ཨོ་སི་ཁྲུ་རི་ཡཱའི་ཕྱི་འབྲེལ་བློན་ཆེན་ཧྲ་ལོན་པེ་ཀི་ཡིས་ལྟ་སྐྱོང་སྲིད་གཞུང་གི་ཙུང་ལི་གསར་བའི་འགན་ཁུར་རྒྱུ་རེད།

ཨོ་སི་ཁྲུ་རི་ཡཱའི་སྨྱན་བྱད་ཀྱིས་ཚེས8ཉིན་བསྒྲགས་པ་ལྟར་ན། ཨོ་སི་ཁྲུ་རི་ཡཱའི་ཕྱི་འབྲེལ་བློན་ཆེན་ཧྲ་ལོན་པེ་ཀི་ཡིས་ཚེས10ཉིན་ལྟ་སྐྱོང་སྲིད་གཞུང་གི་ཙུང་ལི་གསར་བའི་འགན་ཁུར་རྒྱུ་རེད་ཟེར།

ཨོ་སི་ཁྲུ་རི་ཡཱའི་གསར་འགྱུར་ཁང་གིས་བསྒྲགས་པ་ལྟར་ན། ཙུང་ཐུང་ཧྥ་ཏི་པེ་ལོན་གྱིས་ཚེས10ཙུང་ཐུང་བཞུགས་ཤག་ནས་ཧྲ་ལོན་པེ་ཀི་ལྟ་སྐྱོང་སྲིད་གཞུང་གི་ཙུང་ལི་གསར་བར་བསྐོ་འཇོག་བྱས་ཏེ། དེའི་སྔོན་ལས་ཁུར་དགོངས་ཞུ་བྱེད་རྒྱུ་ཁྱབ་བསྒྲགས་བྱས་པའི་ཙུང་ལི་ནེ་ཧཱ་མའོ་ཡི་ཚབ་ཏུ་ལྟ་སྐྱོང་སྲིད་གཞུང་གི་མགོ་ཁྲིད་དེ་སྐབས་གསར་བའི་རྒྱལ་ཕྲན་མཉམ་འབྲེལ་སྲིད་གཞུང་རྩ་འཛུགས་བྱེད་རག་བར་འགན་ཁུར་རྒྱུ་རེད་ཟེར།

དེ་ནི་ཧྲ་ལོན་པེ་ཀི་ཡིས་ཐེངས་གཉིས་པར་ཨོ་སི་ཁྲུ་རི་ཡཱའི་ཙུང་ལིའི་འགན་ཁུར་བ་རེད། ཁོས2021ལོར་དུས་ཡུན་ཐུང་ངུ་ཟླ་ངོ་གཉིས་རིང་ཙུང་ལིའི་འགན་ཁུར་མྱོང་།

ཧྲ་ལོན་པེ་ཀི་ཡིས་ཚེས7ཉིན་བསྟན་དོན། གལ་ཏེ་ཁོ་ཡོད་སའི་མི་དམངས་ཏང་དང་ཅི་ཁི་ཨར་གྱིས་མགོ་ཁྲིད་པའི་རང་དབང་ཏང་གིས་མཉམ་འབྲེལ་གྱིས་སྐབས་གསར་བའི་སྲིད་གཞུང་རྩ་འཛུགས་བྱས་ནས། ཁོས་ཕྱི་འབྲེལ་བློན་ཆེན་གྱི་འགན་མུ་མཐུད་དུ་ཁུར་བར་བརྩོན་ལེན་བྱེད་མི་སྲིད་ཟེར།