ཁཱ་ན་ཏའི་ཙུང་ལི་གཞོན་པའི་ཞོར་དུ་ནོར་སྲིད་པུའུ་ཀྲང་གི་འགན་ཁུར་མཁན་ཧྥུའུ་ལིས་ལན་གྱིས་ལས་འགན་མི་ཁུར་རྒྱུའི་ཐག་བཅད།
ཁཱ་ན་ཏའི་ཙུང་ལི་གཞོན་པའི་ཞོར་དུ་ནོར་སྲིད་པུའུ་ཀྲང་གི་འགན་ཁུར་མཁན་ཧྥུའུ་ལིས་ལན་གྱིས་ཚེས16ཉིན་ནང་སྲིད་ཁང་གི་འགན་ཁུར་རྒྱུ་ཡིན་པ་ཁྱབ་བསྒྲགས་བྱས།
ཧྥུའུ་ལིས་ལན་གྱིས་སྤྱི་ཚོགས་སྨྱན་སྦྱོང་སྟེང་ཁཱ་ན་ཏའི་ཙུང་ལི་ཐི་ལུའུ་ཏའོ་ལ་བསྐུར་བའི་ཡོངས་བསྒྲགས་འཕྲིན་ཡིག་ནང་བསྟན་དོན། ཐི་ལུའུ་ཏའོ་ཡིས་ཚེས13ཉིན་ཁོ་མོར་ནོར་སྲིད་པུའུ་ཀྲང་གི་འགན་མི་ཁུར་རྒྱུའི་རེ་བ་བཅངས་ཡོད་ཅེས་བཤད་པ་དང་། ཁོ་མོས་ཀྱང་ཡང་དང་བསྐྱར་དུ་བསམ་གཞིགས་བཏང་རྗེས། ལྷག་བསམ་དག་ཅིང་ལག་ལེན་བསྟར་ཐུབ་པའི་ཐབས་ལམ་གཅིག་པུ་ནི་ནང་སྲིད་ཁང་གི་ལས་གནས་ལས་འབབ་རྒྱུ་དེ་རེད་ཟེར།
ཧྥུའུ་ལིས་ལན་གྱིས་འཕྲིན་ཡིག་ནང་འདས་ཟིན་པའི་གཟའ་འཁོར་འགའི་ནང་ཐི་ལུའུ་ཏའོ་བར་དུ་རྒྱལ་ཁབ་ཀྱི་འཕེལ་རྒྱས་ཁ་ཕྱོགས་ཐད་ནས་བསམ་འཆར་མི་འདྲ་བ་བྱུང་བ་ཁས་ལེན་བྱས། དུས་མཚུངས་སུ་ཁོ་མོས། རྒྱལ་ཚོགས་གྲོས་མིའི་གོ་གནས་སྲུང་འཛིན་སོར་འཇོག་བྱེད་རྒྱུ་ཡིན་པ་མ་ཟད་སྐབས་རྗེས་མའི་འདེམ་བསྐོར་ཞུགས་རྒྱུ་ཡིན་པའི་ཚུལ་བསྟན།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注