དབྱི་སི་རལ་གྱི་དམག་དཔུང་གིས་ཅཱ་ཧྲའི་ས་ཁུལ་མང་བོར་འགས་གཏོར་བཏང་ནས་ཉུང་མཐར་ཡང་མི31རྐྱེན་ལམ་དུ་ཤོར།

ཕཱ་ལེ་སི་ཐན་གྱི་ཅཱ་ཧྲ་ས་ཁུལ་གྱི་དམངས་སྲུང་སྡེ་ཁག་གི་མགྲིན་ཚབ་པ་པཱ་སཱ་ལེ་ཡིས་ཚེས8ཉིན་བཤད་རྒྱུར། དབྱི་སི་རལ་གྱི་དམག་དཔུང་གིས་ཉིན་དེར་ཅཱ་ཧྲའི་ས་ཁུལ་མང་བོར་བར་སྣང་འཇབ་རྒོལ་བྱས་ཏེ། ཉུང་མཐར་ཡང་མི31རྐྱེན་ལམ་དུ་ཤོར་ཡོད་ཟེར།

པཱ་སཱ་ལེ་ཡིས་ཞིན་ཧྭ་གསར་འགྱུར་ཁང་གི་གསར་འགོད་པའི་བཅར་འདྲི་དང་ལེན་བྱེད་སྐབས་བཤད་རྒྱུར། དབྱི་སི་རལ་གྱི་དམག་དཔུང་གི་འཐབ་འཛིང་གནམ་གྲུས་ཉིན་དེར་ཅཱ་ཧྲ་མཁར་གྱི་ཤར་ལྷོའི་ཕྱོགས་ཀྱི་ཙེ་ཐུང་སྡེ་ཁུལ་དང་བྱང་ངོས་ཀྱི་ཞེ་ཧི་ལཱ་ཏི་ཝན་སྡེ་ཁུལ་དུ་འགས་གཏོར་བཏང་སྟེ། མི་དྲུག་རྐྱེན་ལམ་དུ་ཤོར་བ་དང་། མི་མང་བོར་རྨས་ཕོག དེ་མིན་དབྱི་སི་རལ་གྱི་དམག་དཔུང་གིས་ཅཱ་ཧྲའི་ལྷོ་ཕྱོགས་ཀྱི་ཧན་ཡུག་ནེ་སི་དང་ཧན་ཡུག་ནེ་སིའི་ནུབ་ངོས་ཀྱི་མཱ་ཝ་ཞི་ས་ཁུལ། ཤར་ངོས་ཀྱི་སྡེ་ཁུལ་གཅིག་བཅས་ལ་འགས་གཏོར་བཏང་སྟེ། བུད་མེད་དང་བྱིས་པ་འདུས་པའི་མི17རྐྱེན་ལ་དུ་ཤོར་བ་དང་། ཅཱ་ཧྲའི་དབུས་ཕྱོགས་ཀྱི་ཏའེ་ཨར་པེད་ལཱ་ཧི་གྲོང་ཁྱེར་དང་ཅཱ་ཧྲའི་བྱང་ངོས་ཀྱི་ཅེ་པཱ་ལེ་ཡེ་ས་ཁུལ་དུ་དབྱི་སི་རལ་གྱི་དམག་དཔུང་གིས་འགས་གཏོར་བཏང་སྟེ་མི8རྐྱེན་ལམ་དུ་ཤོར་ཡོད་ཟེར།