ཀྲུང་གོའི་ཁེ་ལས་ཀྱིས་ཁེན་ནི་ཡ་ནས་ལས་བཟོ་བསྡུ་ཚད་90%ལས་བརྒལ་བ།
ཁེན་ནི་ཡའི་ཀྲུང་གོའི་དཔལ་འབྱོར་ཚོང་དོན་མཐུན་ཚོགས་ཀྱིས་ཁེན་ནི་ཡའི་རྒྱལ་ས་ནེ་རོ་པིར་ཁྱབ་བསྒྲགས་བྱས་པའི་ཀྲུང་གོའི་མ་འཇོག་ཁེ་ལས་ཀྱི་སྤྱི་ཚོགས་འགན་འཁྲིའི་སྙན་ཞུ་ལས་མངོན་པར། 2022ལོ་དང་2023ལོའི་བར་ཀྲུང་གོའི་ཁེ་ལས་ཀྱིས་ཁེན་ནི་ཡར་ས་གནས་དེ་གའི་ལས་མི་ཁྲི་6ལྷག་ཙམ་གླས་པ་དང་རང་སའི་ལས་བཟོ་བསྡུ་ཚད་90%ལས་བརྒལ་ནས་ས་གནས་དེ་གའི་ལས་ཞུགས་ལ་སྐུལ་འདེད་གཏོང་བ་སོགས་ཀྱི་ཐད་དགེ་མཚན་ལྡན་པའི་ལེགས་སྐྱེས་ཕུལ་ཡོད།
《2022ལོ་ནས་2023ལོའི་བར་ཁེན་ནི་ཡ་ཀྲུང་གོའི་མ་འཇོག་ཁེ་ལས་ཀྱི་སྤྱི་ཚོགས་འགན་འཁྲིའི་སྙན་ཞུའི》ནང་འཁོད་དོན་མོང་པ་ས་ནས་ནེ་རོ་པི་བར་གྱི་ལྕགས་ལམ་དང་དེ་བཞིན་ཨ་ཧྥེ་རི་ཁའི་ལས་རིགས་རྩལ་ནུས་ཀྱི་འགྲན་སློང་འགྲན་བསྡུར་སོགས་རྣམ་གྲངས་ལས་ས་གནས་དེ་གའི་གྲོང་མིར་ལས་ཞུགས་ཀྱི་གོ་སྐབས་འབོར་ཆེན་བསྐྲུན་ཡོད། དེ་དང་ཆབས་ཅིག་ཀྲུང་གོའི་ཁེ་ལས་ཁེན་ནི་ཡའི་རྨང་གཞིའི་སྒྲིག་བཀོད་འཛུགས་སྐྲུན་ནང་ཧུར་ཐག་ཞུགས་ནས་ནེ་རོ་པིའི་མྱུར་བགྲོད་གཞུང་ལམ་དང་ཅ་ལི་ས་འོད་ཤུགས་གློག་ཁང་སོགས་རྣམ་གྲངས་གལ་ཆེན་མང་པོ་སྐྲུན་འགན་འཁུར་ཏེ་ས་གནས་དེ་གའི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་རམ་འདེགས་བྱས་ཡོད།
ཁེན་ནི་ཡའི་འགྲིམ་འགྲུལ་པུའི་པུའུ་ཀྲང་གཞོན་པ་མོ་ཧན་མོ་ཏེ·ཏ་ཅར་སོགས་དཔོན་རིགས་སྙན་ཞུ་ཡོངས་བསྒྲགས་ཚོགས་འདུར་ཞུགས་པ་དང་འབྲེལ་ཤིས་ཚིག་ཀྱང་བསྒྲོན་པ་རེད། ཁོང་ཚོས་ཁེན་ནི་ཡ་དང་ཀྲུང་གོའི་དཔལ་འབྱོར་ཚོང་དོན་མཐུན་ཚོགས་ཀྱིས་ཁེན་ནི་ཡ་འཕེལ་རྒྱས་ལ་ལེགས་སྐྱེས་ཕུལ་བར་ཚད་མཐོའི་གདེང་འཇོག་བྱས་པ་དང་འབྲེལ་འབྱུང་འགྱུར་གྱི་མཉམ་ལས་ལ་རེ་སྒུག་ཆེན་པོ་བྱེད་ཀྱི་ཡོད་ལུགས་བརྗོད་པ་རེད།
ཁེན་ནི་ཡར་བཅའ་སྡོད་ཀྲུང་གོའི་གཞུང་ཚབ་ཆེ་མོ་ཁང་གི་གཞུང་ཚབ་དང་ཚན་ཙན་གཅིག་ལྕོགས་ཀྲོའུ་ཀྲེན་ཁྲེང་གིས་ཡོངས་བསྒྲགས་ཚོགས་འདུའི་ཐོག་ཀྲུང་གོའི་མ་འཇོག་ཁེ་ལས་ཀྱིས“རྒྱུད་གཅིག་ལམ་གཅིག”མཉམ་སྐྲུན་གྱི་གྲོས་འགོ་དང་ཁེན་ནི་ཡ“2030ལོའི་རྒྱང་རིང་གི་འཆར་འགོད”སྦྲེལ་མཐུད་གཏིང་ཟབ་བྱ་རྒྱུར་རྒྱུན་མཐུད་སྐུལ་འདེད་བཏང་ནས། ཀྲུང་ཁེན་གྱི་འབྲེལ་བ་འཕེལ་རྒྱས་ལ་སྐུལ་འདེད་གཏོང་བའི་སྟོབས་ཤུགས་གལ་ཆེན་ཞིག་ཏུ་གྱུར་ཡོད་ཅེས་བརྗོད་པ་རེད།
ཁེན་ཀྲུང་དཔལ་འབྱོར་ཚོང་དོན་མཐུན་ཚོགས་ནི་ཁེན་ནི་ཡར་ཡོད་པའི་ཀྲུང་གོའི་མ་འཇོག་ཁེ་ལས་ལས་གྲུབ་པ་ཞིག་རེད། མཐུན་ཚོགས་དེས་ཀྲུང་གོའི་ཁེ་ལས་ཀྱིས་སྦྲེལ་ཟམ་དང་སྒྲོག་ཐག་གི་ནུས་པ་མུ་མཐུད་བཏོན་ནས་རྒྱལ་ཁབ་གཉིས་པོས་དཔལ་འབྱོར་ཚོང་དོན་དང་། རིག་གནས། སློབ་གསོ་སོགས་ཁྱབ་ཁོངས་སུ་སྤེལ་རེས་དང་མཉམ་ལས་བྱེད་པར་སྐུལ་འདེད་གཏོང་གི་ཡིན་ཞེས་བརྗོད་པ་རེད།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注