བྱང་ཆིངས་ཀྱི་འགོ་ཁྲིད་ཀྱིས་ཡུག་རེན་ཐད་འདི་ལྟར་བཤད་འདུག
ནུབ་རྒྱ་མཚོ་ཆེན་མོ་བྱང་མའི་སྤྱི་ཆིངས་རྩ་འཛུགས་ཀྱི་དྲུང་ཡིག་ཆེན་མོ་མཱ་ཁི་ལུའེ་ཐེ་ཡིས་ཚེས་19ཉིན་པུར་ཀ་རི་ཡར་འཚམས་འདྲི་བྱེད་སྐབས། བྱང་ཆིངས་རྩ་འཛུགས་ཀྱི་ཁོངས་ཞུགས་རྒྱལ་ཁབ་ལ་ཡུག་རེན་དང་བདེ་འཇགས་ཁྱབ་ཁོངས་ཀྱི་ཕྱོགས་གཉིས་ཀྱི་གྲོས་ཆིངས་ལ་མིང་རྟགས་འགོད་པའི་འོས་འགན་མེད་ཟེར།
ལུའེ་ཐེ་ཡིས། ཉིན་དེར་པུར་ཀ་རི་ཡའི་ལྟ་སྲུང་ནང་བློན་ཁང་གི་ཕྱི་འབྲེལ་པུའུ་ཀྲང་ཁང་ཏུའོ་ཧྥུ་དང་རྒྱལ་སྲུང་པུའུ་ཀྲང་ཀྲ་ཕུའུ་ལི་ཡ་ནོ་ཧྥུ་དང་མཉམ་འབྲེལ་གསར་འགྱུར་གསལ་བསྒྲགས་སྤེལ་བ་མ་ཟད་གསར་འགོད་པའི་དྲི་བར་ལན་ཡང་བཏབ་པ་རེད། ལུའེ་ཐེ་ཡིས་གསར་འགོད་པའི་དྲི་བར་ལན་འདེབས་སྐབས་བྱང་ཆིངས་རྩ་འཛུགས་ཀྱི་ཁོངས་ཞུགས་རྒྱལ་ཁབ་ལ་ཡུག་རེན་དང་ཕྱོགས་གཉིས་པོའི་བདེ་འཇགས་གྲོས་མཐུན་ལ་མིང་རྟགས་འགོད་པའི་འོས་འགན་མེད། བྱང་ཆིངས་རྩ་འཛུགས་ཀྱི་ཁོངས་ཞུགས་རྒྱལ་ཁབ་ཁ་ཤས་ཀྱིས་ཡུག་རེན་དང་འབྲེལ་ཡོད་གྲོས་མཐུན་བཞག་ཟིན་པ་དང་། ཁོངས་ཞུགས་རྒྱལ་ཁབ་ཁ་ཤས་ཀྱིས་སྔར་བཞིན་དེའི་སྐོར་གྲོས་མོལ་བྱེད་བཞིན་ཡོད་མོད། འོན་ཀྱང་གལ་ཆེ་ཤོས་ནི་འབྲེལ་ཡོད་ཕྱོགས་ལ་དམག་དོན་རོགས་སྐྱོར་ཐོབ་པར་འགན་སྲུང་ཏན་ཏིག་བྱ་རྒྱུ་དེ་རེད་ཅེས་བཤད།
ལུའེ་ཐེ་ཡིས། ད་དུང་བྱང་ཆིངས་རྩ་འཛུགས་ཀྱི་ཁོངས་ཞུགས་རྒྱལ་ཁབ་ཚང་མར་ད་ལྟ་རྒྱལ་ཁབ་ཀྱི་སྔོན་རྩིས་མཚལ་ཡིག་གི་གནད་དོན་འཕྲད་ཡོད་ཅེས་བཤད། ཁོ་པས་བྱང་ཆིངས་རྩ་འཛུགས་ཀྱི་ཁོངས་ཞུགས་རྒྱལ་ཁབ་ཀྱིས་རྒྱལ་སྲུང་འགྲོ་སོང་མཐོ་རུ་གཏོང་བ་དང་མ་དངུལ་འཇོག་གྲངས་མང་དུ་གཏོང་བར་འགན་སྲུང་ཏན་ཏིག་གང་ཐུབ་བྱས་ནས། རྒྱལ་སྲུང་བཟོ་ལས་ཀྱི་ཐོན་འབབ་སྔར་ལས་ཆེན་པོ་ཡོང་བར་འགན་སྲུང་ཏན་ཏིག་བྱ་དགོས་པའི་འབོད་སྐུལ་བྱས་པ་རེད།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注