2024ལོར་མཚོ་སྔོན་གྱིས་ལས་ཞུགས་མ་བྱས་པའི་མཐར་ཕྱིན་སློབ་མ་ཁྲི་གཅིག་དང་སྟོང་ལྔའི་ལས་ཞུགས་ཐད་རོགས་འདེགས་བྱས།
ཟླ1པོའི་ཚེས7ཉིན། གསར་འགོད་པས་མཚོ་སྔོན་ཞིང་ཆེན་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིན་ནས་རྒྱུས་ལོན་བྱུང་བ་ལྟར་ན། 2024ལོར་ཞིང་ཆེན་ཡོངས་སུ་སློབ་མཐར་ཕྱིན་ཡང་ལས་ཞུགས་མ་བྱས་པའི་མཐོ་རིམ་སློབ་གྲྭའི་མཐར་ཕྱིན་སློབ་མ་ཁྲི་གཅིག་དང་སྟོང་དྲུག་བརྒྱད་བརྒྱ་ཐོ་འགོད་བྱས་པ་དང་། མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིན་གྱིས་ཚོང་རའི་མི་ཤུགས་ཐོན་ཁུངས་བཀོད་སྒྲིག་ཁྲོད་ཀྱི་ནུས་པ་འདོན་སྤེལ་གང་ལེགས་བྱས་ནས། མཐོ་རིམ་སློབ་གྲྭའི་མཐར་ཕྱིན་སློབ་མའི་ལས་ཞུགས་ཞབས་ཞུའི་ཕན་ལྡན་རང་བཞིན་དང་ཁ་གཏད་རང་བཞིན་ཇེ་དྲག་ཏུ་བཏང་བ་དང་། མཐོ་རིམ་སློབ་གྲྭའི་མཐར་ཕྱིན་སློབ་མ་སོགས་མི་ཚོགས་གཙོ་བོའི་ཚོང་ར་ཅན་དང་སྤྱི་ཚོགས་ཅན་གྱི་ལས་ཞུགས་ལ་སྐུལ་འདེད་བཏང་སྟེ། མི་ཁྲི་གཅིག་དང་སྟོང་ལྔ་ཉིས་བརྒྱ་ཡིས་ལས་ཞུགས་ལས་སྐྲུན་བྱས་པ་དང་། ལས་ཞུགས་རོགས་སྐྱོར་བྱེད་ཚད་བརྒྱ་ཆའི་དགུ་བཅུ་ལྷག་ལ་སླེབས།
2024ལོའི་ཟླ12པར། ཞིང་ཆེན་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིན་གྱིས་ཟླ་གཅིག་རིང་གི་དུས་ཚོད་སྤྱད་དེ་ཞིང་ཆེན་ཡོངས་ཀྱི་ཁྱབ་ཁོངས་ནང་མི་ཤུགས་ཐོན་ཁུངས་ཚོང་རའི་མཐོ་རིམ་སློབ་གྲྭའི་མཐར་ཕྱིན་སློབ་མའི་ལས་ཞུགས་ཆེད་དོན་འགུལ་སྐྱོད་སྤེལ་ནས། རྒྱ་ཆེའི་མཐོ་རིམ་སློབ་གྲྭའི་མཐར་ཕྱིན་སློབ་མར་གནད་ཕིགས་ལས་ཞུགས་ཀྱི་ཞབས་ཞུ་འདོན་སྤྲོད་བྱས་པ་དང་། སྤུས་ཚད་མཐོ་བའི་ལས་ཞུགས་ལ་སྐུལ་འདེད་བཏང་། བྱ་འགུལ་སྤེལ་སྐབས། བསྡོམས་པས་རིགས་མི་འདྲ་བའི་ཆེད་དོན་མི་བསྡུ་ཚོགས་འདུ་ཐེངས་བརྒྱ་དང་དྲུག་ཅུ་ལྷག་བསྡུས་པ་དང་། དྲ་ཐོག་ནས་ཐད་གཏོང་བྱེད་པ་བརྒྱུད་དེ་ལས་རྐང་མཚམས་སྦྱོར་དང་ལས་ཞུགས་མཛུབ་སྟོན་བྱེད་པ་སོགས་ཀྱི་བྱ་འགུལ་ཐེངས་བརྒྱ་དང་ལྔ་བཅུ་ལྷག་སྤེལ་ནས། ཞིང་ཆེན་ནང་ཁུལ་གྱི་ཁེ་ལས་སྟོང་གཉིས་ལྷག་ནང་འགུག་དང་ལས་ཞུགས་ལས་རྐང་ཁྲི་གཉིས་དང་སྟོང་ལྔ་ལྷག་སྡུད་རུབ་བྱས་པ་དང་། མི་སྟོང་གཉིས་དང་བཞི་བརྒྱ་ལྷག་གིས་ལས་ཞུགས་འདོད་བློ་བཀོད།
