ཕའོ་ལན་གྱིས་ཡོ་རོབ་གླིང་མནའ་འབྲེལ་གྱི་བདེ་འཇགས་ལ་ཤུགས་སྣོན་བྱེད་པར་འབད་འབུངས་བྱེད་རྒྱུའི་ཚུལ་བསྟན།

ཕའོ་ལན་གྱི་ཙུང་ལི་ཐུའུ་སི་ཁི་ཡིས་ཚེས3ཉིན་བསྟན་དོན། ཕའོ་ལན་གྱིས་སང་ལོའི་ལོ་སྟོད་ལ་ཡོ་རོབ་གླིང་མནའ་འབྲེལ་གྱི་རེས་སྐོར་ཀྲུའུ་ཞིའི་རྒྱལ་ཁབ་ཀྱི་འགན་ཁུར་བའི་སྐབས་སུ་ཡོ་རོབ་གླིང་མནའ་འབྲེལ་གྱི་བདེ་འཇགས་ལ་ཤུགས་སྣོན་བྱེད་པའི་ཐད་འབད་འབུངས་བྱེད་རྒྱུ་ཡིན་ཟེར།

ཐུའུ་སི་ཁི་ཡིས་ཉིན་དེར་འཚམས་འདྲིར་ཡོང་བའི་ཡོ་རོབ་གླིང་མནའ་འབྲེལ་ལས་འཛིན་ལྷན་ཚོགས་ཀྱི་དྲུང་ཡིག་ཆེན་མོ་པུའུ་ལན་ཆེ་ཐི་དང་གྲོས་མོལ་བྱེད་སྐབས་བསྟན་དོན། ཕའོ་ལན་གྱི་རེས་སྐོར་ཀྲུའུ་ཞིའི་རྒྱལ་ཁབ་ཀྱི་འགན་ཁུར་བར་འགྲན་རྩོད་མང་བོ་ཡོད་ཅིང་། ཡོ་རོབ་གླིང་མནའ་འབྲེལ་དེ་འབྲེལ་བ་ནས་འཐབ་འཁྲུག་དང་། ཡང་ན་ཞི་བདེ་ཡི་ཐོལ་རྒོལ་རང་བཞིན་གྱི་དོན་རྐྱེན་ལ་འཕྲད་སྲིད། བདེ་འཇགས་ནི་ཕའོ་ལན་གྱི་བྱ་བའི་གཙོ་གནད་ཡིན་པ་དང་། དམག་དོན་ཁྱབ་ཁོངས་ཀྱི་བདེ་འཇགས་ཙམ་མ་ཡིན་པར། དཔལ་འབྱོར་བདེ་འཇགས་དང་ནུས་ཁུངས་བདེ་འཇགས། ཟས་རིགས་བདེ་འཇགས་སོགས་འདུས་ཡོད་ཟེར།

པུའུ་ལན་ཆེ་ཐི་ཡིས་བཤད་རྒྱུར། སྐབས་གསར་བའི་ཡོ་རོབ་གླིང་གྲོས་ཁང་དང་ཡོ་རོབ་གླིང་མནའ་འབྲེལ་ཨུ་ཡོན་ལྷན་ཁང་གིས་ལས་འགན་ཁུར་རྗེས་ཀྱི་ཡོ་རོབ་གླིང་མནའ་འབྲེལ་གྱི་རེས་སྐོར་ཀྲུའུ་ཞིའི་རྒྱལ་ཁབ་ཀྱི་འགན་ཡུན་ཐོག་མ་ཡིན་པའི་ཆ་ནས། ཕའོ་ལན་གྱི་འགན་ཡུན་དེ་ལྷག་ཏུ་གལ་ཆེ་བར་མངོན་ཡོད། མིག་སྔའི་རྙོག་འཛིང་ཆེ་བའི་རྒྱལ་སྤྱིའི་གནས་བབ་འོག ཡོ་རོབ་གླིང་མནའ་འབྲེལ་གྱིས་ཐབས་ཇུས་གལ་ཆེན་འདོན་དགོས་ཟེར།

ཕའོ་ལན་གྱིས2025ལོའི་ཟླ་དང་པོའི་ཚེས་གཅིག་ཉིན་ཧང་ག་རིའི་ཚབ་ཏུ་ལོ་ཕྱེད་རིང་ཡོ་རོབ་གླིང་མནའ་འབྲེལ་གྱི་རེས་སྐོར་ཀྲུའུ་ཞིའི་རྒྱལ་ཁབ་ཀྱི་འགན་ཁུར་རྒྱུ་རེད།