ཝུའུ་ཁི་ལན་ལ་ཡང་བསྐྱར་ཡོ་རོབ་གླིང་མནའ་འབྲེལ་གྱི་ཡོ་སྒོར་ཐེར་འབུམ་བཞི་དང་དུང་ཕྱུར་གཅིག་གི་ནོར་སྲིད་རོགས་སྐྱོར་ཐོབ།
ཝུའུ་ཁི་ལན་གྱི་ནོར་སྲིད་པུའུ་ཡི་དྲ་ཚིགས་ཀྱིས་ཚེས18ཉིན་སྤེལ་བའི་གནས་ཚུལ་ལྟར་ན། ཝུའུ་ཁི་ལན་ཕྱོགས་ཀྱིས་ཉིན་དེར་ཡོ་རོབ་གླིང་མནའ་འབྲེལ་གྱི་ཝུའུ་ཁི་ལན་གྱི་རོགས་སྐྱོར་ཐེབས་རྩ་བརྒྱུད་དེ་ཡོ་སྒོར་ཐེར་འབུམ་བཞི་དང་དུང་ཕྱུར་གཅིག་གི་ནོར་སྲིད་རོགས་སྐྱོར་ཐོབ་ཡོད་པ་དང་། དེའི་ནང་ཡོ་སྒོར་ཐེར་འབུམ་གཅིག་དང་དུང་ཕྱུར་ལྔ་ནི་ཞལ་འདེབས་མ་དངུལ་རེད་ཟེར།
ཝུའུ་ཁི་ལན་གྱི་ནོར་སྲིད་པུའུ་ཀྲང་མཱ་ཨར་ཆིན་ཁི་ཡིས་བཤད་རྒྱུར། སྐོར་ཐེངས་གསར་བའི་ཡོ་རོབ་གླིང་མནའ་འབྲེལ་གྱི་ནོར་སྲིད་རོགས་སྐྱོར་གྱིས་ཝུའུ་ཁི་ལན་གྱི་སྤྱི་ཚོགས་དང་མི་ཆོས་རིང་ལུགས་ཁྱབ་ཁོངས་ཀྱི་ནོར་སྲིད་འགྲོ་སོང་གནད་དོན་ཐག་གཅོད་བྱེད་ཐུབ་པ་དང་། ཐེངས་འདིའི་རོགས་སྐྱོར་བརྩིས་ནས། ཝུའུ་ཁི་ལན་ལ་ད་ལོར་ཝུའུ་ཁི་ལན་གྱི་རོགས་སྐྱོར་ཐེབས་རྩ་ཡིས་བཀོད་སྒྲིག་བྱས་པའི་རོགས་སྐྱོར་མ་དངུལ་ཚང་མ་འབྱོར་ཡོད་ཟེར། མཱ་ཨར་ཁི་ཆིན་གྱིས་བསྟན་དོན། ཡོ་རོབ་གླིང་མནའ་འབྲེལ་གྱི་ད་ལོར་ཝུའུ་ཁི་ལན་ལ་འདོན་སྤྲོད་བྱས་པའི་ཐད་ཀར་ནོར་སྲིད་རྒྱབ་སྐྱོར་ཡོ་སྒོར་ཐེར་ཆེན་གཅིག་དང་ཐེར་འབུམ་དྲུག་ལས་བརྒལ་ཡོད་ལ། ཝུའུ་ཁི་ལན་གྱི་ཆེས་ཆེ་བའི་ནོར་སྲིད་རོགས་སྐྱོར་ཕྱོགས་ཁག་ཡིན་ཟེར།
ཝུའུ་ཁི་ལན་གྱི་ནོར་སྲིད་པུའུ་ཡིས་བཤད་རྒྱུར། ཝུའུ་ཁི་ལན་གྱི་རོགས་སྐྱོར་ཐེབས་རྩ་ཡིས་སང་ལོར་ཝུའུ་ཁི་ལན་ལ་ཡོ་སྒོར་ཐེར་ཆེན་གཅིག་དང་ཐེར་འབུམ་གཉིས་དུང་ཕྱུར་ལྔའི་ནོར་སྲིད་རོགས་སྐྱོར་འདོན་སྤྲོད་བྱེད་རྒྱུ་ཡིན་ཟེར།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注