ཆེད་ལས་ཅན་དང་གཏན་འཇགས་རྣམ་པ། རིགས་ཆུང་བའི་ཡུལ་དངོས་མི་བསྡུ་བྱ་འགུལ་བསྡུ་ཚད་ཇེ་མང་དུ་བཏང་བ་དང་། མི་བསྡུའི་སྦྲེལ་མཐུད་ལས་ཆོས་རྒྱུན་མ་ཆད་པར་ཇེ་མཐོར་བཏང་། རིགས་མི་འདྲ་བའི་མི་ཤུགས་ཐོན་ཁུངས་ཞབས་ཞུའི་ལས་ཁུངས་སོ་སོས་མི་བསྡུ་བྱ་འགུལ་རབ་དང་རིམ་པ་སྤེལ་བ་དང་། གཅིག་བསྡུས་སྒོས་མི་བསྡུ་ལས་རྐང་ཆ་འཕྲིན་སྒྲོག་སྤེལ་དང་བརྗེ་སྤོར་བྱས་ལ། དྲ་ཐོག་ཡུལ་དངོས་ནས་མཉམ་དུ་ཤུགས་བཏོན་ནས། ཁེ་ལས་ཀྱིས་འཇོན་མི་ནང་འགུག་དང་མཐར་ཕྱིན་སློབ་མའི་ལས་འཚོལ་ཐད་བརྒྱུད་རིམ་ཧྲིལ་བོའི་སྦྲེལ་མཐུད་སྟེགས་བུ་བཙུགས། མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཅུའུ་ཡི་ཅུའུ་ཀྲང་སློབ་རར་བསྐྱོད་པའི་བྱ་འགུལ་སྤེལ་བ་དང་། སྤྱི་ཐུན་དང་བདག་གཉེར་རང་བཞིན་གྱི་མི་ཤུགས་ཐོན་ཁུངས་ཞབས་ཞུའི་ལས་ཁུངས་རྩ་འཛུགས་བྱས་ནས་སློབ་རར་བསྐྱོད་དེ་མཐོ་རིམ་སློབ་གྲྭའི་མཐར་ཕྱིན་སློབ་མ་དང་ངོ་ཐུག་བརྗེ་རེས་དང་མཛུབ་ཁྲིད་བྱས། ས་ཁུལ་དང་ལས་རིགས། ཁྱབ་ཁོངས་བགོས་ནས་ཐད་གཏོང་བརྒྱུད་དེ་ཁེ་ལས་འཚོལ་ཞིབ་དང་ཐད་གཏོང་བརྒྱུད་དེ་ལས་རྐང་ངོ་སྤྲོད་བྱེད་པ་སོགས་ཀྱི་བྱ་འགུལ་སྤེལ་ནས། མཐོ་རིམ་སློབ་གྲྭའི་མཐར་ཕྱིན་སློབ་མའི་ལས་ཞུགས་ཁྲོད་ཀྱི་དོགས་གནད་དང་དཀའ་གནད་ལ་ཕྱིར་ལན་བཏབ་པ་དང་། སྲིད་ཇུས་སྣ་ཚོགས་ཀྱིས་སྐུལ་སློང་གི་ཕན་ནུས་འདོན་སྤེལ་བྱེད་པར་སྐུལ་འདེད་བཏང་།
དེ་དང་མཉམ་དུ། མཐོ་རིམ་སླཽབ་གྲྭའི་མཐར་ཕྱིན་སློབ་མའི་ལས་ཞུགས་ཞབས་ཞུའི་མཁྲེགས་གཏོར་འགུལ་སྐྱོད་གཏིང་ཟབ་ཏུ་སྤེལ་བ་དང་། ལས་རྐང་ངོ་སྤྲོད་སྦྲེལ་མཐུད་དང་ལས་ཞུགས་མཛུབ་སྟོན་ཞབས་ཞུ་བཟང་བོར་བསྒྲུབ་པའི་ཞོར་དུ། རིགས་བགར་ནས་ཁེ་ལས་ནང་འགུག་དང་གཞི་རིམ་ལས་ཞུགས། རང་བདག་ལས་སྐྲུན་སོགས་ཀྱི་སྲིད་ཇུས་ལག་བསྟར་བྱས་པ་དང་། ཆེད་དོན་འགུལ་སྐྱོད་ཀྱི་མཚན་སྙན་ཇེ་ཆེར་བཏང་ནས། མཐར་ཕྱིན་སློབ་མ་ཚོང་ར་ཅན་དང་སྤྱི་ཚོགས་ཅན་དུ་བསྒྱུར་བ་དང་གཞི་རིམ་དུ་ལས་ཞུགས་བྱེད་པར་སྐུལ་འདེད་བཏང་།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注