི་ལུགས་མཐུན་གཏན་འཁེལ་སྒོས“རྒྱུན་ལྡན་སྐོང་བཤེར་དང་དུས་བཀག་ཞིབ་དཔྱད”ལམ་ལུགས་ལག་ཏུ་བསྟར་ནས་འཚོ་བའ་ིགད་སྙིགས་ཐག་གཅོད་ལམ་ལུགས་ཅན་གྱི་དོ་དམ་ལམ་སྲོལ་ཆགས།

ཁོར་སྲུང་བྱ་བའི་དོ་དམ་ཞིབ་ཚགས་ཅན་མངོན་འགྱུར་བྱུང་། “མི་སྣ་དང་ལས་གནས། འོས་འགན། ལམ་དུམ་གཏན་འཁེལ”གྱི་དྲ་མིག་ཅན་དོ་དམ་དང“མི་འཕྲུལ་ཟུང་འབྲེལ་དང་འཕྲུལ་ཆས་གཙོ་བོ”ཡི་གཙང་སྦྲའི་ལས་སྟངས་བེད་སྤྱད་དེ། གཙང་ཕྱགས་རླངས་འཁོར་དང་གཞུང་ལམ་གཙོ་ཕལ་གྱི་ཁོར་སྲུང་ནུས་ཤུགས། སྲང་ལམ་ཆེ་ཆུང་གི་བཅོས་སྒྲིག་ནུས་ཤུགས་རྩ་འཛུགས་སྒོས“ཉིན་ལམ་དང་མཚན་མོའི”ལས་རེས་བྱས་ཏེ་ཁོར་སྲུང་བྱ་བ་ལ་ལོང་ཁུལ་མེད་པ་བྱས་ནས་མང་ཚོགས་ཀྱི་བློ་ཡིད་ཚིམས་ཚད་དང་སྐྱིད་སྣང་བཅས་ཟམ་མི་ཆད་པར་མཐོ་རུ་བཏང་།