དབྱི་སི་རལ་གྱི་ཙུང་ཐུང་གིས་སྔར་ལས་ལྷག་པའི་སྒོ་ནས་ཀྲུང་གོའི་བར་གྱི་མཛའ་མཐུན་བརྗེ་རེས་མཉམ་ལས་གཏིང་ཟབ་ཏུ་སྤེལ་འདོད་ཡོད་པའི་ཚུལ་བསྟན།

དབྱི་སི་རལ་གྱི་ཙུང་ཐུང་ཧི་ཨར་ཙོ་ཀི་ཡིས་ཚེས15ཉིན་བསྟན་དོན། ཀྲུང་གོ་ནི་དབྱི་སི་རལ་གྱི་མཉམ་ལས་གྲོགས་པོ་གལ་ཆེན་ཡིན་པ་དང་། དབྱི་སི་རལ་ཕྱོགས་ཀྱིས་ཀྲུང་གོའི་བར་གྱི་འབྲེལ་བ་འཕེལ་རྒྱས་སུ་འགྲོ་བར་མཐོང་ཆེན་བྱེད་ལ། རྒྱལ་ཁབ་གཉིས་དང་རྒྱལ་ཁབ་གཉིས་ཀྱི་མི་དམངས་བར་གྱི་སྲོལ་རྒྱུན་མཛའ་བརྩེ་གཙོར་བཟུང་ཡོད། དབྱི་སི་རལ་ཕྱོགས་ཀྱིས་སྔར་ལས་ལྷག་པའི་སྒོ་ནས་ཀྲུང་གོའི་བར་གྱི་ཁྱབ་ཁོངས་སོ་སོའི་མཛའ་མཐུན་བརྗེ་རེས་མཉམ་ལས་གཏིང་ཟབ་ཏུ་སྤེལ་ནས། ཕྱོགས་གཉིས་ཀྱི་འབྲེལ་བ་སྐས་རིམ་གསར་བ་ཞིག་ཏུ་བསླེབས་པར་སྐུལ་འདེད་གཏོང་འདོད་ཡོད་ཟེར།

ཧི་ཨར་ཙོ་ཀི་ཡིས་ཉིན་དེར་ཙུང་ཐུང་བཞུགས་ཤག་ནས་དབྱི་སི་རལ་དུ་སྡོད་པའི་ཀྲུང་གོའི་གཞུང་ཚབ་ཆེན་མོ་ཞའོ་ཅུན་ཀྲིན་གྱིས་སྤྲད་པའི་རྒྱལ་ཡིག་དང་ལེན་བྱེད་སྐབས་གོང་གི་སྐད་ཆ་དེ་བཤད་པ་རེད།

ཞའོ་ཅུན་ཀྲིན་གྱིས་བསྟན་དོན། ཀྲུང་གོ་དང་དབྱི་སི་རལ་བར་འབྲེལ་བ་བཙུགས་ནས་ལོ་ངོ33འགོར་བའི་རིང་ལ། རྒྱལ་ཁབ་གཉིས་ཀྱིས་ཐོག་མཐའ་བར་གསུམ་དུ་ཕན་ཚུན་བརྩི་འཇོག་དང་མཉམ་ལས་གཉིས་རྒྱལ་གྱི་རྩ་དོན་བརྩི་སྲུང་བྱས་པ་དང་། མཉམ་ལས་གྲུབ་འབྲས་ཀྱིས་རྒྱལ་ཁབ་གཉིས་ཀྱི་མི་དམངས་ལ་བདེ་སྐྱིད་བསྐྲུན་ཡོད། ཀྲུང་གོ་དང་དབྱི་སི་རལ་གྱི་མཛའ་བརྩེ་ཟབ་མོ་དང་ལྷག་བསམ་རྣམ་དག་གི་འབྲེལ་བ་ནི་དངོས་ཡོད་ཀྱི་ཉམས་སད་དང་ཡུན་རིང་གི་འགྲན་རྩོད་ཁྲོད་ནས་ཆགས་པ་ཡིན་པས་རྩ་ཆེན་ཡིན། འགྲན་རྩོད་ཀྱི་མདུན་ནས་ཀྲུང་གོ་དང་དབྱི་སི་རལ་གྱི་འབྲེལ་བར་བབ་བསྟུན་དང་སྣ་མང་ཕུན་ཚོགས་ཀྱི་རྣམ་པ་མངོན་ཡོད། ཀྲུང་གོ་ཕྱོགས་ཀྱིས་དབྱི་སི་རལ་ཕྱོགས་དང་མཉམ་དུ་རྒྱལ་ཁབ་གཉིས་ཀྱི་མགོ་ཁྲིད་པའི་ཐུན་མོང་ལྟ་ཚུལ་དངོས་འབེབས་བྱས་ཏེ། ཀྲུང་གོ་དང་དབྱི་སི་རལ་གྱི་ཕྱོགས་ཡོངས་ཀྱི་གྲོགས་པོའི་འབྲེལ་བ་མུ་མཐུད་དུ་འཕེལ་རྒྱས་སུ་འགྲོ་བར་སྐུལ་འདེད་གཏོང་འདོད་ཡོད་ཟེར།