ཨ་རིའི་ཨ་ལིའུ་ཧྲེན་གླིང་ཚོམ་ཉེ་འགྲམ་གྱི་མཚོ་ཁོངས་སུ་ཚད་རིམ6.3ཅན་གྱི་ས་ཡོམ་བྱུང་བ།

ཟླ12པའི་ཚེས8ཉིན་ཨ་རིའི་ཨ་ལ་སི་ཅ་མངའ་སྡེ་ཨ་ལིའུ་ཧྲེན་གླིང་ཚོམ་ཉེ་འགྲམ་གྱི་མཚོ་ཁོངས་སུ་ཚད་རིམ6.3ཅན་གྱི་ས་ཡོམ་བྱུང་ཞིང་། མིག་སྔར་མི་སྣ་ཤི་རྨས་སམ་ཡང་ན་རྒྱུ་ནོར་ལ་གྱོང་གུན་ཐེབས་པའི་སྙན་ཞུ་ཅི་ཡང་འབྱོར་མེད་པ་རེད། 

ཨ་རིའི་ས་གཤིས་བརྟག་ཞིབ་ཅུའུ་ས་ཡོམ་ཆ་འཕྲིན་དྲ་བའི་སྟེང་སྤེལ་བའི་གནས་ཚུལ་ལྟར་ན། ས་གནས་དེ་གའི་དུས་ཚོད་ཚེས8ཉིན་གྱི་ཆུ་ཚོད9དང་སྐར་མ57（པེ་ཅིན་དུས་ཚོད་ཚེས9ཉིན་གྱི་ཆུ་ཚོད3དང་སྐར་མ57）སྟེང་ས་ཡོམ་བྱུང་ཞིང་། ཡོམ་ལྟེ་ཨ་ལིའུ་ཧྲེན་གླིང་ཚོམ་ཨེ་ཏ་ཁེ་གླིང་ཕྲན་གྱི་ལྷོ་ནུབ་ཕྱོགས་ཀྱི་སྤྱི་ལེ107གྱི་སར་གནས་པ་དང་ཡོམ་ཁུངས་ཀྱི་གཏིང་ཚད་སྤྱི་ལེ47.9ཡིན་པ་རེད། 

ཨ་ལིའུ་ཧྲེན་གླིང་ཚོམ་ནི་ཨ་ལ་སི་ཅ་མངའ་སྡེ་དང་རྒྱང་ཐག་རིང་ཞིང་མི་འབོར་ཧ་ཅང་ཉུང་བས་ལོ་མང་གི་ས་ཡོམ་ལས་བྱུང་བའི་གནོད་འཚེ་བལྟོས་བཅས་ཀྱིས་ཅུང་ཆུང་བ་རེད།