སི་རི་ཡའི་ཏ་མ་སི་ཁུ་རྒྱལ་སྤྱིའི་གནམ་གྲུ་ཐང་གིས་རྒྱལ་སྤྱིའི་མཁའ་ལམ་འཁོར་སྐྱོད་སླར་གསོ་བྱ་རྒྱུ་རེད།

ཚེས4ཉིན། སི་རི་ཡའི་གསར་འགྱུར་ཁང་གིས་སི་རི་ཡའི་བར་བརྒལ་སྲིད་གཞུང་གི་དམངས་སྤྱོད་མཁའ་འགྲུལ་སྡེ་ཁག་གི་འགན་འཁུར་བ་ཨ་ཧྲི་ཧ་ཏི·ས་ལེ་པིས་ཀྱི་སྐད་ཆ་དྲངས་ནས་བཤད་པ་ལྟར་ན། སི་རི་ཡའི་རྒྱལ་ས་ཏ་མ་སི་ཁུ་རྒྱལ་སྤྱིའི་གནམ་གྲུ་ཐང་གིས་ཟླ་འདིའི་ཚེས7ཉིན་ནས་བཟུང་རྒྱལ་སྤྱིའི་མཁའ་ལམ་འཁོར་སྐྱོད་སླར་གསོ་བྱ་རྒྱུ་རེད།

2024ལོའི་ཟླ12པའི་ཚེས8ཉིན།“སི་རི་ཡའི་ཧྲ་མུའུ་བཅིངས་འགྲོལ་དྲག་ཤུགས”གིས“ཏ་མ་སི་ཁུ་བཅིངས་འགྲོལ་དང་ཨ་ས་ཏེ་སྲིད་དབང་མགོ་རྟིང་སློག་རྒྱུ”ཁྱབ་བསྒྲགས་བྱས་པ་རེད། སི་རི་ཡའི་ཏ་མ་སི་ཁུ་དང་ཨ་ལེ་ཕོ་སོགས་ས་ཁུལ་གྱི་གནམ་གྲུ་ཐང་གནས་སྐབས་ཤིག་གི་རིང་འཁོར་སྐྱོད་བྱེད་མཚམས་བཞག་ཡོད། ཟླ12པའི་ཚེས10ཉིན།སི་རི་ཡའི་བར་བརྒལ་སྲིད་གཞུང་གིས་དབང་ཆ་དངོས་སུ་རྩིས་ལེན་བདག་སྤྲོད་བྱས་པ་དང་། ཏ་མ་སི་ཁུ་རྒྱལ་སྤྱིའི་གནམ་གྲུ་ཐང་གིས་ཟླ་དེའི་ཚེས18ཉིན་རྒྱལ་ནང་གི་མཁའ་ལམ་སླར་གསོ་བྱས་པ་རེད།