ཧང་ག་རི་དང་ཨུ་རི་སིའི་འགོ་ཁྲིད་པས་ནུས་ཁུངས་མཉམ་ལས་དང་ཝུའུ་ཁི་ལན་གྱི་གནད་དོན་ཐད་ནས་ཁ་པར་གྲོས་མོལ་བྱས།

ཚེས11ཉིན། ཧང་ག་རིའི་ཙུང་ལི་ཨོ་ཨར་པིན་དང་ཨུ་རི་སིའི་ཙུང་ཐུང་ཕུའུ་ཅིན་གྱིས་ཁ་པར་ལས་གྲོས་མོལ་བྱས་ཏེ། ནུས་ཁུངས་མཉམ་ལས་དང་ཝུའུ་ཁི་ལན་གྱི་གནད་དོན་ཐད་གྲོས་སྡུར་བྱས།

ཧང་ག་རིའི་ཕྱི་འབྲེལ་བློན་ཆེན་དང་ཕྱི་ཕྱོགས་དཔལ་འབྱོར་པུའུ་ཀྲང་ཞི་ཡ་ཨར་ཏོ་ཡིས་གསལ་བསྒྲགས་ཤིག་གི་ནང་བཤད་རྒྱུར། ཁ་པར་གྲོས་མོལ་དེ་དུས་ཚོད་གཅིག་རིང་རྒྱུན་སྲིང་བྱས་པ་དང་། ཨོ་ཨར་པིན་དང་ཕུའུ་ཅིན་གཉིས་ཀྱིས་ངེས་པར་དུ་ནུས་ཤུགས་ཡོད་རྒུ་བཏོན་ནས་ནུས་ཁུངས་མཉམ་ལས་སྲུང་འཛིན་བྱེད་པར་ཡོངས་སུ་འཐད་པ་ཡིན་པའི་ཚུལ་བསྟན། ཕུའུ་ཅིན་གྱིས་ཨུ་རི་སིས་ནུས་ཁུངས་མཉམ་ལས་སྲུང་འཛིན་བྱེད་པར་ནུས་ཤུགས་གང་ཡོད་འདོན་རྒྱུ་མ་ཟད་ཧང་ག་རིའི་ནུས་ཁུངས་མཁོ་འདོན་ལ་འགན་སྲུང་བྱེད་པ་གསལ་བོར་བསྟན།

གསལ་བསྒྲགས་ལས་བཤད་རྒྱུར། ཨ་མེ་རི་ཁ་སྲིད་གཞུང་གིས་ཨུ་རི་སིའི་རང་བྱུང་སོལ་རླངས་བཟོ་ལས་དངུལ་ཁང་ལ་བཀག་སྡོམ་ལག་བསྟར་བྱས་པར་བརྟེན། ཧང་ག་རི་སོགས་ཡོ་རོབ་དབུས་མ་དང་ཡོ་རོབ་ཤར་ལྷོའི་རྒྱལ་ཁབ་ཁ་ཤས་ཤིག་ལ་རང་བྱུང་སོལ་རླངས་དང་ཉིང་རྡུལ་འབར་རྫས་ཐད་ཀྱི་འགྲོ་སོང་སྤྲོད་དཀའ་བའི་སྣང་ཚུལ་བྱུང་དུ་བཅུག་པས། ཨོ་ཨར་པིན་དང་ཕུའུ་ཅིན་གཉིས་ཀྱིས་བལྟས་ན་བྱེད་ཐབས་ཡོད་ཚད་འཚོལ་ཞིབ་བྱས་ནས་གནད་དོན་དེ་ཐག་གཅོད་དགོས་པར་འདོད།

གསལ་བསྒྲགས་ནང་ཝུའུ་ཁི་ལན་གྱི་གནད་དོན་ལ་གཞིགས་ནས། ཨོ་ཨར་པིན་དང་ཕུའུ་ཅིན་གཉིས་ཀྱིས་རྒྱུན་མཐུད་ཐུབ་པའི་ཞི་བའི་ཐག་གཅོད་ཇུས་གཞི་ཇི་ལྟར་མངོན་འགྱུར་བྱེད་པའི་སྐོར་ནས་གྲོས་སྡུར་ཞིབ་མོ་བྱས་ཟེར།