འཛམ་གླིང་འཕྲོད་བསྟེན་རྩ་འཛུགས་ཀྱིས་གོ་ལ་ཧྲིལ་པོའི་འཕྲོད་བསྟེན་ཐད་ཀྱི་སྤྱིའི་གཏོང་སྒོ2000ལོའི་ཚུན་གྱི་ཐེངས་དང་པོར་མར་ཆག་པ།

འཛམ་གླིང་འཕྲོད་བསྟེན་རྩ་འཛུགས་ཀྱིས་གོ་ལ་ཧྲིལ་པོའི་འཕྲོད་བསྟེན་ཐད་ཀྱི་སྤྱིའི་གཏོང་སྒོ2000ལོའི་ཚུན་གྱི་ཐེངས་དང་པོར་མར་ཆག་པ།

འཛམ་གླིང་འཕྲོད་བསྟེན་རྩ་འཛུགས་ཀྱིས་ཚེས12ཉིན་ཁྱབ་བསྒྲགས་བྱས་པའི་སྙན་ཞུ་གསར་ཤོས་ལྟར་ན། 2022ལོར་གོ་ལ་ཧྲིལ་པོའི་འཕྲོད་བསྟེན་ཐད་ཀྱི་སྤྱིའི་གཏོང་སྒོ་ཨ་སྒོར་དུང་ཕྱུར་ཁྲི9.8ཟིན་པ་དེ་གོ་ལ་ཧྲིལ་པོའི་རྒྱལ་ནང་ཐོན་སྐྱེད་ཀྱི་སྤྱིའི་རིན་ཐང་གི9.9%ཟིན་པ་རེད། དེ་ནི2000ལོ་ཚུན་དུ་གོ་ལ་ཧྲིལ་པོའི་འཕྲོད་བསྟེན་གྱི་སྤྱིའི་གཏོང་སྒོ་ཐེངས་དང་པོ་མར་ཆག་པ་རེད། 

ཟླ12པའི་ཚེས12ཉིན་ནི་དམངས་ཡོངས་ཀྱི་བདེ་ཐང་ཡོངས་ཁྱབ་ཀྱི་ཉིན་མོ་རེད། འཛམ་གླིང་འཕྲོད་བསྟེན་རྩ་འཛུགས་ཀྱིས་ཉིན་དེར་ཁྱབ་བསྒྲགས་བྱས་པའི《2024ལོའི་གོ་ལ་ཧྲིལ་པོའི་འཕྲོད་བསྟེན་གཏོང་སྒོའི་སྙན་ཞུ》ནང་། 2022ལོར་གོ་ལ་ཧྲིལ་པོའི་ཡོང་འབབ་མཐོ་ཤོས་དང་ཡོང་འབབ་འབྲིང་ཤོས། ཡོང་འབབ་འབྲིང་དམའ་ཤོས། ཡོང་འབབ་དམའ་ཤོས་བཅས་རྒྱལ་ཁབ་ཁག་གི་མི་རེའི་རྒྱལ་ནང་སྤྱི་བའི་འཕྲོད་བསྟེན་གཏོང་སྒོ2021ལོ་དང་བསྡུར་ན་ཇེ་དམའ་རུ་སོང་འདུག

སྙན་ཞུའི་ནང་། ད་དུང་རང་སྤྲོད་གྲོན་དངུལ་ནི་སྔར་བཞིན་ཡོང་འབབ་དམའ་བ་དང་ཡོང་འབབ་འབྲིང་དམའ་ཤོས་རྒྱལ་ཁབ 30ཡི་འཕྲོད་བསྟེན་མ་དངུལ་གྲབས་གསོག་གི་ཡོང་ཁུངས་གཙོ་བོ་རེད། དེའི་ཁྲོད་རྒྱལ་ཁབ20ཡི་ནང་ནས་ཕྱེད་ཀ་ཡན་གྱི་རྒྱལ་ཁབ་ཀྱི་འཕྲོད་བསྟེན་གཏོང་སྒོ་ནི་ནད་པས་འགན་འཁུར་དགོས་པས་དབུལ་ཕོངས་ཀྱི་གནས་ཚུལ་ཇེ་སྡུག་ཏུ་སོང་བ་རེད། 

འཛམ་གླིང་འཕྲོད་བསྟེན་རྩ་འཛུགས་ཀྱིས། འཕྲོད་བསྟེན་ཐད་ཀྱི་སྲིད་གཞུང་གི་གཏོང་སྒོ་དེ་དམངས་ཡོངས་ཀྱི་བདེ་ཐང་ཁྱོན་ཡོངས་ལ་ཁྱབ་པར་བྱ་རྒྱུ་དེ་གལ་འགངས་ཤིན་ཏུ་ཆེ་བ་ཞིག་རེད། གོ་ལ་ཧྲིལ་པོའི་མི་འབོར་དུང་ཕྱུར45ལ་གཞི་རྩའི་འཕྲོད་བསྟེན་ཞབས་ཞུ་ཐོབ་ཐབས་བྲལ་བ་དང་།མི་འབོར་དུང་ཕྱུར20ཡིས་སྨན་བཅོས་འགྲོ་གྲོན་གྱིས་དཔང་གིས་དཔལ་འབྱོར་ལ་དཀའ་ངལ་འཕྲད་ཞིང་། སྲིད་གཞུང་གི་གཏོང་སྒོ་ཁྲོད་འཕྲོད་བསྟེན་གྱི་གཏོང་སྒོ་ཇེ་ཉུང་དུ་གཏོང་བ་ལས་མཇུག་འབྲས་ངན་པ་ཐོན་སྲིད་པ་རེད།