ཅཱ་ཧྲའི་མི་ཆོས་རིང་ལུགས་ལ་ཤུགས་སྣོན་བྱེད་པའི་ཁེ་རོའི་པུའུ་ཀྲང་གྲོས་ཚོགས་ཨེ་ཅིབ་ནས་བསྡུས།

ཅཱ་ཧྲའི་མི་ཆོས་རིང་ལུགས་ལ་ཤུགས་སྣོན་བྱེད་པའི་ཁེ་རོའི་པུའུ་ཀྲང་གྲོས་ཚོགས་ཚེས2ཉིན་ཨེ་ཅིབ་ཀྱི་རྒྱལ་ས་ཁེ་རོ་ནས་བསྡུས། གྲོས་ཚོགས་ལ་ཨེ་ཅིབ་ཀྱི་མགོ་འཛིན་བྱས་པ་དང་། དམིགས་ཡུལ་ནི་ས་ཁུལ་དང་རྒྱལ་སྤྱིའི་སྤྱི་ཚོགས་ཀྱིས་ཅཱ་ཧྲ་ས་ཁུལ་ལ་རྒྱབ་སྐྱོར་བྱེད་པར་བརྩོན་ལེན་བྱས་ཏེ། ཕཱ་ལེ་སི་ཐན་མི་དམངས་ཀྱི་དཀའ་སྡུག་ཇེ་ཆུང་དུ་གཏོང་བའི་ཆེད་དུ་རེད། རྒྱལ་ཁབ་དང་རྒྱལ་སྤྱིའི་རྩ་འཛུགས། དངུལ་ལོར་ལས་ཁུངས་བཅས་སོ་སོ་ནས་ཡོང་བའི་འཐུས་ཚབ་ཚོགས་པ103གྲོས་ཚོགས་ལ་ཞུགས།

མཉམ་འབྲེལ་རྒྱལ་ཚོགས་ཀྱི་དབུས་ཤར་ཕཱ་ལེ་སི་ཐན་ཡུལ་གྱར་བའི་རྒུད་སྐྱོབ་དང་བཟོ་སྐྲུན་ཁྲུའུ་ཡི་ཀྲུའུ་རིན་ཆེད་དོན་པ་ལཱ་ཀྲ་ལི་ནེ་ཡིས་གྲོས་ཚོགས་སྟེང་གཏམ་བཤད་སྤེལ་སྐབས་བསྟན་དོན། ངེས་པར་དུ་ཅཱ་ཧྲ་ས་ཁུལ་ནས་མུ་མཐུད་དུ་མི་ཆོས་རིང་ལུགས་ཀྱི་འགུལ་སྐྱོད་སྤེལ་བར་བདེ་འཇགས་དང་ཕན་ནུས་ལྡན་པའི་ཆ་རྐྱེན་འདོན་སྤྲོད་བྱེད་དགོས་ཟེར། ཁོས་བྲེལ་མྱུར་བྱེད་ཐབས་སྤྱད་དེ་ཆབ་སྲིད་ཐག་གཅོད་ཇུས་གཞི་འགོད་པར་སྐུལ་འདེད་བཏང་སྟེ་ཅཱ་ཧྲ་ས་ཁུལ་གྱི་དཀའ་སྡུག་མཇུག་སྒྲིལ་དུ་འཇུག་དགོས་པའི་སྐུལ་མ་བཏང་།

ཨེ་ཅིབ་ཀྱི་ཕྱི་འབྲེལ་པུའུ་ཀྲང་ཨ་པུའུ་ཏུའུ་ལེ་ཨ་ཐིས་ཀྱིས་བསྟན་དོན། ཨེ་ཅིབ་ཀྱིས་ཁྲིམས་འགལ་ངང་མཉམ་འབྲེལ་རྒྱལ་ཚོགས་ཀྱི་དབུས་ཤར་ཕཱ་ལེ་སི་ཐན་ཡུལ་གྱར་བའི་རྒུད་སྐྱོབ་དང་བཟོ་སྐྲུན་ཁྲུའུ་ཡི་བྱ་བ་གཏན་འགོག་བྱས་པར་རྒོལ་གཏམ་དྲག་པོ་བཏང་བ་དང་། དེ་ནི་རྒྱལ་སྤྱིའི་སྤྱི་ཚོགས་དང་དེའི་ལས་ཁུངས་ལ་སྣང་ཆུང་བྱས་པ་རེད་ཟེར།

དབྱི་སི་རལ་གྱི་གྲོས་ཁང་གིས་ཟླ10བའི་ཚེས28ཉིན་བཅའ་ཁྲིམས་འཆར་ཟིན་བཀོད་དེ། མཉམ་འབྲེལ་རྒྱལ་ཚོགས་ཀྱི་དབུས་ཤར་ཕཱ་ལེ་སི་ཐན་ཡུལ་གྱར་བའི་རྒུད་སྐྱོབ་དང་བཟོ་སྐྲུན་ཁྲུའུ་ཡི་དབྱི་སི་རལ་གྱི་མངའ་ཁོངས་ཀྱི་བྱ་བ་གཏན་འཇགས་བྱས་པར་མ་ཟད། དབྱི་སི་རལ་གྱི་དབང་འཛིན་ལས་ཁུངས་ཀྱིས་དེའི་བར་མཉམ་ལས་བྱེད་པར་གཏན་འགོག་བྱས་པ་རེད།